Tanttaka Teatroak ekoizpen pribatu onenaren Max saria irabazi du
Tanttaka Teatroa euskal konpainiak enpresa edo ekoizpen pribatu onenaren Max saria irabazi du bart, Estatu mailako sariak banatzeko ekitaldian. Fernando Bernues konpainiako zuzendariak "antzerkiko jendeari" eskerrak eman dizkio, "kultura baztertzen saiatzen direnei zail jartzearren". Halaber, euskal antzokien lana ere eskertu du.
Bestalde, "Un trozo invisible de este mundo" izan da gaueko izarra, lau sari bereganatuta: antzezkizun onenaren, aktore onenaren, egile berri onenaren eta argiztatze diseinu onenaren sariak irabazi ditu.
Aldarrikapenez betetako gala batean, Juan Diego Botto "Un trozo invisible"ren sortzaile eta aktore nagusiak eskerrak eman ditu, eta "areto txikietan, kobratu barik, beren talentua oparitzen diguten kideei" eskaini die, "toki duinagoa bihurtzen baitute mundu hau".
Circo Price antzokian egindako galan, Goyetan gertatu bezala, ez da Jose Ignacio Wert Espainiako Kultura, Hezkuntza eta Kirol ministroa egon, eta antzerkigile, aktore eta teknikariek beren lanaren alde egin dute, "egungo egoera zailaren aurrean", hitza hartu dutenean.
Ildo horretan, Bottok jendeak "ogia bai, baina arrosak ere" merezi dituela adierazi du. Hartara, "lan duina" eta "etxegabetzeko arriskurik gabe bizitokia izateko eskubidea" ez ezik, "maitatu eta film on batez" gozatzeko parada ere izan behar dugula adierazi du. "Guk, nolabait, arrosa hori sortzen dugu", azaldu du.
"Barcelona" 1938ko martxoaren 16tik 18ra joandako egunetan girotutako antzezlanak, faxistek Kataluniako hiriburua bonbardatu zutenekoak jorratzen dituen lanak, antzezlan onenaren saria jaso du. Gainera, Emma Villarasauk emakumezko aktore nagusiaren saria irabazi du, bertan egindako lanagatik.
"Lo real" naziek desagerrarazi zituzten ijitoen komunitateen drama kontatzen duen Israel Galvan dantzari eta koreografoaren lanak hiru sari beretu ditu: dantza ikuskizunik onenaren, gizonezko dantzari onenaren eta koreografia onenaren sariak. Bestalde, Eva Yerbabuenak emakumezko dantzari onenaren saria irabazi du, "¡Ay!" lanean egindako zereginagatik.
Ikuskizun berri onenaren Max saria The Funamviolistas taldearentzat izan da, eta zuzendari onenarena Carlos Alfarorentzat, "El lindo don Diego" antzezlanagatik. Lan horretan Maria Araujo jantzi-marrazkigileak egin zuen papera ere saritu dute.
"Forests" Shakespeareren idatzietan oinarritutako lanari bi sari eman dizkiote: Maika Makovskiren musikarentzat bata, eta Rebece Ringsten eszenografiarentzat bestea.
Ohorezko Max saria Maria de Avila otsailean hil zen ballet-dantzariari eman diote.
Albiste gehiago kultura
Euskalduna izango da ‘Mastodophonika’ ikuskizunaren eszenatokia, irailaren 5 eta 6an
Ekitaldian Mastodonte, Leioako San Juan Bautista Abesbatza eta Euskadiko Gazte Orkestra (EGO) igoko dira taula gainera.
HIGA Hizkuntza Gutxituetako Gazte Hiztunen Topaketaren inaugurazio ekitaldia
Goi-bilera uztailaren 14tik 18ra egingo da, Gasteizen. Ekitaldiak parte-hartzaileei tailerrak, hitzaldiak eta eztabaida-panelak eskainiko dizkie, hizkuntza berreskuratzeari, gazteen aktibismoari eta nazioarteko sareak sortzeari buruzkoak.
Bilboko Arte Ederren Museoak 1970eko eraikina berriro zabalduko du urriaren 8an, egitarau berezi batekin
Irekierarekin, museoak "mugarri garrantzitsua jarri du" bere eraldaketan, eta 2026ko ekainean aurreikusitako 'Agravitas' espazioaren inaugurazioarekin amaituko da.
Jon Esnaola Agirre musikariak eta Xabier Etxeberria Mauleon filosofoak jaso dute Eusko Ikaskuntza saria
Esnaolak (Tolosa, 2000) Eusko Ikaskuntza-Laboral Kutxa Gazte Saria 2025 jaso du ‘LUUR, Nestor Basterretxearen oroimenez’ lanarengatik. Xabier Etxeberria Mauleonek (Arroitz, 1944), Eusko Ikaskuntza-Laboral Kutxa Humanitate, Kultura, Arte eta Gizarte Zientzien saria.
Albiste izango dira: Bilbao BBK Live, laugarren entzierroa eta Sanchezen agerraldiaren biharamuna
Gaurkoan albiste izango direnen laburpena, bi hitzetan.
Hasi dira iristen BBK Live jaialdira joatekoak diren lehen musikazaleak
Goiztiarrenek San Mamesen eta BECen jarri dituzten postuetara jo dute pultserak eskuratzeko. Kanpina eguerdian zabaldu dute. Aurten, 6.000 lagun inguru espero dituzte bertan, eta lehenengoak dagoeneko igo dira horretarako apropos prestatutako autobusetan.
Joxe Azurmendi: "Euskaltasun jatorra egin egin behar da"
Euskal pentsalari oparoa atzo zendu zela eta, 1994an Hasier Etxeberriak "Ez dago larrosarik" saiorako egin zion elkarrizketako pasarte batzuk berreskuratu ditugu. Arantzazu, euskaltasuna, artea eta filosofia hartu zituen hizpide, besteak beste.
Txomin Olabarri, Azkuna Zentroko zuzendari nagusi berria
2018ko maiatzetik 2024ko abendura bitartean Azkuna Zentroko zuzendari izan zen Fernando Perezek kargua bere borondatez utzi ondoren, Olabarri izendatzea erabaki dute.
Milaka lagunek gozatu dute Bilboko Itsasadarreko ur gaineko kontzertuez
Bero egin arren, milaka lagun gerturatu dira Bilboko Itsasadarrera BBK Riak antolatutako kontzertuetara. ETSko Iñigo Etxezarreta, Amaia eta Arde Bogota ur gainerako eszenatokian aritu dira gerturartu direnen gozamenerako.
Itziar Mendizabal dantzariak amaiera eman dio bere ibilbide bikainari Londresko Royal Ballet konpainian
Lau urterekin hasi zen balletean lehen urratsak ematen, eta dantzarako grinak, besteak beste, Alemaniara eraman du. Hondarribiko dantzariak alde batera utziko ditu eszenatokiak, baina ez balleta. Londresko konpainia ospetsuak bere goi mailako dantza eskolako irakasle izateko fitxatuko duela iragarri du.