Xk galarazi egingo du erabiltzaileek Grok bidez irudi sexualizatuak sortzea
Adimen artifizialaren inguruko murrizketa gehiago ezarri ditu sare sozialak, arropa intimoa duten benetako pertsonen irudiak sortzeko polemikaren ondoren, adingabeak barne. Neurria ordainpeko harpidedunei ere aplikatzen zaie.
Elon Musken X sare sozialak Groken bitartez egiten diren irudi sexualizatuak sortzea blokeatuko du. Bikinia jantzita zein barruko arropatan agertzen diren pertsonen argazkiak eta ilustrazioak sortzeko gaitasuna polemika gero eta handiagoa sortzen ari da, eta hori izan da erabakia hartzeko arrazoia, tartean adingabeak ere agertzen baitira.
Xren segurtasun-kontuak sare sozialean bertan argitaratutako mezu batean azaldu duenez, neurriak "guztiontzako espazio seguru bat sortzeko" konpromisoari erantzuten dio, eta adingabeen sexu-esplotazioaren, baimenik gabe inor irudietan "biluzaraztearen" eta nahi ez den eduki sexualaren aurrean zero tolerantzia-politikari eutsi nahi dio.
Konpainiak zehaztu duenez, neurri teknologikoak aplikatu dira, inoren irudiak bikinia jantzita zein barruko arropatan erakusteko editatzea eragozten dutenak. Murrizketa horrek erabiltzaile guztiei eragingo die, baita ordainpeko harpidetza dutenei ere.
Joan den urtarrilaren 9an, Xk irudiak sortzeko funtzioa harpidetutako erabiltzaileentzat bakarrik mugatu zuen. Orain, plataforma harago joan da, eta eduki mota hori blokeatu du komunitate osoaan; beraz, Groken bidez ezin izango da pertsona errealen irudirik editatu barruko arropatan edo antzekoak jantzita ager daitezen.
Europar Batasunak Xri eskatu dio irudiak sortzearekin lotutako dokumentazio guztia urte amaierara arte gordetzeko, eta Erresuma Batuak sare soziala blokeatzeko mehatxua egin du. Malaysiak eta Indonesiak, berriz, zuzenean debekatu dute Grok erabiltzea.
Eskubide digitalen, haurren babesaren eta emakumeen eskubideen defentsaren aldeko erakundeek ere neurri sendoagoak eskatu dituzte. Gutun ireki batean, Appleri eta Googleri eskatu diete Grok beren aplikazio-dendetatik kentzeko, baimenik gabeko irudi intimoak sortzeko erabiltzen ari direla uste baitute, haurren sexu-abusuko materiala barne, eta horrek plataforma horien arauak urratzen dituela uste dute.
AA
Grok, Xren adimen artifiziala, indarkeria matxistarako erraminta berria
Milaka pertsona Elon Musken AA erabiltzen ari dira emakumeen irudi sexualizatuak sortzeko, haien baimenik gabe. Horrek eztabaida handia sortu du munduan. Horregatik, Colectiva Femiaseko bi kiderekin hitz egin dugu, artea, feminismoa eta AA lantzen dutenak.
Zure interesekoa izan daiteke
Teslak Cybercab aurkeztu du, robotaxi autonomoen aldeko apustua
Teslak Cybercab aurkeztu du ostegun honetan, robotaxi autonomo gisa funtzionatzeko diseinatutako bi plazako ibilgailu elektrikoa. Autoak ez du bolanterik, ezta pedalik ere, eta konpainiak garatutako gidatze sistema autonomoaren mende dago erabat. Teslak 45 ibilgailuko lehen serie bat merkaturatu du (Texasen eta Floridan zerbitzua eskaintzen ari dira jada), baina konpainiak robotaxia pixkanaka zabaltzea aurreikusten du, AEBko beste eremu batzuetara heltzeko.
Robotak, neurrira: adinekoentzat beren-beregi diseinatutako teknologia garatu dute Nafarroan
Robotika Erronkak izeneko egitasmo aitzindariaren atzean Nafarroako Gobernua eta ADACEN daude. Helburua da desgaitasuna duten adinekoen autonomia eta bizi-kalitatea hobetzea, robotika erabilita. Berritasun nagusia: erabiltzaileak eta euren familiek gidatzen dute robotaren garapena. Horrela, teknologia pertsonari egokituko zaio, eta ez alderantziz.
Instagramek mugatu egingo ditu adimen artifizialaz sortu diren eta identifikatu gabe dauden erabiltzaileen profilak
"AA sortzailea" etiketaren ordez "AAk sortutako profila" etiketa erabiliko du aurrerantzean aipatu sare sozialak. Neurriak ez die eragingo edukia sortzeko edo editatzeko orduan adimen artifizialaren tresnak erabiltzen dituzten erabiltzaileei.
Gure eguneroko bizitzan txertatuko den robotikarik garatuena Txinako nazioarteko biltzarrera iritsi da
Azken erakusketetan ping-ponga jokatzen, dantzatzen eta borrokatzen aurkeztu dituzte robotak. Oraingoan, ikuskizuna emateaz harago, robotak lan egiteko gai dira, etxean zein fabriketan. Roboten salmentak nazioartean lau bider handitu dira; Unitree enpresa Shanghaiko burtsan estreinatu da aste honetan. Urte gutxi barru gure egunerokoaren parte izango direla ziurtatzen dute.
"Aura farmeatzea", sare sozialetako lehiaketa birala
“Aura farmatzea” zerbait behin eta berriz edo neurriz gaindi egitea da, “aura” irabazi eta pilatzeko; hau da, besteen aurrean presentzia, estiloa edo errespetua erakusteko. Lehiakide bakoitza saiatzen da ahalik eta ekintzarik ikusgarriena egiten edo presentzia handiena erakusten, aurkariak baino “aura” gehiago lortzeko. Hala ere, alderantziz ere funtzionatzen du: eroriko batek, huts egite batek edo une lotsagarri batek “aura” galtzea ekar dezake. Eta zuk... ezagutzen al zenuen moda berria?
Adimen artifizialarekin egindako kartel gehienek antzeko itxura dute
Kartelgintza sektorean ere gero eta ohikoagoa da tresna hori erabiltzea, merkea eta erraza baita. Publizitate adituen arabera, ordea, adimen artifiziala erabiltzea kaltegarria izan daiteke markentzat.
Sonyk 2028a baino lehenagoko diskoen ekoizpena mantenduko du, baina fabrikazio-mugekin
Konpainiaren azalpenen arabera, garatzaileek lehendik editatutako bideojokoen disko fisikoak eskatzen jarraitu ahalko dute, lantegiek euren fabrikazio-gaitasuna asko murriztuko duten arren.
Eusko Jaurlaritzak ordenagailu kuantikoa enpresen eskura jarri du: "Ilara luzea daukagu"
Basque Quantum (BasQ) aliantzak gidatuta, sarbide protokolo bat zehaztu dute enpresa eta erakunde publikoen sarbidea errazteko.
Europako Justiziak Googleri ezarritako 4.125 milioi euroko isuna berretsi du
Europar Batasuneko Justizia Auzitegiak ezetsi egin du Googlek jarritako errekurtsoa, eta zigortu egin du konpainia Android sistema eragilearen bidez nagusitasunezko posizioaz abusatzeagatik.
PlayStationek bideojoko berrien disko fisikoak ekoizteari utziko dio 2028an
Enpresak kontsumo-joera berrietara egokitu nahi du, eta "baliabide digitalen aldeko joera disko fisikoena baino askoz handiagoa" dela adierazi du.