‘Kalera!’ lelopean, irailaren 3an hasiko da Getxophoto ekimenaren XIV. edizioa
Aurtengo Getxophotoren 14. edizioa irailaren 3tik 27ra bitartean ospatuko da. Pandemiak jaialdia eraldatzera bultzatu du, eta horren ondorio da edizio parte-hartzaileago, kalezaleago eta digitalago bat sortu izana.
Izaera transmedia baten aldeko apustua egin du aurten Begihandi kolektiboak sustatutako jaialdiak, eta erakusketa, web, sare sozial, topaketa edota publikazioen bidez bere audientziaren pentsamendu kritikoa sustatzea espero du.
Jon Uriarte, Londresko The Photographers’ Galleryko komisario digitala, izango da aurten Getxophotoko zuzendari. Jaialdiak eremu publiko eta digitala arakatzea du helburu, protestarako, errekonozimendurako eta esperimentaziorako bide berri bat irekita.
Erakusketei dagokienez, Getxophotok espazio publikoen alde egingo du. Gainera, aurtengo edizioan eremu berri gehiago erabiliko dira, hala nola Correos egoitzaren aurrealdea eta Urgull kaleko eraikin munizipala, besteak beste.
Online programa
Espazio publikoez gain, online plataformen alde ere egingo du Getxophotok. Lehengo aldiz, podcastei tokia eskainiko zaie jaialdian, Radio Ambulanterekin elkarlanean arituko baita.
Horrez gain, jaialdiak aurpegirako Instagram filtroei ere egingo die tokia. Programak aurpegirako Instagram filtroen lehenengo lehiaketa jarri du abian; hala, norberak bere kartel propioa diseinatu eta partekatzeko aukera izango du.
Parte-hartze handiagoa
Jaialdiak itxialdian zehar ere parte-hartzea bultzatzen eta sustatzen egin du lan. Horren erakusle da Pantaila Partekatua ekimena. Bertako bizilagunei itxialdian zehar egin dituzten bideo-deien argazkiak bidaltzeko eskatu zaie.
Halaber, nazioarteko hirugarren Open Call proposamena ere martxan da, jaialdian parte hartu nahi duen artista ororentzako erakusleihoa.
Herri Partaidetza beste ekimen dat da. Algortako Dendak taldearekin batera antolatu da, eta aurtengo gaiarekin lotura duen argazki bakar bat bidalita parte hartzeko aukera ematen du.
Beste ekitaldi, bisita gidatu eta kolaborazioak
Aurrez azaldutako guztiaz gain, euskaraz eta gaztelaniaz egingo diren bisita gidatuek osatuko dute programa. Erakusketa bakoitzaren gakoak eta testuingurua aurkeztuko dituen bitartekari baten eskutik, egun osoko bisitak eskainiko dira, euskaraz zein gaztelaniaz.
Getxophoto Por jaialdiko beste bisita formatu bat da. Borja Crespok, Yogurinha Borovak, Miren Amurizak eta Jone Uriak gehien gustatu zaien erakusketaren inguruan duten ikuspuntu pertsonala eskainiko dute.
Elkarrizketei dagokien atalean, Hamaiketako ekitaldia da azpimarragarriena. Bertako artistak diren Helena Goñi eta Javier Mendizabalekin kontu-kontari ibili eta hamaiketako bat partekatzeko aukera izango dute.
Zure interesekoa izan daiteke
Igshaan Adamsek tapizak eta "hauts hodeiak" zabaldu ditu Guggenheimen
"Igshaan Adams. Hautsa harrotzen: Gorputzaren artxiboa" erakusketa Museoaren in situ erakusketa-zikloko hirugarren emaitza da. Museoak areto jakin baterako pentsatutako eta eraikinaren arkitekturarekin elkarrizketa bat sortaraziko duten obrak sortzera gonbidatzen ditu artistak, programa horretan.
