9.000 haurren danbor-hotsek Donostia eta Wroclaw batu dituzte
Haurren danborradak hartu du Donostia, San Sebastian egun honetan. Urtero bezala, eguerdian, 12:00ak puntuan lehertu da festa. Jeneralak eta bere laguntzaileak konpainia guztiak ikuskatu dituzte Alderdi Ederren, eta ondoren, Udaletxeko balkoi nagusira igo dira Easo Ederrarekin eta Danbor Nagusiarekin batera, alkatea eta herritarrak agurtzera. Easo Ederrak eta Jeneralak egun honetarako dituzten desioak adierazi dizkiete aurten atera diren 49 konpainiei.
Berezia izan da aurtengoa; Europako bi kultur hiriburuk bat egin dute haurren danborradan, Donostiak eta Wroclawek. Poloniako hiri horretan 4.000 umek San Sebastian martxa jo dute, Donostiako 5.000 danborjoleek ekin dioten une berean.
Rafal Dutkiewicz Breslaviako alkateak donostiar guztiei agurra bidali die, hirian jarritako pantaila erraldoi batzuen bidez, eta kultur urte oparoa izan dezatela esan die. Gauerdian bezala, Europako ereserkia entzun da gaur Donostian, Alderdi Ederren.
Behin hori eginda, Donostiako kaleetan barrena desfilea hasi dute neska-mutilek. Jai-giroan emango du eguna Gipuzkoako hiriburuak. Eguraldia lagun, milaka lagun batu dira danborrada ikustera.
Urrezko Danborra
Eguneko beste hitzordu nagusia, Donostiako Udaleko Areto Nagusian izan da, eguerdian. Cristina Iglesias eskultoreak aurtengo Urrezko Danborra jaso du, Eneko Goia alkatearen eskutik. Hunkituta eta pozik jaso du, eta donostiar guztiei eskerrak eman dizkie aitorpenagatik. Aretoan bertan zegoen anaia Albertori, musikagile ezagunari, aipamen berezia egin dio.
"Arte garaikidean jarri duzue begirada. Hausnarketa eta topagune modura ulertzen dut artea, hizkera bizia duena, espazioak eraikitzeko eta gure imaginazioari ateak zabaltzeko gai dena", esan du Iglesiasek. Donostiak mundu mailan arte garaikidearen ikur izaten jarrai dezala nabarmendu du.
Udal Txistulari bandak jarri dio musika ekitaldiari, Union Artesanako danborjoleek lagunduta. Sarriegiren doinuak interpretatu dituzte elkarrekin.
Zuzenean
Festa gauerdian bukatuko da, bandera jaitsierarekin. Igoera ekitaldian bezala, Europako ereserkia entzun ahal izango da, eta magia ikuskizun batek hartuko du protagonismoa. Imanol Artolak eta Maite Eskarmendik egingo dute horren kontakizuna, 23:25etik aurrera, ETB1en.
Danborradaren ekitaldi ezberdinen jarraipen berezia egingo du eitb.eus-ek ere. San Sebastian eguneko emanaldi guztiak streaming bidez zuzenean eskaintzeaz gain, danborradaren inguruko informazio guztia ikusgai izango da webguneak ekitaldien berri emateko prestatu duen atari berezian.
Zure interesekoa izan daiteke
Oinkari taldeak dantzan ospatuko du bere mende erdia
Villabonako dantza taldeak “50 urte dantzan” ikuskizuna taularatuko du Olaederra kiroldegian ostiralean, hilak 21. Korrontzi folk taldea urteurrenari batu zaio, “Oinkari 50” kantuaren bidez.
Durangoko Azokaren 60. edizioaren iragarkia
Durangoko Azokaren 60. edizioa abenduaren 5etik 8ra izango da. Iratxe Reparazen bizkar dago aurtengo Azokaren zuzendaritza kreatiboa.
Olaso Dorrea Fundazioaren funtsak handituz doaz, dohaintza baliotsuei esker
Olaso Dorrea Fundazioa bere artxiboak eta Monzon-Olaso Etxe Museoaren bilduma (Bergara) handitzeko eta aberasteko lanean ari da. XX. mendetik gaur arteko historian sakondu nahi du Fundazioak, bai eta ezagutarazi ere, eta, bide horretan, hauek jaso dituzte: Telesforo Monzonek gordetako Sabino Aranaren mikrofilmatutako obraren kopia bat, Lauaxetaren gabardina eta gurutzea, Karmele Urrestiri eta Txomin Letamendiri (Karmele filmeko protagonistak) Agirre lehendakariaren Gobernuak emandako dokumentazioa, Otaegi eta Garmendiaren aldeko pankarta, bala tiroz zulatutako Txomin Iturberen alkandora eta Txillarre baserriko lehen akordioaren originala.
