Albiste da
Sanferminak: seigarren entzierroa |
6. edizioa
Gorde
Kendu nire zerrendatik

Aurelia Arkotxa omenduko du Ziburuko Euskal Liburu eta Disko Azokak

Ekainaren 7an egingo dute kultur topaketa Lapurdiko herrian, seigarrenez, "Euskaraz bagara" lelopean. 43 argitaletxe, diskoetxe eta autoekoizle izango dira, iaz baino lau gehiago.
Sara Zozayak kontzertua eskainiko du Azokan

Ziburuko Euskal Liburu eta Disko Azokaren seigarren edizioa ekainaren 7an izango da, Lapurdiko kostaldeko herrian. "Euskaraz bagara" lelopean, Aurelia Arkotxa poeta, ikertzaile, irakasle eta euskaltzain osoa omenduko du kultur hitzorduak.

Guztira, 43 argitaletxe, diskoetxe eta autoekoizle izango dira 120 metro koadroko eremuan, iaz baino lau gehiago.

Lehen ekitaldia, Arkotxak jasoko duen omenaldia, 10:00etan izango da, eta bertso eta marrazki saioa, rol jokoak, liburu aurkezpenak (Garbiñe Ubeda, Celine Mounole, Joxe Auxtin Arrieta, Ainhoa Urien), ipuin kontaketak eta kontzertuak izango dira gero: Ekhi Lambert, Sara Zozaya, Madame Birrots eta Esanezin.  

Albiste gehiago kultura

Gehiago kargatu