Euskaraldiaren aparretan iritsi da aurten Euskararen Eguna
Euskararen Nazioarteko Egunarekin batera amaituko da gaur Euskaraldia, euskararen erabilera sustatzeko Euskal Herri osoan egin den ariketa soziala.
Erakundeek eta herri ekimeneko eragileek elkarrekin antolatu dute ekimena, eta, orain arte emandako datuen arabera, 220.000 herritarrek baino gehiagok hartu dute parte: % 74k ahobizi rola hartu dute, eta % 26k belarriprest izateko hautua egin dute.
Aurreneko aldiz, euskararen erabilera jarri da erdigunean, begirada hizkuntza ohituretan jarrita. Kanpainak iraun duen hamaika egunetan sortu diren inertzia eta hizkuntza ohitura berriei eustea da orain erronka.
Euskal Herri osoko herri eta hiri askotan, festa giroan emango diote amaiera kanpainari; bihartik aurrera, egindakoa neurtzeko ordua izango da. Euskararen aldeko olatu berri honek aparteko ilusioa sortu du, eragile eta parte-hartzaile guztien esanetan.
Bingen Zupiria Kultura eta Hizkuntza Politikako sailburuak Euskadi Irratiko 'Faktoria'n esan duenez, Euskaraldiak iraun duen hamaika egunetan hizkuntzari ikusgaitasuna eman zaio, ekimenaren txapak ikusi baitira euskara entzun ohi ez den toki askotan. Gogoratu du, hala ere, Euskaraldia ez dela jaia izan, konpromiso ekimena baizik, eta konpromiso horren emaitzak aztertzeko unea izango dela orain. Ekimenean zehar parte-hartzaileei egindako inkestaren emaitzak aztertu eta ondorioak aterako dituztela jakinarazi du.
Batean eta bestean, iritzi asko entzun eta zabaldu dira ariketa honen inguruan. Horien artean, aparteko oihartzuna izan du Amets Arzallus bertsolariak ETBko 'Euskaraldia: bat eta bat hamaika' programa berezian esandakoak: 'Euskaraldiak bere hamabigarren egunean hartuko du zentzua eta indarra'.
CONTENIDO NO ENCONTRADO
Euskaraldiaren aparretan iritsi da aurten, beraz, Euskararen Nazioarteko Eguna. Tokian-tokian, dozenaka ekitaldi antolatu dira, eta erakunde guztiek bat egingo dute ospakizunekin. Besteak beste, Eusko Jaurlaritzak Donostiako Kursaal jauregian egingo du ekitaldi ofiziala, 18:45ean hasita, Iñigo Urkullu lehendakaria, Bingen Zupiria eta Eusko Legebiltzarreko ordezkaritza zabal bat bertan direla. Euskalgintzako hainbat ordezkari ere izango dira ekitaldi horretan.
Bestalde, Bizkaiko Foru Aldundiak Lauaxeta Sariak 2018 banatu ditu gaur, eta Euskaltzaindiari eman diote ohorezko aitortza. Unai Rementeria Bizkaiko diputatu nagusiak eman dio saria Andres Urrutia Euskaltzaindiako presidenteari. Akademiak egindako "ezinbesteko lana" nabarmendu du Rementeriak, eta euskararen "normalizazioan eta modernizazioan" egindako bidea ekarri du gogora.
Gasteizen, berriz, euskarara egindako itzulpenik onenaren Vitoria-Gasteiz Saria jaso du Aintzane Atelak, Jose Luis Lopez Muñozen Konkorduna liburuaren itzulpenagatik. Gorka Urtaran alkateak eman dio saria.
Eusko Legebiltzarrak, bere aldetik, ekitaldi berezia egin du gaur goizean. Bakartxo Tejeria Gasteizko Ganberako presidenteak agiria irakurri du, eta Euskaraldia urte osora zabaltzeko deia egin du. Ondoren, Kike Amonarriz soziolinguistak gidatutako solasaldian hartu dute parte hainbat legebiltzarkidek, eta Mikroipuinen Lehiaketako sari-banaketarekin amaitu dute saioa.
Argazkia: Eusko Legebiltzarra
'Hamaika'
ETBk saio berezia eskainiko du gaur gauean, Euskaraldiaren amaiera dela eta. Ekimenean parte hartu duten hainbat protagonistak euskararen erabilerarekin lotutako euren bizipenak kontatuko dituzte 'Hamaika' dokumentalean.
CONTENIDO NO ENCONTRADO
Zure interesekoa izan daiteke
Alex de la Iglesia animazioan murgilduko da, Lovecraft idazlearen obran inspiratuta
'Ages of Madness: The Howling of the Jinn' goiburua hartuko du pelikulak, eta 'Necronomicon' idazle estatubatuarraren fikzioko liburuan oinarrituko da. Garai eta toki ezberdinetan kokatutako hainbat istorio harilkatuko ditu.
Aurora Beltranek Vianako Printzea Kulturaren Saria jaso du
Aurora Beltran abeslari nafarrak jaso du gaur 2026ko Vianako Printzea Kulturaren Saria, Los Arcosen, "hegan egin nahi izan duten eta, agian, ezin izan duten edo utzi ez dieten emakume guztiei eskainita".
Sortzaile, ekoizle eta plataformak batuko ditu Podcast Geltokia jaialdiak
Ostegunetik, hilak 28, hasita, Tabakalera Donostiako zentroak Podcats Geltokia audioaren jaialdiaren lehen edizioa hartuko du. Hiru egunez, audioaren munduan lanean ari diren eragileak bilduko ditu Tabakalerak eta EITBk bultzatu duten topaguneak.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.
Ziburuko Euskal Liburu eta Disko Azokak “arnas-unea eta sorkuntzaren plaza” irekiko ditu
Ekainaren 6an, Euskal Liburu eta Disko Azoka egingo da Lapurdiko udalerrian, zazpigarrenez, Baltsan elkartearen eta Argia komunikabidearen ekimenez. Beñat Oihartzabal hizkuntzalaria omenduko dute.
Esther Ferrerrek jasoko du Eusko Ikaskuntza-Laboral Kutxa Humanitateak, Kultura, Arteak eta Gizarte Zientzien Saria
Donostiar artistaren “nazioarteko proiekzioa eta arte garaikidearen berrikuntzan egindako ekarpen erabakigarriak” aitortu ditu sariaren epaimahaiak. Uztailean emango diote golardoa, Maddi Alberdi San Martin Eusko Ikaskuntza-Laboral Kutxa Gazte Sariaren irabazleari bezala.
Alejandro Gonzalez Iñarrituren hitzaldia astelehenean BBK Aretoan, 'Carne y Arena' erakusketaren inguruko jardueren barruan
Hitzaldia 19:00etan izango da, eta sarrerak eskuragarri daude jada, doan. Mexiko eta AEB arteko mugako migratzaileen eta errefuxiatuen esperientzia eta testigantzetan oinarritutako 'Carne y Arena' murgiltze esperientzia EITBko 5. platoan dago ikusgai martxoaren 16tik ekainaren 20ra arte.