Robin Williamsek bere buruaz beste egin zuen, gerriko bat erabilita
Robin Williams aktore estatubatuarra asteartean zendu zen, 63 urte zituela, Kaliforniako Tiburon herrian zuen etxean. Marin konderriko agintariek jakinarazi dutenez, lehen ikerketen arabera, aktoreak bere buruaz beste egin zuen, bere logelan gerriko bat erabiliz bere burua urkatuta.
Bere burua hil zuela uste arren, Poliziak agerraldia egingo du kazetarien aurrean, autopsiaren berri jaso eta gero.
Azken asteotan "depresio gogor baten aurka" aritu da Williams, aktorearen bozeramaileak, Mara Buxbaum-ek, aditzera eman duenez. "Ustekabean galdu dugu", gaineratu du.
Williamsen emazteak (Susan Schneider) esan du "bihotza urratu" zaiola, eta, senarra izateaz gain, bere "lagunik onena" ere bazela adierazi du. Haren heriotzagatik barik, Williamsek "milioika laguni eragindako barre eta zoriontasunagatik" gogoratzea eskatu du.
Uztailean, Minnesotako errehabilitazio zentro batean sartu zen bere kabuz, urtebetez lanean egon ondoren.
Kokaina eta alkoholarekin hainbat arazo izan ditu Robbin Williamsek 80ko hamarkadatik. Urte askotan, menpekotasun horietatik urrun mantentzea lortu zuen, baina 2006. urtean berriz erori zen.
Atzo ikusi zuten bizirik azkenekoz, Kaliforniako Tiburon herrian zuen etxean. Goizaldean, larrialdi zerbitzuei hots egin zieten, aktorearen egoeraz ohartarazteko. Medikuak aktorearen etxera iritsi zirenean, Williams arnasik eta konorterik gabe aurkitu zuten, eta haren heriotza egiaztatu besterik ezin izan zuten egin.
Zine munduan ibilbide luzea izan du Robin Williamsek. 1998. urtean, Oscar saria lortu zuen, eta 5 Urrezko Globo ere eskuratu zituen. Oscar saria Good Will Hunting filmari esker lortu zuen.
1951. urteko uztailaren 21ean jaio zen, Chicagon, eta "Happy Days" telesailean eman zituen bere aurreneko pausoak, 1974. urtean. Zinean, Popeye (1980) izan zen bere lehen filma, baina hamarkada horretako bigarren zatira arte ez zuen ospea lortu.
Good Morning Vietnam filmean egindako lanagatik, Oscar saria jasotzeko izendatu zuten 1988an, baina ez zuen lortu. 1990ean eta 1992an ere bi izendapen izan zituen, El club de los poetas muertos eta The Fisher King filmetan egindako lanengatik. 1998an lortu zuen azkenean Oscar saria, Good Will Hunting pelikulagatik.
Aurten The Angriest Man in Brooklyn komedia eta Boulevard dramak estreinatu ditu, eta urte amaierarako Merry Friggin' Christmas eta Night at the Museum-en hirugarren zatia prest zituen. Horrez gain, telebistan ere aritu da azken hilabeteotan.
Robin Williams hainbat filmerengatik gogoratuko dugu: Awakenings (1990), Hook (1991), Aladdin (1992), Mrs. Doubtfire (1993), Jumanji (1995), Patch Adams (1998), Bicentennial Man (1999), The Butler...
Zure interesekoa izan daiteke
Juan Tamariz magoa hil da, 83 urte zituela
Mundu osoan zen ezaguna, kartomagian, hurbileko magian eta mentalismoan espezializatua zegoen, eta bere ikuskizunetan humorea erabiltzen zuen.
Adele, Raye, Sienna Spiro…: 15 urte Amy Winehouseren oinordekoaren zain
Duela 15 urte Camden Towneko bere etxean hilda aurkitu zuten Amy Winehouse; ordutik, Erresuma Batuko musikagintzak ez du haren parekorik aurkitu.
Bilbao Blues jaialdiak doako kontzertuekin beteko du Areatza
Uztailaren 24tik 26ra egingo den jaialdiaren bosgarren edizioak Travellin' Brothers Bizkaiko taldeari emango dio urteko saria.
Calvin Harris, FKA twigs eta Dani Fernandez, Bilbao BBK Live jaialdiaren lehen eguneko izar distiratsuenak
Alcalá Norte taldearen kontzertu ezustekoak eta Calvin Harris, FKA twigs eta Dani Fernandezen emanaldiek Bizkaiko hiriburuan hiru eguneko musikari hasiera eman diote. Milariek nazioarteko izenekin, tokiko talentuarekin eta Kobetamendiko publikoa harritu duen ezusteko emanaldi batekin gozatu dute.
Alex de la Iglesia animazioan murgilduko da, Lovecraft idazlearen obran inspiratuta
'Ages of Madness: The Howling of the Jinn' goiburua hartuko du pelikulak, eta 'Necronomicon' idazle estatubatuarraren fikzioko liburuan oinarrituko da. Garai eta toki ezberdinetan kokatutako hainbat istorio harilkatuko ditu.
Aurora Beltranek Vianako Printzea Kulturaren Saria jaso du
Aurora Beltran abeslari nafarrak jaso du gaur 2026ko Vianako Printzea Kulturaren Saria, Los Arcosen, "hegan egin nahi izan duten eta, agian, ezin izan duten edo utzi ez dieten emakume guztiei eskainita".
Sortzaile, ekoizle eta plataformak batuko ditu Podcast Geltokia jaialdiak
Ostegunetik, hilak 28, hasita, Tabakalera Donostiako zentroak Podcats Geltokia audioaren jaialdiaren lehen edizioa hartuko du. Hiru egunez, audioaren munduan lanean ari diren eragileak bilduko ditu Tabakalerak eta EITBk bultzatu duten topaguneak.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.