“Gipúzcoa” Pio Caro Barojaren dokumentala, Tabakaleran
“Ipuscua” izena lehenbizikoz agertu zeneko milagarren urteurrenaren ospakizunei dagokie proiekzioa. Pelikula 1976 eta 1979 urteen artean filmatu zuten, eta Gipuzkoako orduko errealitate sozial eta kulturala jasotzen duen dokumentu etnografikoa da.
Frankofoniaren eremuan hizkuntza gutxituek dituzten erronkei buruzko biltzarra antolatu du Etxepare Institutuak Parisen
Astelehen honetan egindako aurkezpenean azaldu dutenez, hilaren 19an eta 20an egingo den topaketak bat egiten du Etxepare Euskal Institutuaren 15. urteurrenarekin, eta 'Ça colle au basque' ekimenaren testuinguruan antolatu da, unibertso frankofonoan euskararen eta euskal sorkuntzaren proiekzioa indartzeko abiatutako egitasmoaren baitan, alegia.
"GO!AZEN" telesailaren 12. denboraldia ikusgai da jada MAKUSI plataforman
Gaur goizetik, "GO!AZEN" telesailaren 12. denboraldiaren lehen atala MAKUSIn da ikusgai. ETB1era, aldiz, ostiralean iritsiko da. Basakabiko gaztetxoek abentura ugari biziko dituzte oraingoan ere. Udalekua guztiz aldatuta ikusiko dugu, Maitane zuzendariaren ideia berriekin eta adingabeen zentrotik etorritako gazteekin. Aurtengo istorioekin, elkar ulertzearen eta taldean aritzearen garrantziaz ohartarazi nahi dituzte ikus-entzule gazteak.
EITB, Seriesland Bilbao International Digital Festival jaialdian saritua
Bilboko Guggenheim Museoan izan den ekitaldian, hauek saritu dituzte: Desagertuta, Marina Ostolaza (Power Up), Irabazi arte, Intimitatean, Itsatsita berriz, Voces de la Tierra eta Ardi beltzak.
Omenaldia egin diote Jose Ramon Soroizi Legorretan
Maspalomas pelikula estreinatu dute larunbat honetan Legorretan (Gipuzkoa), eta Jose Ramon Soroiz omendu dute bertan, horren jaioterria baita. Filma ikusteaz gain, herritarrek aktorea aurrez aurre ikusteko eta entzuteko aukera izan dute.
Azaroaren 25ean eta 26an izango da DA! PRO topaketaren zazpigarren edizioa
Sortzaileen eta eta programatzaileen arteko elkargunea eskaintzen du Durangoko Azokaren ekimen honek. Familia ikuskizunen egileek eta musikariek euren proposamenak aurkeztuko dituzte kultur zein euskara teknikari, liburutegietako dinamizatzaile eta jai-antolatzaileen aurrean, azaroaren 25ean (familia ikuskizunak) eta 26an (musikariak), Durangoko Bizenta Mogel liburutegian. Familia ikuskizun hauek aurkeztuko dituzte: Oñatiko Algaraz ikuskizun elkartea (Potx eta Lotx Lagunekin topa!), Josan Aramayo (Kanutoren Anaia), Lanku (Txepeldunak haurrentzako bertso antzerkia), Lanku (Teilatupean), Lanku (Bertso garbitzailearena), GRAMA Kolektiboa (Erresinolaren Kantua), Euskal Barrok Ensemble (Xirribit) eta Zurrunka Teatro (Pulcinella Txio-Txinela). Parte hartuko duten musikariak, berriz, hauek izango dira: Sueder, Sara Zozaya, Gartxot, Jonkass, Hondora, Ilargi, Maialen Ibarra, Uxue Kerejeta, Euskal Barrok Ensemble eta Maider.
Delaware Choral Scholars abesbatzak irabazi du Tolosako 56. Abesbatza Lehiaketa
AEBko abesbatzak lau sari eskuratu ditu: polifonia saileko eta folklore saileko lehenengo sariak, Kutxaren sari nagusia eta euskal abesti baten interpretazio onenaren saria.