Iberdrolaren artelanak, Arte Ederren Bilboko Museoan ikusgai
Bilboko konpainiaren 138 artelan bildu dituzte “Paraleloak eta meridianoak” erakusketan. Zortzi ataletan banatu dituzte: Hastapenak; Natura, urak eta bilbeak; Gorputza eta aztarnak; Lana; Argia; Artista eta haren espazioak; Arkitektura eta eraikuntza; Hiria eta portua. Abuztuaren 30era arte egongo da ikusgai.
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
-separados-por-el-ice-World-Press-Photo-of-the-Year-Carol-Guzy-ZUMA-Press-iWitness-for-Miami-Herald.jpg)
ICEko agenteek banandutako familia baten argazkiak irabazi du World Press Photo 2026 saria
ICE Immigrazioaren eta Aduanaren Polizia Indarrek Luis migratzaile ekuadortarra atxilotu eta emazte eta hiru seme-alabengandik banatzen duten une lazgarria islatzen duen Carol Guzy argazkilari estatubatuarrak egindako erretratuak irabazi du aurten.
"Gaizkia. Auschwitz 1945 - Gaza 2025" erakusketa, EHUren Arabako campusean
Gaizkia. Auschwitz 1945 - Gaza 2025 Artur Heras artista valentziarraren erakusketa inauguratu dute Euskal Herriko Unibertsitatearen (EHU) Arabako campuseko Unibertsitate Pabiloian asteazken honetan. Anacleto Ferrer komisario duen erakusketak genozidioak salatzen ditu, "begirada artistiko konprometitu eta ausart batetik". Gasteizen apirilaren 30era arte egon ondoren, erakusketa Bilboko Esperientziako Geletan izango da ikusgai, maiatzaren 6tik 22ra, eta Donostiako Karlos Santamaria liburutegiko Txillardegi aretoan, maiatzaren 27tik ekainaren 30era.
Jesus Jauregui bilbotar artistaren "gorpuztasun zalantzagarria", Bilbon ikusgai
EHUren Bizkaia aretoko Chillida gelak Anthropos erakusketa hartuko du apirilaren 14tik maiatzaren 7ra. Jesus Jauregui artistaren hitzetan, Anthroposek gizakiari buruzko ikuspegi berezia proposatzen du, "gure existentziak eragiten duen harridurak eta osatzen gaituen gorpuztasun zalantzagarriak markatua".
Sarrerak erdi-prezioan gaur arratsaldean Guggenheim museoa bisitatu nahi dutenentzat
Gaur da azken eguna "in situ: Mark Leckey. Eta hantxe zegoen hiria bere bikaintasunean" erakusketa ikusteko. Hori dela eta, 16:00etatik 19:00etara bertaratzen direnek % 50eko deskontua izango dute sarreran.
Guggenheim museoak 24.400 bisitari jaso ditu Aste Santuan
Ostegunetik astelehenerako tartean, ostirala izan zen egunik jendetsuena.
Gernikako Udalak ere "Gernika" artelana lekualdatzea eskatu du, bonbardaketaren urteurrena dela eta
Udalerriko alkateak azpimarratu du "Gernikako herriak" berak nahi duela Picassoren artelana aldi baterako lekualdatzea. Jaurlaritzak duela gutxi egin zuen eskaera, baina Reina Sofia Museoak ez du onartu, kontserbazio arrazoiak tarteko.
"Erresonantziak" dokumental saila, Esther Ferrer eta Mari Puri Herrero artistei begira
EITBk eta Artiumek Mari Puri Herrero (Bilbo, 1942) eta Esther Ferrer (Donostia, 1937) protagonista dituzten bi lan dokumental aurkeztu dituzte. Publiko berrien artean kultura garaikidearen dibulgazioan sakondu nahi du dokumental sortak, eta ETB On atarian daude ikusgai. Herreroren atalari Uxue Alberdik jarri dio ahotsa, eta Ferrerenari Marina Suarezek. Hurrengo atalak Gema Intxaustiri eta Itziar Okarizi eskainiko dizkiete.