Euskal Herriko Dantza Txapelketaren 47. edizioa jokatuko da gaur, Seguran
Euskal Herriko Dantza Txapelketaren 47. edizioa jokatuko da gaur, urriak 21, larunbata, Seguran.
Euskal Herri mailako 13 dantzari bikote onenek hartuko dute parte aurten 47 urte beteko dituen txapelketa honetan.
Iaz Saioa Galarraga eta Julen Murgiondo bergararrek osatutako bikotea nagusitu zen. Bigarren txapela eskuratu zuten orduan, eta aurten hirugarrena eskuratzeko asmoz egingo dute dantzan.
Txapelketa zuzenean jarraitu ahalko da 18:00etatik aurrera eitb.eus-en, eta 22:00etatik aurrera izango da ikusgai ETB1en.
Imanol Artolak eta Izaro Iraetak aurkeztuko dute ekitaldia, eta Ainhoa Vitoria arituko da dantzari, epaimahaikide eta gainerako protagonistei elkarrizketak egiten. Halaber, Xabier Artolaren ahotsa entzungo dugu dantzariek egindako lanaren inguruko balorazioa egiten.
Bikote parte-hartzaileen zerrenda, dantza egingo duten hurrenkeran:
1- Jone Arriaran - German Aranburu (Azpeitia)
2- Saioa Galarraga - Julen Murgiondo (Bergara)
3- Garazi Fernandez - Diego Duran (Sestao-Barakaldo)
4- Beñat Olano - Mikel Artola (Gasteiz-Usurbil)
5- Ane Anuariz - Mikel Esnaola (Lezo)
6- Malen Arrizabalaga - Enaitz Segurola (Azpeitia)
7- Laura Bastida - Ekain Uzkudun (Azpeitia)
8- Ane Jaunarena - Endika Osa (Lezo)
9- Leire Urrestilla - Iker Urrestilla (Zestoa)
10- Alaia Amubieta - Amets Amubieta (Azpeitia)
11- Maren Galvez - Gorka Granado (Lezo-Sopela)
12- Nora Aizpuru - Iker Zabala (Azpeitia)
13- Katerin Artola - Iker Belintxon (Oiartzun-Lezo)
Zure interesekoa izan daiteke
Pantxoa eta Peioren bigarren agur-kontzertua: 2027ko urtarrilaren 9an BECen!
Bikoteak bere ibilbideari amaiera emango dio bi kontzerturekin BEC!en: urtarrilaren 10ekorako sarrerak ordu gutxitan agortu ziren eta bigarrena iragarri dute orain: 2027ko urtarrilaren 9an.
“Muga-zerga” izan da aurtengo hitza Euskaltzaindiarentzat eta UZEIrentzat
“Atzerriko produktuei aduanan ezartzen zaien zerga” adiera duen izena aukeratu dute Akademiak eta UZEI terminologia eta lexikografia zentroak urteko hitz gisara. “Aduana-zerga” Euskaltziandiaren Hiztegiak jasotzen duen forma baliokidea “askoz gutxiagotan” erabili da.
!["Dan Flavin
b erdeak berdeetan zehar (Piet Mondrian berdegabeari) [greens crossing
greens (to Piet Mondrian who lacked g reen)], 1966" Guggenheimen](https://eitb.scene7.com/is/image/eitb/danflavin?fmt=webp-alpha&qlt=80)
Goya, Jasper Johns, Steve McQueen, Dan Flavin, Ruth Asawa eta Rosalind Nashashibi, euskal museoetan 2026an
San Telmo Museoak, Artiumek eta Guggenheim Bilbao Museoak datorren urteko programazioa aletu dute.
Gatiburen azken agurra, audientzian lider ETB1en
Musikarik, dantzarik eta festa girorik ez zen falta izan atzo bi ordu eta erdiz BECen. Talde bizkaitarra arrakastara eraman zuen 'Musturrek sartunde' kantuarekin amaitu zen askoren oroimenean iltzatuta geratu den kontzertua.
Milaka pertsonak azken agurra eman diote Robe Iniestari, Extremoduroko abeslariari, Plasencian
Ilara luzeak sortu dira Plasenciako kongresu jauregian, jarraitzaile asko bertaratu baitira musikariari agur esatera. Aurrerantzean, Robe Iniesta izena izango du eraikin horrek.
Urrezko domina eman dio Gipuzkoako Foru Aldundiak Lourdes Iriondo kantariari
Hilondoko aitortza egin dio Urnietako kantari, idazle eta irakasleari eta bere ahizpek jaso dute Foru Aldundiak emandako oroigarria. Ekitaldia omenaldi hunkigarri bilakatu da. Senide eta familiako kideekin batera, eta euskal kulturgintzaren ordezkaritza zabala bildu da.
Balenciaga museoa “josten duten eskuei” begira
Getariako Balenciaga Museoko Igor Uriak hamar urte eman ditu Cristobal Balenciaga jostun handiaren tailerretan lan egin zuten emakumeen lekukotzak eta objektuak biltzen: irudiak, dokumentuak, lanabesak... Paris, Madril, Bartzelona eta Donostian, 2.000 enplegatu izatera iritsi ziren, eta horietako batzuk Getariako museoan batu dira gaur.
Gaztelurrutia: “Bisitari fidelak edukitzea eta bi heren 45 urtez azpikoak izatea dira arrakastaren gakoetako bi”
2025eko Durangoko Azoka bukatu berritan, ETBri emandako lehen balorazioan pozik agertu da Beñat Gaztelurrutia Gerediaga Elkarteko kudeatzeailea. Jendetza ibili dela nabarmendu du, baina erosoa izan dela bai sartzea baita bertan zehar ibiltzea ere. 2026ko Azokak 5 egun izango dituela aurreratu du, eta etorkizuneko erroka kulturaren jaialdi gisa sendotzea izango dela esan du.
60 urteko ibilbidea “borobildu” du Durangoko Azokaren aurtengo edizioak
Lau eguneko topagune oparoa amaitutzat emateko, antolatzaileek aurtengo Azokaren arrakasta nabarmendu dute, baita egitasmoak urte osoan euskal kulturan duen garrantzia ere.
Gazaren aurkako genozidioa, oso presente Durangoko Azokako nobedadeetan
Idazle asko beren nobedadeak aurkezten ari dira egunotan euskal kulturaren plazan, eta horietako batzuek palestinar herriaren aurkako genozidioa jorratu dute, Ekialde Hurbilean gertatzen ari dena azaltzeko asmoz.