Amnistia Internazionalak salatu duenez, TikTok "nerabeen autoestimu txikiaz baliatzen da dirua irabazteko"
Erakundearen txosten batek ohartarazi duenez, sare sozialaren algoritmoak automutilazioari eta suizidioari buruzko edukiak helarazten dizkie gazteei. AI erakundeak adingabeak babesteko premiazko neurriak hartu ditzaten eskatu die Europako Batzordeari eta Frantziako Gobernuari.
TikTok nerabe eta gazteei zuzendutako plataforma ezagunak "dirua irabazten du nerabeen autoestimu txikiaz baliatuta", Amnistia Internazionalak (AI) txosten batean salatu dutenez. Sare soziala debekatzea eztabaidatzen ari dira Frantzian.
Entraîné-e-s dans le Rabbit Hole ("Zulotik irten ezin") izeneko dokumentuak adingabeen segurtasuna bermatzeko "premiazko" neurriak hartzeko eskatu die Frantziako Gobernuari eta Europako Batzordeari. Gomendioen artean dago algoritmoa aldatzea, AI erakundearen arabera, "automutilaziora eta suizidiora bultzatzen duten edukiak bistaratzera eramaten du eta".
Stephanie Mistreren alabak, Mariek, 2021ean bere buruaz beste egin zuen 15 urte zituela, sare sozialean sartu ostean. "TikTokek gure gazteentzat espetxe mental bat sortzen du, garuna manipulatzen du, dirua irabaztea eta haien autoestimu txikiaz baliatzea delako bere helburua", salatu zuen Mistrek, Algos Victime kolektiboaren sortzaileetako batek.
Alabari algoritmoak bideo pertsonalizatuak helarazten zizkion, eta alabaren osasun mentala hondatu zuela azaldu zuen Mistrek. "Marie alaia eta bizia zen, baina eskola-jazarpenak eta etsipena sustatzen duten edukiek suntsitu egin zuten", azaldu zuen. Halaber, galdetu zuen zergatik Europan ez den Txinan bezala jokatu, aplikazioaren algoritmoak eduki hezitzaileak eta positiboak sustatzen baititu.
Amistia Internazionalako Katia Rouxek gogorarazi zuen erakundeak TikTok salatu duela zerbitzu digitalen Europako legearen zenbait artikulu urratzeagatik, besteak beste, adingabeen babesari buruzkoa. Rouxek azpimarratu zuen sare sozialaren aurkako borrokari Frantzia zein Europa mailan heldu behar zaiola, Batzordeak ahalmena baitu zerbitzua zigortzeko eta etenarazteko.
Duela hilabete, txosten batek zera proposatu zuen: Frantziako Asanblea Nazionaleko ikerketa batzorde batek 15 urtetik beherakoei sare sozialetan sartzea debekatzea eta 15-18 urte bitarteko gazteei "kera-dei digitala" ezartzea.
Zure interesekoa izan daiteke
Robotak, neurrira: adinekoentzat beren-beregi diseinatutako teknologia garatu dute Nafarroan
Robotika Erronkak izeneko egitasmo aitzindariaren atzean Nafarroako Gobernua eta ADACEN daude. Helburua da desgaitasuna duten adinekoen autonomia eta bizi-kalitatea hobetzea, robotika erabilita. Berritasun nagusia: erabiltzaileak eta euren familiek gidatzen dute robotaren garapena. Horrela, teknologia pertsonari egokituko zaio, eta ez alderantziz.
Instagramek mugatu egingo ditu adimen artifizialaz sortu diren eta identifikatu gabe dauden erabiltzaileen profilak
"AA sortzailea" etiketaren ordez "AAk sortutako profila" etiketa erabiliko du aurrerantzean aipatu sare sozialak. Neurriak ez die eragingo edukia sortzeko edo editatzeko orduan adimen artifizialaren tresnak erabiltzen dituzten erabiltzaileei.
Gure eguneroko bizitzan txertatuko den robotikarik garatuena Txinako nazioarteko biltzarrera iritsi da
Azken erakusketetan ping-ponga jokatzen, dantzatzen eta borrokatzen aurkeztu dituzte robotak. Oraingoan, ikuskizuna emateaz harago, robotak lan egiteko gai dira, etxean zein fabriketan. Roboten salmentak nazioartean lau bider handitu dira; Unitree enpresa Shanghaiko burtsan estreinatu da aste honetan. Urte gutxi barru gure egunerokoaren parte izango direla ziurtatzen dute.
"Aura farmeatzea", sare sozialetako lehiaketa birala
“Aura farmatzea” zerbait behin eta berriz edo neurriz gaindi egitea da, “aura” irabazi eta pilatzeko; hau da, besteen aurrean presentzia, estiloa edo errespetua erakusteko. Lehiakide bakoitza saiatzen da ahalik eta ekintzarik ikusgarriena egiten edo presentzia handiena erakusten, aurkariak baino “aura” gehiago lortzeko. Hala ere, alderantziz ere funtzionatzen du: eroriko batek, huts egite batek edo une lotsagarri batek “aura” galtzea ekar dezake. Eta zuk... ezagutzen al zenuen moda berria?
Adimen artifizialarekin egindako kartel gehienek antzeko itxura dute
Kartelgintza sektorean ere gero eta ohikoagoa da tresna hori erabiltzea, merkea eta erraza baita. Publizitate adituen arabera, ordea, adimen artifiziala erabiltzea kaltegarria izan daiteke markentzat.
Sonyk 2028a baino lehenagoko diskoen ekoizpena mantenduko du, baina fabrikazio-mugekin
Konpainiaren azalpenen arabera, garatzaileek lehendik editatutako bideojokoen disko fisikoak eskatzen jarraitu ahalko dute, lantegiek euren fabrikazio-gaitasuna asko murriztuko duten arren.
Eusko Jaurlaritzak ordenagailu kuantikoa enpresen eskura jarri du: "Ilara luzea daukagu"
Basque Quantum (BasQ) aliantzak gidatuta, sarbide protokolo bat zehaztu dute enpresa eta erakunde publikoen sarbidea errazteko.
Europako Justiziak Googleri ezarritako 4.125 milioi euroko isuna berretsi du
Europar Batasuneko Justizia Auzitegiak ezetsi egin du Googlek jarritako errekurtsoa, eta zigortu egin du konpainia Android sistema eragilearen bidez nagusitasunezko posizioaz abusatzeagatik.
PlayStationek bideojoko berrien disko fisikoak ekoizteari utziko dio 2028an
Enpresak kontsumo-joera berrietara egokitu nahi du, eta "baliabide digitalen aldeko joera disko fisikoena baino askoz handiagoa" dela adierazi du.
Gaspi argentinar youtuber ezaguna hil da, helikoptero istripu batean
Ibai Llanos bilbotarrak iaz antolatutako boxeo-ikuskizunaren izarretako bat izan zen Gaspi. Sei pertsona hil dira ezbeharrean.