"Zure urtea ChatGPTn", 2025eko interakzioak laburbiltzen dituen funtzio berria
Erabiltzaile orok izango du tresna eskuragarri, doako bertsioen nahiz ordainpeko bertsioen erabiltzaileek, betiere gordetze-memoria eta txat-historia aktibatuta badituzte.
OpenAI enpresak funtzio berri bat atera du urte amaierarako: ChatGPTn aurten egindako interakzio guztien laburpena. Spotifyk eta Google Argazkiak aplikazioek wrapped edo oroitzapen nabarmenen laburpenarekin egiten duten antzera, ChatGPTk "Zure urtea ChatGPTn" egin du.
Hori horrela, Sam Altmanen konpainiaren txatbotak bat egin du, beraz, online plataformek eta zerbitzuek ematen duten eskaintzarekin; izan ere, horiek urteko jardueren laburpena egiten dute.
Tresna berriak 2025ean egindako elkarrekintza guztien laburpena eskaintzen du, irudi eta datuen bidez aurkeztutakoa. Laburpenak elkarrizketa kopurua, sortutako irudiak, erabiltzaile guztien ehunekoak, gai eta datuen grafikoak azaltzen ditu adimen artifizialak, erabilerari buruzko informazio ugariz jantzita.
Gainera, poema bat eta irudi pertsonalizatu bat ere sortzen ditu ChatGPTk, hori eskatzen duen erabiltzaileen laburpenarekin batera.
Laburpen funtzioa kontsultatzeko, erabiltzaileak txatbotean eskatu edo bilaketa-barran agertzen den laburpen-aukeran sakatu besterik ez du egin beharko.
OpenAIk berak adierazi duen bezala, bai doako bertsioen eta baita ordainpeko bertsioen erabiltzaileek izango dute tresna eskuragarri, betiere gordetze-memoria eta txat-historia aktibatuta badituzte.
Oraingoz, "Zure urtea ChatGPTn" Amerikako Estatu Batuetako, Erresuma Batuko, Kanadako, Zeelanda Berriko eta Australiako erabiltzaileek baino ezin dute erabili.
Zure interesekoa izan daiteke
Adimen artifizialarekin egindako kartel gehienek antzeko itxura dute
Kartelgintza sektorean ere gero eta ohikoagoa da tresna hori erabiltzea, merkea eta erraza baita. Publizitate adituen arabera, ordea, adimen artifiziala erabiltzea kaltegarria izan daiteke markentzat.
Sonyk 2028a baino lehenagoko diskoen ekoizpena mantenduko du, baina fabrikazio-mugekin
Konpainiaren azalpenen arabera, garatzaileek lehendik editatutako bideojokoen disko fisikoak eskatzen jarraitu ahalko dute, lantegiek euren fabrikazio-gaitasuna asko murriztuko duten arren.
Eusko Jaurlaritzak ordenagailu kuantikoa enpresen eskura jarri du: "Ilara luzea daukagu"
Basque Quantum (BasQ) aliantzak gidatuta, sarbide protokolo bat zehaztu dute enpresa eta erakunde publikoen sarbidea errazteko.
Europako Justiziak Googleri ezarritako 4.125 milioi euroko isuna berretsi du
Europar Batasuneko Justizia Auzitegiak ezetsi egin du Googlek jarritako errekurtsoa, eta zigortu egin du konpainia Android sistema eragilearen bidez nagusitasunezko posizioaz abusatzeagatik.
PlayStationek bideojoko berrien disko fisikoak ekoizteari utziko dio 2028an
Enpresak kontsumo-joera berrietara egokitu nahi du, eta "baliabide digitalen aldeko joera disko fisikoena baino askoz handiagoa" dela adierazi du.
Gaspi argentinar youtuber ezaguna hil da, helikoptero istripu batean
Ibai Llanos bilbotarrak iaz antolatutako boxeo-ikuskizunaren izarretako bat izan zen Gaspi. Sei pertsona hil dira ezbeharrean.
Instagram eta Facebook mundu osoan erori dira
Akatsak 15:00ak aldera hasi dira plataforma horietan, eta erabiltzaileek ezin izan dute saioa hasi, mezuak bidali edota argitalpenak partekatu zein ikusi. Oraingoz ez dute argitu zerk eragin duen arazoa.
Adimen Artifiziala euskara indartzeko aukera ona da, baina nahitaezkoa da denon parte-hartzea
Adituen ustez, nahitaezkoa da denon parte-hartzea eta Adimen Artifiziala euskaraz erabiltzea, gero eta datu gehiago izan ditzan bere lana euskaraz ere ondo egiteko.
Neskek "bazterketa" jasaten dute bideojokoetan eta askok "nortasuna ezkutatzen dute", Deustuko Unibertsitatearen ikerketa baten arabera
Ikerketaren arabera, mutilek borroka eta kirol arloko bideojokoak nahiago dituzte, eta neskek irudiari eta dantzari lotutako edukiak kontsumitzen dituzte gehiago.
Metak harpidetza-planak martxan jarri ditu Whatsapp, Instagram eta Facebook aplikazioetarako
Instagram Plus eta Facebook Plus bertsioek 3,5 euro inguruko kostua izango dute hilean, eta Whatsapp Plusek, 2,5 eurokoa.