Doako sarrerak Gipuzkoako hiru museotan, Museoen Nazioarteko Egunean
Gipuzkoako museoek (Igartubeiti Baserri Museoa, Zumalakarregi Museoa eta Euskal Itsas Museoa) Museoen Nazioarteko Eguna ospatuko dute larunbatean, maiatzaren 18an. Horretarako, egitarau berezia eta doako sarrerak eskainiko dituzte, “museoen papera kultur ardatz gisa” lelopean.
Museoek adin guztietarako jarduerak proposatu dituzte, eta museoen gaiak ikuspuntu garaikide batetik berrinterpretatuko dira bertan. Euskal Itsas Museoa, esaterako, arrantza arloko itsas tradizioak ezagutarazteaz arduratuko da, Igartubeiti Baserri Museoak lengoaia plastikoa erabiliko du eta Zumalakarregi Museoak XIX. mendeko albumak interpretatzeko lengoaia erakutsiko du.
Jarduera ugari prestatu dituzte hiru museoetan:
Zumalakarregi Museoa
Eguna 6-12 urteko haurrei zuzendutako lantegi didaktiko batekin ospatuko du. Zumalakarregi Museoak XIX. mendeko artista ezagunen albumak berrinterpretatuko ditu Kocograpa sorkuntza guneko Araitz Urbeltz artistarekin, eta, gainera, parte-hartzaileek oihalezko liburua sortuko dute.
Ate irekien jardunaldia egongo da asteburuan, eta doako sarrera eta bisita gidatuak eskainiko dituzte.
Igartubeiti Baserri Museoa
Familientzat zuzendutako mural kolektiboa eta bazkaria proposatzen ditu Igartubeiti Baserri Museoak. Lehenik, baserrian inspiratutako soinu kontakizun bat entzungo dute bertaratutakoek, eta, ondoren, sorkuntza kolektiboa egingo dute familiek lengoaia plastikoa erabiliz. Haurrek 8 euro ordaindu beharko dituzte, eta helduek, berriz, 12 euro.
Asteburu osoan, sarrera doakoa izango da eta bisita gidatuak egongo dira.
Euskal Itsas Museoa
Hiru plan proposatzen ditu museoak larunbaterako. Batetik, itsas korapiloak eta malutak egiteko tailerra, larunbat goizerako. Bestetik, Donostiako portuan bisita gidatua, arratsaldez, bertako moila tradizioa hobeto ezagutzeko. Eta, azkenik, museoko erakusketak ikusteko aukera. Sarrera doakoa izango da hiruretan.
Zure interesekoa izan daiteke
Pantxoa eta Peioren bigarren agur-kontzertua: 2027ko urtarrilaren 9an BECen!
Bikoteak bere ibilbideari amaiera emango dio bi kontzerturekin BEC!en: urtarrilaren 10ekorako sarrerak ordu gutxitan agortu ziren eta bigarrena iragarri dute orain: 2027ko urtarrilaren 9an.
“Muga-zerga” izan da aurtengo hitza Euskaltzaindiarentzat eta UZEIrentzat
“Atzerriko produktuei aduanan ezartzen zaien zerga” adiera duen izena aukeratu dute Akademiak eta UZEI terminologia eta lexikografia zentroak urteko hitz gisara. “Aduana-zerga” Euskaltziandiaren Hiztegiak jasotzen duen forma baliokidea “askoz gutxiagotan” erabili da.
!["Dan Flavin
b erdeak berdeetan zehar (Piet Mondrian berdegabeari) [greens crossing
greens (to Piet Mondrian who lacked g reen)], 1966" Guggenheimen](https://eitb.scene7.com/is/image/eitb/danflavin?fmt=webp-alpha&qlt=80)
Goya, Jasper Johns, Steve McQueen, Dan Flavin, Ruth Asawa eta Rosalind Nashashibi, euskal museoetan 2026an
San Telmo Museoak, Artiumek eta Guggenheim Bilbao Museoak datorren urteko programazioa aletu dute.
Gatiburen azken agurra, audientzian lider ETB1en
Musikarik, dantzarik eta festa girorik ez zen falta izan atzo bi ordu eta erdiz BECen. Talde bizkaitarra arrakastara eraman zuen 'Musturrek sartunde' kantuarekin amaitu zen askoren oroimenean iltzatuta geratu den kontzertua.
Milaka pertsonak azken agurra eman diote Robe Iniestari, Extremoduroko abeslariari, Plasencian
Ilara luzeak sortu dira Plasenciako kongresu jauregian, jarraitzaile asko bertaratu baitira musikariari agur esatera. Aurrerantzean, Robe Iniesta izena izango du eraikin horrek.
Urrezko domina eman dio Gipuzkoako Foru Aldundiak Lourdes Iriondo kantariari
Hilondoko aitortza egin dio Urnietako kantari, idazle eta irakasleari eta bere ahizpek jaso dute Foru Aldundiak emandako oroigarria. Ekitaldia omenaldi hunkigarri bilakatu da. Senide eta familiako kideekin batera, eta euskal kulturgintzaren ordezkaritza zabala bildu da.
Balenciaga museoa “josten duten eskuei” begira
Getariako Balenciaga Museoko Igor Uriak hamar urte eman ditu Cristobal Balenciaga jostun handiaren tailerretan lan egin zuten emakumeen lekukotzak eta objektuak biltzen: irudiak, dokumentuak, lanabesak... Paris, Madril, Bartzelona eta Donostian, 2.000 enplegatu izatera iritsi ziren, eta horietako batzuk Getariako museoan batu dira gaur.
Gaztelurrutia: “Bisitari fidelak edukitzea eta bi heren 45 urtez azpikoak izatea dira arrakastaren gakoetako bi”
2025eko Durangoko Azoka bukatu berritan, ETBri emandako lehen balorazioan pozik agertu da Beñat Gaztelurrutia Gerediaga Elkarteko kudeatzeailea. Jendetza ibili dela nabarmendu du, baina erosoa izan dela bai sartzea baita bertan zehar ibiltzea ere. 2026ko Azokak 5 egun izango dituela aurreratu du, eta etorkizuneko erroka kulturaren jaialdi gisa sendotzea izango dela esan du.
60 urteko ibilbidea “borobildu” du Durangoko Azokaren aurtengo edizioak
Lau eguneko topagune oparoa amaitutzat emateko, antolatzaileek aurtengo Azokaren arrakasta nabarmendu dute, baita egitasmoak urte osoan euskal kulturan duen garrantzia ere.
Gazaren aurkako genozidioa, oso presente Durangoko Azokako nobedadeetan
Idazle asko beren nobedadeak aurkezten ari dira egunotan euskal kulturaren plazan, eta horietako batzuek palestinar herriaren aurkako genozidioa jorratu dute, Ekialde Hurbilean gertatzen ari dena azaltzeko asmoz.