80 ekintza baino gehiago, Donostia 2016 abiatzeko
Hiriko ia berrogeita hamar eragilek eta kultura espaziok hirurogeita hamar ekintza baino gehiago gauzatuko dituzte hirian, urtarrilaren 20tik 24ra, Donostia 2016ren inaugurazioan.
Energia-olatuak laguntza-programari esker, hiritarrek sortutako eta aukeratutako hamaika proiektu ere egongo dira ikusgai, inaugurazio-egunetako kultura-eskaintza zabalaren osagarri gisa.
San Sebastian egunak emango dio hasiera inaugurazio-agendari, ohiko danborradarekin. Ondoren, aipatzeko moduko beste zenbait hitzordu ere izango dira: "1966 | Gaur Konstelazioak | 2016" erakusketa proiektuaren inaugurazioa, urtarrilaren 22an, San Telmon… Eta, beste ezeren gainetik, ekitaldi nagusia egongo da: hiritar guztiei zuzendutako aparteko ikuskizun bat. Hansel Cerezak diseinatu du, eta urtarrilaren 23an izango da, 20:00etan, Maria Kristina zubian.
Urtarrilaren 20an, eguerdian, haurren danborradan, konpainia berri batek hartuko du parte: lehenengoz, beste hiri bateko haurrek ere joko dute danborra, Sarriegiren konposizioen erritmoei jarraituz. Hain zuzen ere, Wroclawko haurrak izango dira; izan ere, Poloniako hiri hori ere Europako Kultur Hiriburu izango da 2016an.
Hasiera horren ondoren, programazio zabal batez gozatu ahal izango da lau egunez: hirurogeita hamar jarduera baino gehiago egongo dira.
Ekitaldi garrantzitsuenetako bat "1966 | Gaur Konstelazioak | 2016" erakusketa proiektuaren inaugurazioa izango da. San Telmo Museoan egingo da, urtarrilaren 22an. Gaur 70eko hamarkadako talde iragankorra du aztergai erakusketa horrek, eta, horrenbestez, garai hartako hainbat artistaren obrak erakutsiko ditu: Oteiza, Chillida, Zumeta, Basterretxea, Amable, Mendiburu, Sistiaga eta Balerdi.
Ekitaldi nagusia, urtarrilaren 23an
Inaugurazioaren momentu gorena Hansel Cerezak disenatutako ‘Elkarbizitzaren zubia’ ikuskizunak eskainiko du. Ekitaldia Maria Kristina zubi ingurura hainbat milaka jende erakartzeko pentsatuta dago. Urtarrilaren 23an, arratsaldeko 20:00etan puntuan hasiko den eta Urumea ibaiaren bi aldetatik ikus ahal izango den ikuskizuna Hiriburutzaren alegoria handia izango da.
Muntaia handi honen baitan herritarren partaidetzak garrantzia berezia izango du. Publikoaren banaketa modu ordenatuan egiteko, DSS2016EUk ikuskizunaren gunera denborarekin iristea gomendatzen du.
Zure interesekoa izan daiteke
Aurora Beltranek Vianako Printzea Kulturaren Saria jaso du
Aurora Beltran abeslari nafarrak jaso du gaur 2026ko Vianako Printzea Kulturaren Saria, Los Arcosen, "hegan egin nahi izan duten eta, agian, ezin izan duten edo utzi ez dieten emakume guztiei eskainita".
Sortzaile, ekoizle eta plataformak batuko ditu Podcast Geltokia jaialdiak
Ostegunetik, hilak 28, hasita, Tabakalera Donostiako zentroak Podcats Geltokia audioaren jaialdiaren lehen edizioa hartuko du. Hiru egunez, audioaren munduan lanean ari diren eragileak bilduko ditu Tabakalerak eta EITBk bultzatu duten topaguneak.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.
Ziburuko Euskal Liburu eta Disko Azokak “arnas-unea eta sorkuntzaren plaza” irekiko ditu
Ekainaren 6an, Euskal Liburu eta Disko Azoka egingo da Lapurdiko udalerrian, zazpigarrenez, Baltsan elkartearen eta Argia komunikabidearen ekimenez. Beñat Oihartzabal hizkuntzalaria omenduko dute.
Esther Ferrerrek jasoko du Eusko Ikaskuntza-Laboral Kutxa Humanitateak, Kultura, Arteak eta Gizarte Zientzien Saria
Donostiar artistaren “nazioarteko proiekzioa eta arte garaikidearen berrikuntzan egindako ekarpen erabakigarriak” aitortu ditu sariaren epaimahaiak. Uztailean emango diote golardoa, Maddi Alberdi San Martin Eusko Ikaskuntza-Laboral Kutxa Gazte Sariaren irabazleari bezala.
Alejandro Gonzalez Iñarrituren hitzaldia astelehenean BBK Aretoan, 'Carne y Arena' erakusketaren inguruko jardueren barruan
Hitzaldia 19:00etan izango da, eta sarrerak eskuragarri daude jada, doan. Mexiko eta AEB arteko mugako migratzaileen eta errefuxiatuen esperientzia eta testigantzetan oinarritutako 'Carne y Arena' murgiltze esperientzia EITBko 5. platoan dago ikusgai martxoaren 16tik ekainaren 20ra arte.
2028rako Veneziako Biurtekoan espazio propioa izateko lanean ari da Euskadi
Hala iragarri du Ibone Bengoetxea Eusko Jaurlaritzako lehen lehendakariordeak eta Kultura sailburuak Venezian egindako ekitaldi instituzionalean. "Aurrera egin nahi dugu, eta gure helburua da euskal sorkuntza artistikoa nazioarteko erakusleiho horretan etengabe proiektatzea", gaineratu du.