Hainbat fotokazetarik uko egin diote DSS2016n parte hartzeari
Ospe handiko hainbat fotokazetarik, hala nola Gervasio Sanchezek, Manu Brabok eta Andoni Lubakik, uko egin diote "Bakearen Milia" Donostia 2016 ekimenaren proiektuan parte hartzeari, desadostasunak izan baitituzte argazkien ordainketaren inguruan.
K6 Gestion Cultural enpresa donostiarrak 226.100 euroko (BEZ barik) esleipena lortu zuen, aipatutako proiektua gauzatzeko. Hain zuzen ere, ekimen hori kilometro eta erdiko ibilbide bat izango da, bakeari buruz hausnartzeko, eta, horren baitan, 70 argazki jarriko dituzte.
Sergio Caro argazkilariak Twitterren publikatutako bideo batean azaldu duenez, K6 konpainiak argazkiak eskatu zizkien fotokazetariei, baina horien ordaintzeko aurrekonturik ez dutela esan zien, erakusketak irabazi asmorik ez duela argudiatuta.
Enpresak ukatu egin ditu akusazioak, eta "kasu guztietan" argazkilariekin adostutako prezioa ordaintzea onartu duela ziurtatu du.
Fotokazetariek, baina, "engainatuta" sentitzen direla adierazi dute, eta argazkiak "ordaindu nahi ez izatea" leporatu diote K6ri.
Horrenbestez, esleipenaren 226.100 euroak "zertara" bideratuko dituen galdetu diote konpainiari.
Hori horrela, "aski da!" aldarrikatu dute fotokazetariek, eta euren lanbidearen baldintzak kritikatu dituzte.
Gainera, azaldu dutenez, azken egunetan K6 agentzien bidez argazkiak erosten saiatu da, "aldez aurretik hautatutako argazkilarien duintasuna zapalduta".
Komunikatuaren sinatzaileak hauek dira: Alvaro Ybarra, Andres Martinez Casares, Maysun, Guillem Valle, Jose Colon, Alfonso Moral, Andoni Lubaki, Pep Bonet, Gervasio Sanchez, Raul Gallego Aballan, Luis de Vega, Rafael Fabres, Manu Brabo, Ricardo Garcia Villanova, Sergio Caro eta Diego Ibarra.
K6k aitortu egin du agentzietara jo duela "profesional gehiagoren lana" eskuratzeko. Horren ondorioz, erakusketan Andoni Lubakiren eta Manu Braboren argazkiak ikusi ahal izango dira, baina agentzien bitartez kontratatutakoak, ez argazkilariei eurei ordaindutakoak.
Donostia 2016tik esan dute proiektuan fotokazetariei ordaintzeko partidak izan direla, eta argazkilariei ordaindu egin behar zaiela defendatu dute.
Zure interesekoa izan daiteke
Sigur Rós talde islandiarrak Bilbon joko du irailaren 15ean
Emanaldia Euskalduna Jauregian izango da, Bilbao Orkestra Sinfonikoarekin batera. Kontzertua Robert Ames zuzendariarekin eta tokian tokiko orkestrekin egiten ari diren biraren parte da.
Gemma Cuervo aktorea hil da, 91 urte zituela
Antzokietako oholtza gainean egindako lanagatik eta telebistako programa zein telesailetan agertzeagatik oso ezaguna zen Bartzelonan jaio eta Madrilen hil den aktorea.
"Carne y arena" murgiltze esperientzia, gaurtik aurrera EITBren Bilboko egoitzan
Berez, joan den astean zen zabaltzekoa, baina, arrazoi teknikoak tarteko, atzeratu egin behar izan dute. Alejandro Gonzalez Iñarritu zinemagilearen instalazioa bisitatzeko sarrerak EITBren webgunean eskuratu ahal dira.
Hollywood, Oscar sarien 98. ekitaldirako prest
"Sinners" filmak markak hautsi ditu 16 izendapen jasota, eta "Sirat" Nazioarteko Film Onenaren saria jasotzeko izendatu dute. Emma Stone, Jessie Buckley, Rose Byrne, Timothee Chalamet, Leonardo DiCaprio eta Benicio del Toro izango dira galan protagonista nagusiak.
EITBren "Super Manterola" komedia berria grabatzen ari dira
Anjel Alkain, Iker Galartza eta Aitziber Garmendia daude aktoreen artean. Karmelo eta Luixito anaiak dira, biak mutilzaharrak, eta Bakartxo ilobarekin batera, Super Manterola dendaren ardura dute. Azpeitiko Erdi kalean grabatzen ari dira eta, oraindik emisio egunik zehaztu ez bada ere, barre-algarak egin egingo ditugu.
Korrikaren lehen kilometroak Parisen, aldarrikapenez beteta
Dozenaka lagunek hartu dute parte Korrikaren lehen kilometroetan, Parisen, eta Euskal Etxearen 70. urteurrena ere ospatu dute, besteak beste, Frantziako Estatuan euskararen ofizialtasuna aldarrikatuz.
“Los domingos”ek goya jo du
Alauda Ruiz de Azuaren pelikulak film onenaren, zuzendari onenaren, gidoi onenaren, emakumezko aktore protagonista onenaren eta antzeztaldeko emakumezko aktore onenaren sariak irabazi ditu Goya sarien 40. edizioan. Jose Ramon Soroizek gizonezko aktore protagonista onenaren saria jaso du, Maspalomasen egindako lanagatik, eta euskal zinemak zortzi sari bereganatu ditu guztira.
'Yellow Letters' filmak lortu du Berlinaleko pelikula onenaren Urrezko Hartza
Turkiako agintariek artista bikote baten aurka duten zentsurari buruzkoa da Ique lker Çatak zinemagile turkiar-alemaniarraren filma.
“Carne y arena” Alejandro Gonzalez Iñarrituren instalazioa, EITBren Bilboko egoitzan bisitagai
Bisitaria migratzaile eta errefuxiatuen bidaiaren zati baten erdian kokatzen duen “murgiltze esperientzia” martxoaren 11tik ekainaren 20ra paratuko dute EITBren egoitzaren 5. platoan. Sarrerak otsailaren 17tik aurrera egongo dira salgai, 11,21 euroan.
Amikuzeko libertimenduarekin, inauteri giroan murgildu da Nafarroa Beherea
Libertimenduek Donapauleko plaza hartu dute musika, dantza, bertsoa eta antzerkien eskutik. Martxoaren 14ra bitartean, beste hainbat emanaldiz gozatzeko aukera egongo da herriko sorkuntzekin.