'Urdaibaiko museoak egin lezakeen ekarpenarekin batera, garrantzitsua da horrekin batera naturguneak zaintzea'
Bilboko Guggenheim museoaren 25. urteurrenaren testuinguruan eta Urdaibaiko proiektu berriaren inguruan galdetuta, zuhurtziaz hitz egin du Bingen Zupiria Kultura eta Hizkuntza Politikako sailburu eta Eusko Jaurlaritzako bozeramaileak. Dena dela, proiektu horren beharrizanaz "oso konbentzituta" ikusten ditu Guggenheim museoa kudeatzen duen lantaldea eta Bizkaiko Foru Aldundia. "Gogor saiatuko dira hori aurrera ateratzeko", esan du. Bingen Zupiriaren iritziz, garapen ekonomiko iraunkorra posible egingo duen erabakiak hartzea behar du Urdaibaik: "Guzti horretan, museo berri batek eduki lezake bere ekarpena, baina garrantzitsua izan daiteke horrekin batera bertako naturaguneak zaintzen jarraitzea, bestelako jarduera ekonomikoak sustatzea, garraioari bultzada bat ematea, eta abar".
Horrez gain, azaldu du erakunde asko daudela egitasmoan zeresana dutenak (Espainiako Gobernua, Bizkaiko Foru Aldundia, Udalak eta Urdaibaiko patronatua), eta denen arteko lankidetzak ekar dezakeela Urdaibaik eta Busturialdeak datozen urteetan "garapen berezi bat izatea".
Bilboko museoaren 25. urteurrena dela eta, azpimarratu du ez dela "baso baten erdian sortu den onddo bakan bat, guztiz eraberritu den pagadi batean sortutako ikur bat" baizik.
Euskadi Irratiko "Faktoria" saioan egin dioten elkarrizketan adierazi duenez, Guggenheim museoak herri gisara "harrotasun puntu bat" eragin du. Horren esanetan, bihurtu da "ikur bat munduan ezagun egin gaituena, kanpotarrak erakarri dituelako".
Sailburuak zailtasunez eta ziurgabetasunez betetako garai gisa oroitzen du 90eko hamarkada, eta onartu du zalantzak egon zirela Bizkaiko ezkerraldeari eragin zion berreskuratze urbanistikoaren inguruan, baita museoa zabaltzeko erabakiaren inguruan ere.
25 urte igarota, arteari buruz zeuden eztabaida asko oraindik ere bizirik daudela uste du Zupiriak; alabaina, nabarmendu du hiritarren artean, oro har, iritzia askoz baikorragoa dela. "25 urte hauetan, urtez urte, 200.000 euskaldunek bisitatu dute museoa, horrek ere adierazten du herritarrek museoarekiko duten jarrera", nabarmendu du. Bingen Zupiriaren arabera, aurrera begira, museoak eguneroko erronkei erantzun beharko die, baina trantsizio energetikoa eta Ukrainako gerrak eragindako krisia begi bistatik kendu gabe.
Zure interesekoa izan daiteke
Pantxoa eta Peioren bigarren agur-kontzertua: 2027ko urtarrilaren 9an BECen!
Bikoteak bere ibilbideari amaiera emango dio bi kontzerturekin BEC!en: urtarrilaren 10ekorako sarrerak ordu gutxitan agortu ziren eta bigarrena iragarri dute orain: 2027ko urtarrilaren 9an.
“Muga-zerga” izan da aurtengo hitza Euskaltzaindiarentzat eta UZEIrentzat
“Atzerriko produktuei aduanan ezartzen zaien zerga” adiera duen izena aukeratu dute Akademiak eta UZEI terminologia eta lexikografia zentroak urteko hitz gisara. “Aduana-zerga” Euskaltziandiaren Hiztegiak jasotzen duen forma baliokidea “askoz gutxiagotan” erabili da.
!["Dan Flavin
b erdeak berdeetan zehar (Piet Mondrian berdegabeari) [greens crossing
greens (to Piet Mondrian who lacked g reen)], 1966" Guggenheimen](https://eitb.scene7.com/is/image/eitb/danflavin?fmt=webp-alpha&qlt=80)
Goya, Jasper Johns, Steve McQueen, Dan Flavin, Ruth Asawa eta Rosalind Nashashibi, euskal museoetan 2026an
San Telmo Museoak, Artiumek eta Guggenheim Bilbao Museoak datorren urteko programazioa aletu dute.
Gatiburen azken agurra, audientzian lider ETB1en
Musikarik, dantzarik eta festa girorik ez zen falta izan atzo bi ordu eta erdiz BECen. Talde bizkaitarra arrakastara eraman zuen 'Musturrek sartunde' kantuarekin amaitu zen askoren oroimenean iltzatuta geratu den kontzertua.
Milaka pertsonak azken agurra eman diote Robe Iniestari, Extremoduroko abeslariari, Plasencian
Ilara luzeak sortu dira Plasenciako kongresu jauregian, jarraitzaile asko bertaratu baitira musikariari agur esatera. Aurrerantzean, Robe Iniesta izena izango du eraikin horrek.
Urrezko domina eman dio Gipuzkoako Foru Aldundiak Lourdes Iriondo kantariari
Hilondoko aitortza egin dio Urnietako kantari, idazle eta irakasleari eta bere ahizpek jaso dute Foru Aldundiak emandako oroigarria. Ekitaldia omenaldi hunkigarri bilakatu da. Senide eta familiako kideekin batera, eta euskal kulturgintzaren ordezkaritza zabala bildu da.
Balenciaga museoa “josten duten eskuei” begira
Getariako Balenciaga Museoko Igor Uriak hamar urte eman ditu Cristobal Balenciaga jostun handiaren tailerretan lan egin zuten emakumeen lekukotzak eta objektuak biltzen: irudiak, dokumentuak, lanabesak... Paris, Madril, Bartzelona eta Donostian, 2.000 enplegatu izatera iritsi ziren, eta horietako batzuk Getariako museoan batu dira gaur.
Gaztelurrutia: “Bisitari fidelak edukitzea eta bi heren 45 urtez azpikoak izatea dira arrakastaren gakoetako bi”
2025eko Durangoko Azoka bukatu berritan, ETBri emandako lehen balorazioan pozik agertu da Beñat Gaztelurrutia Gerediaga Elkarteko kudeatzeailea. Jendetza ibili dela nabarmendu du, baina erosoa izan dela bai sartzea baita bertan zehar ibiltzea ere. 2026ko Azokak 5 egun izango dituela aurreratu du, eta etorkizuneko erroka kulturaren jaialdi gisa sendotzea izango dela esan du.
60 urteko ibilbidea “borobildu” du Durangoko Azokaren aurtengo edizioak
Lau eguneko topagune oparoa amaitutzat emateko, antolatzaileek aurtengo Azokaren arrakasta nabarmendu dute, baita egitasmoak urte osoan euskal kulturan duen garrantzia ere.
Gazaren aurkako genozidioa, oso presente Durangoko Azokako nobedadeetan
Idazle asko beren nobedadeak aurkezten ari dira egunotan euskal kulturaren plazan, eta horietako batzuek palestinar herriaren aurkako genozidioa jorratu dute, Ekialde Hurbilean gertatzen ari dena azaltzeko asmoz.