Igor Calonge eta Oihana Vesga dantzariek jasoko dute Dantza saria
Gipuzkoako Dantza Profesionalen Elkarteak aurten Dantza Hilabetea ospatzeko prestatu duen programazioa aurkeztu du gaur, Donostian. Martxoaren 17an, Dantza Eskolen Erakustaldia egin zuten Leidor antzokian, Tolosan, eta apirilean Dantza Kalean (hilak 20, 17:00etan, Alderdi Ederren, 281 dantzariren eskutik), Kontxako Baranda (hilaren 21eko eguerdian, 1.476 ikasleren eskutik) eta Dantzaren Nazioarteko Gala (hilak 28, Victoria Eugenian, bi saiotan, 12:00etan eta 19:00etan).
Gala horretan, Igor Calonge eta Oihana Vesga dantzariek Dantza saria jasoko dute. Calongek ibilbide luzea egin du interprete gisa, eta Cielo Raso konpainiaren sortzailea; Vesgak Maurice Ravel Biarrizko kontserbatorioan eta London Contemporary Dance Schoolen ikasi du, eta dantzari eta koreografoa lanetan jardundakoa da.
Bi saio izango dira Dantzaren Nazioarteko Egunaren Galaren hogeita zazpigarren edizioan, 12:00etan eta 19:00etan, eta sarrerak salgai daude Victoria Eugenia antzokiko leihatilan, Antzoki Zaharrean eta Donostia Kulturaren webgunean, 24, 18 eta 10 euroan.
Hainbat dantza estilotako 12 koreografia landuko dituzte oholtza gainean Igor Calonge eta Oihana Vesga saridunek, JAC Balletek, Jon Vallejok (Dresden), Hodei Iriartek, Chihiro Tamaik eta Manuel Sanchezek (Kiev ballet), Real Conservatorio Profesional de Danza Mariemmak, Fabio Lopezek (Compagnie Illicite Bayonne), Elephant in the Black Box dantza garaikideko konpainiak, Verdini Dantza Taldeak eta Malandain Ballet Biarritzek.
Zure interesekoa izan daiteke
Alex de la Iglesia animazioan murgilduko da, Lovecraft idazlearen obran inspiratuta
'Ages of Madness: The Howling of the Jinn' goiburua hartuko du pelikulak, eta 'Necronomicon' idazle estatubatuarraren fikzioko liburuan oinarrituko da. Garai eta toki ezberdinetan kokatutako hainbat istorio harilkatuko ditu.
Aurora Beltranek Vianako Printzea Kulturaren Saria jaso du
Aurora Beltran abeslari nafarrak jaso du gaur 2026ko Vianako Printzea Kulturaren Saria, Los Arcosen, "hegan egin nahi izan duten eta, agian, ezin izan duten edo utzi ez dieten emakume guztiei eskainita".
Sortzaile, ekoizle eta plataformak batuko ditu Podcast Geltokia jaialdiak
Ostegunetik, hilak 28, hasita, Tabakalera Donostiako zentroak Podcats Geltokia audioaren jaialdiaren lehen edizioa hartuko du. Hiru egunez, audioaren munduan lanean ari diren eragileak bilduko ditu Tabakalerak eta EITBk bultzatu duten topaguneak.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.
Ziburuko Euskal Liburu eta Disko Azokak “arnas-unea eta sorkuntzaren plaza” irekiko ditu
Ekainaren 6an, Euskal Liburu eta Disko Azoka egingo da Lapurdiko udalerrian, zazpigarrenez, Baltsan elkartearen eta Argia komunikabidearen ekimenez. Beñat Oihartzabal hizkuntzalaria omenduko dute.
Esther Ferrerrek jasoko du Eusko Ikaskuntza-Laboral Kutxa Humanitateak, Kultura, Arteak eta Gizarte Zientzien Saria
Donostiar artistaren “nazioarteko proiekzioa eta arte garaikidearen berrikuntzan egindako ekarpen erabakigarriak” aitortu ditu sariaren epaimahaiak. Uztailean emango diote golardoa, Maddi Alberdi San Martin Eusko Ikaskuntza-Laboral Kutxa Gazte Sariaren irabazleari bezala.
Alejandro Gonzalez Iñarrituren hitzaldia astelehenean BBK Aretoan, 'Carne y Arena' erakusketaren inguruko jardueren barruan
Hitzaldia 19:00etan izango da, eta sarrerak eskuragarri daude jada, doan. Mexiko eta AEB arteko mugako migratzaileen eta errefuxiatuen esperientzia eta testigantzetan oinarritutako 'Carne y Arena' murgiltze esperientzia EITBko 5. platoan dago ikusgai martxoaren 16tik ekainaren 20ra arte.