Iruña-Veleiako grafitoei buruzko epaiketa 2020ko otsailaren 3an hasiko da
Iruña-Veleia Arabako arkeologia aztarnategiko grafito batzuen ustezko faltsutzearen inguruko epaiketa 2020ko otsailaren 3an da hastekoa, baina lehenago, urriaren 14an, aldeak batu egingo dituzte epaiketaren inguruko hainbat gai zehazteko, hala nola, balizko adostasun bat bilatzeko.
Epaitegitik berretsi dutenez, Gasteizko Zigor arloko 1 zenbakiko Epaitegiak auziaren alde guztiak —Fiskaltza, Arabako Foru Aldundia eta hiru akusatuen (Eliseo Gil aztarnategiaren zuzendari ohia eta beste bi lagun) abokatuak— deitu ditu urriaren 14rako, auzipetu guztiak epailearen eskura ote dauden eta adostasunik lor daitekeen jakiteko eta aldeok aurkez ditzaketen kontuak entzuteko.
Arabako Fiskaltzak bost urte eta erdiko kartzela zigorra eskatu du Gilentzat, ondare historikoaren aurkako delitu jarraitua eta dokumentu pribatuen iruzurra egotzita. Horrez gain, 7.200 euroko isuna ere eskatu du.
Arabako Foru Aldundia ere akusazioa da auzi honetan, eta zazpi urte eta erdira handitu du Gilentzako zigor eskaera, kalte eta iruzur delitu jarraituak ere egotzi dizkio akusatuari. Defentsak, ostera, aske uztea eskatu du.
Zalantzan ipini dituzten aurkikuntzen berri eman zuten 2005 eta 2006 urteetan, aztarnategiaren kudeaketa Lurmen Gilen enpresari zegokionean. Zeramikaren gainean idatzitako grafitoak historikotzat aurkeztu zituzten, horietan oinarrituta baiezta baitzitekeen III. mendean euskara eta Kristautasuna inguruan zabalduta zeudela. Alabaina, itxura denez, akusatuek egin zituzten.
Zure interesekoa izan daiteke
Publikoak asteazkenean ikusi ahal izango du Arte Ederren Bilboko Museoko atari berria
Museo zaharberritua urriaren 5ean ireki aurretik, publikoak asteazkenean, ekainak 24 (10:00-20:00), ikusi ahalko du, salbuespen gisa eta hitzordua hartu beharrik gabe, eraikinaren atari berria. Francisco de Durriok Arriagaren omenez egin zuen eskultura berriz jarri dute, eta ikusgai daude, halaber, Topalekua, Eduardo Chillidarena, eta Bilbao, Richard Serrarena.
David Hockney britainiar artista zendu da
Margolariak, Erresuma Batuko pop artearen izen handietako batek, 88 urte zituen.
Zabalik dago Euskal Museoa
Bilboko museo zaharberrituaren ateak gaur goizean ireki dituzte, hainbat urteko lanen eta 20.397.401,53 euroko inbertsioaren ostean. Hamar egunez, sarrera doakoa izango dute herritarrek.
Xabier Paya Bilbao Bizkaia Museoak erakundearen zuzendari nagusi izendatu dute
Sorkunde Aiarza Bilbao Bizkaia Museoak erakundearen zuzendari kudeatzailearekin batera jardungo da Paya Euskal Museoa Bilbao, Bilboko Berreginen Museoa eta San Frantziskoko komentuko aztarnategia kudeatzen dituen erakundea gidatzen.
Bilboko Euskal Museo berritua ekainaren 10ean irekiko dute eta sarrera doakoa izango da hamar egunez
Zaharberritze arkitektoniko zein museografiko sakon baten ondoren, ekainaren 21era arte herritarrak doan sartu ahalko dira Euskal Museora, Bilbon. 50.000 piezako bilduma erakusteko espazioan 20.397.401,53 euroko inbertsioa egin dute Bizkaiko Foru Aldundiak eta Bilboko Udalak, eta proiektuak 5.000 m2 baino gehiagoko erakustokia irabazi du.
Jasper Johnsen 134 lan bildu ditu Guggenheimek
Estatubatuar artistak zazpi hamarkadako ibilbidean eginiko lanaren atzer begirako erakusketa antolatu du Bilboko museoak. Urriaren 12ra arte, "Night driver"bildumak pinturak, eskulturak, marrazkiak, grabatuak, liburu bat eta eszenografia bat eskainiko dizkio bisitariari.
Bilboko Euskal Museoaren inaugurazioa
Jarraitu zuzenean Bilboko Euskal Museo berrituaren inaugurazio ekitaldia.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
"Vivre Sa Vie. Georges Dambier eta Moda" erakusketa, Cristobal Balenciaga museoan
Georges Dambier argazkilariaren 77 irudik osatzen dute erakusketa. Ikuspegi aitzindaria izan zuen Dambierrek 50eko hamarkadan: modeloak kalera atera zituen, eta estudioko argazkien konbentzio zurrunak apurtu zituen. Erakusketa bihartik abenduaren 13ra arte egongo da ikusgai Cristobal Balenciaga museon, Getarian.