Donostiak 23.000 musikari hartuko ditu 2016an, makrojaialdi batean
Anoetako estadioak 23.000 musikari bilduko ditu 2016ko maiatzean, Europako Musikari Gazteen Jaialdia inauguratzeko. Kultura Hiriburuaren ekimenen baitan, bostehun kontzertu inguru eskainiko dituzte gero, Gipuzkoa osoan, musikari horiek guztiek.
Gainera, Europako Musika Eskolek antolatutako ekitaldi hau "guztion jaialdi" bihurtzeko eta jendeak ahalik eta gehien parte har dezan, Donostia 2016ko bulegoak boluntarioak aurkitzeko kanpaina bat abiatu du, "Ni ere EMUlagun" lelopean.
Hainbat helburu uztartzen dituen ekimenaren xedeetako bat Europa osotik helduko diren 10.500 musikarientzat Gipuzkoa osoan "mikroegoitzak" aurkitzea da. Maiatzaren 5, 6 eta 7an gauzatuko da musika topaketa.
Mikel Mate Donostiako Musika eta Dantzako Udal Eskolako zuzendariak azaldu duenez, kanpoko musikari hauei guztiei bertoko beste horrenbeste musikari batzea da asmoa. Horrela, Anoetako inauguraziotik hasi eta Zurriolako itxiera ekitaldira arte, hogei mila musikarik baino gehiagok parte hartuko lukete guztira bi edo hiru urtean behin egiten den jaialdi honetan. Azken edizioa Italian egin zuten, Emilia Romagnan.
Gipuzkoako udal eta eskolei deialdi berezia egin diete antolatzaileek, eta hiru hileko epea eman diete, 100-300 musikarirentzako mikroegoitzak antolatu nahi dituzten jakinarazteko. Herri edo eskola horietako musikariekin lankidetzan arituko lirateke bisitariak.
Halaber, Donostiak EMUlagun Brass Band taldea dauka dagoeneko. 10 urtetik gorako umeek eta helduek osatzen dute, eta, gaurko prentsaurrekoa girotu ez ezik, ostiralean Parisera joango da, Donostiako kultur hiriburutzari haize emateko.
Zure interesekoa izan daiteke
Horrela gogoratu zuen Frank Gehryk bere ibilbide osoa EITBn 2022an egindako elkarrizketa batean
Amaia Uribe kazetaria arkitektoaren estudioan egon zen, Los Angelesen, eta Gehryk arkitekturaren munduan egindako lanaren errepasoa egin zuten.
Aburtok eta Arzalluzek Frank Gehryren heriotza deitoratu dute, eta nabarmendu haren lanak Bilbon iraungo duela
Arkitektoak Bilboko Guggenheim Museoa diseinatu zuen, 1997an inauguratua eta une horretatik aurrera hiriaren ikono bihurtua.
Gehry: museo batekin hiri oso bat aldatu zuen maisu dekonstruktibista
Mundu osoan ezaguna da Bilboko Guggenheim museoa diseinatzeagatik, eta 100 sari baino gehiago jaso ditu egindako lan guztiengatik.
Frank Gehry hil da, Bilbo eraldatu zuen "Guggenheim efektuaren" arkitektoa
'The New York Times' egunkariak iragarri duenez, Bilboko Guggenheim museoko arkitektoa 96 urte zituela hil da gaur, abenduaren 5ean.
Irati Bazetak ‘Harien isla’ erakusketa aurkeztu du Atartean
Irati Bazeta ilustratzaile abadiñarrak Durangoko Azokaren Sormen Beka irabazi zuen iaz, "Harien isla" proiektuarekin, eta gaur aurkeztu dute horren emaitza, Atartea gune berrian, Durangoko Museoan. Lanaren helburua "intersekzionalitatea tresna analitiko kritikotzat hartuta euskara jendea osatzen duten askotariko errealitateak arakatzea da, hariak eta egiturak ikusaraztea, botere sistemez gogoeta eginez".
Ikasleak, Durangoko Azokaren lehen eguneko protagonistak
Ateak ireki eta berehala, ikasleen uholde batek hartuko ditu Landako korridoreak eta gainerako gune guztiak. Iñigo Etxezarretarekin (ETS) eta Pirritx eta Marimotots pailazoekin hitz egin dugu Durangoko Azokaren 60. edizioaren lehen orduetan.
Durangoko Azokaren inguruan nazien pintaketak agertu direla salatu dute
Talde naziek erabili ohi dituzten ingelesezko aldarrikapenak irakurtzen dira, hala nola "harrotasun zuria" eta 1488 zenbakia, banda neonaziei lotutakoa.
Durangoko Azoka martxan da
10:30ean, Landako gunearen ateak ireki dituzte, eta ikasleen oldea salmahaietan zehar zabaldu da. Ikasle Goiza da Azokako lehenengo hau, baina publiko guztiarentzat egongo dira ireki gune guztiak.
Kulturaren Plazak 60 urte, eta segi aurrera
Durangoko Azokaren 60. edizioa abenduaren 5etik 8ra egin eta ospatuko da. Atzera begira jarri ordez, baina, aurrera begira jarri dira antolatzaileak: bi gune berri estreinatuko dituzte, eta gaueko programazioa berreskuratu dute.
Txelu Angoitia, Durangoko Azokako argazkilari ofiziala: "Beti saiatzen naiz irudi berri edo berezi bat aurkitzen"
Durangoko argazkilari familia duela 60 urte hasi zen Azokan gertatzen zen guztia argazkietan islatzen. Gaur egun, ondorengoetako bat, Txelu Angoitia, Durangoko Azokako argazkilari ofiziala da.