Trikua hogeita bat egunez esnatuko du Loraldia Festibalak
Loraldia Festibalaren hamaikagarren edizioa martxoaren 10etik 30era egingo dute, Bilbon, "Trikua esnatu da" lelopean. 29 ekitaldi programatu dituzte guztira, ehun sortzaileren baino gehiagoren eskutik; Hitzaurrea soinu esperientzia digitalak, Loraldiaren Sormen Digitaleko Bekaren egitasmo irabazleak, irekiko du programazioa, Azkuna Zentroan, eta Gorka Urbizuk Arriaga antzokian emgango duen emanaldiak itxiko du (kontzertu horretarako sarrerak agortuta daude).
Euskaraz sortzen den kultura bultzatu nahi duen jaialdiak denetariko ekimen eta ikuskizunak hartuko ditu bien bitartean, "Trikua esnatu da" lelopean. Bernardo Atxagaren metafora da lelo horren jatorria; gure hizkuntzaren eta kulturaren ikurtzat aurkeztu du asteasuar idazleak animalia hori: "zaurgarria, txikia da, baina historia luzea du eta bere arantzek babesten dute. Trikua udaberrian esnatzen da, loaldi luze baten ondoren, eta gauza bera gertatzen da euskal kulturarekin: oztopo eta arriskuen gainetik, berriro loratzen da, indarrez eta ausardiaz".
Antzerkia, musika, zinema, literatura, bertsolaritza, dantza eta arte garaikidea izango dira taularatuko dituzten sorkarien diziplinak.
Besteak beste, martxoaren 12an "Mila esker, Jonan Ordordika" kontzertua egingo dute, produktore eta teknikaria zenaren omenez, eta Hiru Truku, Anari, Mice, Tapia ta Leturia eta Rafa Rueda arituko dira gaualdi horretan; Xiberoa Kantuz Loraturik ekoizpen propioa ere aurkeztuko du Loraldiak, martxoaren 13an, Maddi Oihenart, Beñat Achiary, Ihitz Iriart, Julen Achiary, Mixel Etxekopar, Eliane Heguiaphalen ahotsetik.
Beste musika emanaldi batzuk ere izango dira, hala nola "Sukramarkus" Mursegok Makos Gimenoren palindromoekin ondutako ikuskizuna, Bloñ taldearen, Gorka Urbizuren eta Judit Neddermann musikariaren kontzertuak, Bob Dylanen euskarazko bertsioen interpretazioa eta "Odola kantari" heriotzari eta odolari buruzko hausnarketa artistiko baten bidez literatura eta musika uztartzen dituen ikuskizuna.
Teatroaren esparruan, Renata, Atxine, Kristalezko zooa Tennessee Williamsen antzezlanaren euskarazko bertsioa eta Aztia kontzertu dramatizatua ikusi ahalko dira; Post-etorkizuna ikuskizunak Rafa Rueda musikaria eta Amaia, Agirre, Oihana Arana eta Ane Labaka bertsolariak batuko ditu, Edorta Jimenez idazlearen testu batetik abiatuta; eta Consonnik "bertso saio espekulatibo" bat antolatu du, Nerea Ibarzabal, Sustrai Colina eta Miren Amuriza bertsolariekin.
Egitaraua Loraldiaren webgunean kontsulta daiteke, eta sarrerak ere bertan daude salgai.
Zure interesekoa izan daiteke
Alex de la Iglesia animazioan murgilduko da, Lovecraft idazlearen obran inspiratuta
'Ages of Madness: The Howling of the Jinn' goiburua hartuko du pelikulak, eta 'Necronomicon' idazle estatubatuarraren fikzioko liburuan oinarrituko da. Garai eta toki ezberdinetan kokatutako hainbat istorio harilkatuko ditu.
Aurora Beltranek Vianako Printzea Kulturaren Saria jaso du
Aurora Beltran abeslari nafarrak jaso du gaur 2026ko Vianako Printzea Kulturaren Saria, Los Arcosen, "hegan egin nahi izan duten eta, agian, ezin izan duten edo utzi ez dieten emakume guztiei eskainita".
Sortzaile, ekoizle eta plataformak batuko ditu Podcast Geltokia jaialdiak
Ostegunetik, hilak 28, hasita, Tabakalera Donostiako zentroak Podcats Geltokia audioaren jaialdiaren lehen edizioa hartuko du. Hiru egunez, audioaren munduan lanean ari diren eragileak bilduko ditu Tabakalerak eta EITBk bultzatu duten topaguneak.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.
Ziburuko Euskal Liburu eta Disko Azokak “arnas-unea eta sorkuntzaren plaza” irekiko ditu
Ekainaren 6an, Euskal Liburu eta Disko Azoka egingo da Lapurdiko udalerrian, zazpigarrenez, Baltsan elkartearen eta Argia komunikabidearen ekimenez. Beñat Oihartzabal hizkuntzalaria omenduko dute.
Esther Ferrerrek jasoko du Eusko Ikaskuntza-Laboral Kutxa Humanitateak, Kultura, Arteak eta Gizarte Zientzien Saria
Donostiar artistaren “nazioarteko proiekzioa eta arte garaikidearen berrikuntzan egindako ekarpen erabakigarriak” aitortu ditu sariaren epaimahaiak. Uztailean emango diote golardoa, Maddi Alberdi San Martin Eusko Ikaskuntza-Laboral Kutxa Gazte Sariaren irabazleari bezala.
Alejandro Gonzalez Iñarrituren hitzaldia astelehenean BBK Aretoan, 'Carne y Arena' erakusketaren inguruko jardueren barruan
Hitzaldia 19:00etan izango da, eta sarrerak eskuragarri daude jada, doan. Mexiko eta AEB arteko mugako migratzaileen eta errefuxiatuen esperientzia eta testigantzetan oinarritutako 'Carne y Arena' murgiltze esperientzia EITBko 5. platoan dago ikusgai martxoaren 16tik ekainaren 20ra arte.