Agustin Ibarrolak egindako "Guernica"ren berrikuspen bat erreskatatu dute
José de la Mano Madrilgo galeriak hainbat urtez galduta egon den Agustin Ibarrolaren lan bat aurkeztu du gaur, asteazkenarekin, Madrilen: "Guernica Gernikara". Picassoren "Guernica"ren bertsio bat da, bi metro garai eta hamar metro luze dena.
Picassoren "Guernica" Bizkaiko udalerrira eramateko hainbat euskal artista eta intelektualek gidatu zuten ekimenaren baitan egin zuen Ibarrolak horma irudia.
Obra 1977an erakutsi zuten lehenengoz, Bilboko Arte Ederren Museoko Areto Grisean, Picassoren koadroa eta horretan oinarritutako beste hainbat lan Gernikan jasotzeko museo bat eraikitzeko lehen urrats gisa. Urratsa antzua izan da, nolanahi den, jakina denez.
Hala ere, helburu horrekin jaio bazen ere, Ibarrolaren artelana ez zen inoiz Picassorenarekin batu, hori Madrilera eraman baitzuten, New Yorketik ekarrita, eta bertan dago ordudanik, 1992. urtetik Reina Sofia museoan. Are gehiago, zenbait urtez Ibarrolaren margoa gordeta, ia lekututa, egon da artistaren lantegian, publikoari erakutsi gabe.
Orain, "Guernica Gernikara" lana ARCOmadrid azokan erakutsiko dute, uztailaren 7tik 11ra, José de la Mano galeriaren erakustokian.
Galeriatik azaldu dutenez, "euskal artistak picassoar motiboak eta berezkoak dituen ikonografiak lortzen ditu, barren motiboa errepikatuz orduko orainaldiko irudi sinbolikoak bihurtzeko: langile multzoak, herria, indar errepresiboak eta askatasun ororen ezeztapena".
Zure interesekoa izan daiteke
Bilboko Guggenheimek eta Arte Ederren museoak sarrera bateratua eskainiko dute prezio merkeagoan
Urriaren 14an jarriko da indarrean, eta lau eguneko epean bi museoak bisitatzeko aukera emango du.
Inoizko bigarren udarik jendetsuena, Guggenheimentzat
Ekain, uztail eta abuztuan 488.971 bisitari hartu ditu Guggenheim Bilbao Museoak, iaz baino 10.656 gehiago. 2023an hartu zituen bisitari gehien museoak.
Bilboko Arte Ederren Museoak ateak itxiko ditu igande honetatik urriaren 6ra bitartean
Handitze lanak amaitu ondoren, museorako sarrera doan izango da urriaren 6tik 13ra.
Flamenco On Fire jaialdiak ‘tablao’ inprobisatu bihurtu ditu Iruñeko balkoirik enblematikoenak
Iruñeko balkoirik esanguratsuenak benetako ‘tablao’ bihurtu dira berriro egun hauetan, Flamenco On Fire jaialdiaren edizio berri bati esker. Gaur eguerdian, udaletxeko balkoitik, Pedro Heredia 'El Granaino' kantari ezagunak errezitaldi intimo eta hunkigarria eskaini du, Gabriel Lorenteren gitarra-jole bikainak lagunduta. Flamenco On Fire jaialdiaren egitarauak bihar jarraituko du toki berean; hain zuzen ere, Jose Merce maisuaren saioa dago iragarrita bertan.
Yayoi Kusama artista japoniarra hil da, 97 urte zituela
Hain zuzen ere, artista ezaguna abuztuaren 14an hil zen, Tokioko ospitale batean. 2023an "Yayoi Kusama: 1945etik gaurdaino" erakusketa hartu zuen Guggenheimek. Kusama 10 urte zituela hasi zen margotzen, eta, horretarako, ilargien eta patroien errepikapen obsesiboa baliatu zuen, hala nola sareak eta arkuak.
Bilboko Guggenheim, munduko zazpi mirari garaikideetako bat izateko bidean
Guggenheim Bilbao Museoak, aro garaikideko obra enblematikoa izateaz gain, Bilbo nazioarteko kultura-erreferente gisa kokatzea ahalbidetu du, eta eragin sakon zein onuragarria izan du inguruko turismoaren, ekonomiaren eta gizartearen garapenean.
Guggenheim Bilbao Museoak "66-76-26" iragarri du, Steve McQueenek museoarentzat sortutako lana
Instalazioak aurrez aurre jartzen ditu hamarkada batez bereizitako Nina Simoneren (1966) eta David Bowieren (1976) "Wild is the Wind" interpretazio mitikoak.
Ertibil erakusketaren 44. edizioak 18 artista berriren lanak bildu ditu
Rekalde aretoan zabaldu dute Bizkaiko artista berriei laguntzeko erakusketa ibiltaria. Urriaren 18ra arte egongo da Bilbon, eta handik Barakaldora (urriak 21-azaroak 5), Basaurira (azaroak 6-29) eta Igorrera (azaroak 30-abenduak 30) egingo du. Lehen, bigarren eta hirugarren sariak Estela Miguelek eta Markel Gonzalez Elezkanok, Natalia Suarez Ortiz de Zaratek eta Jone Elorriaga Sotok irabazi dituzte.
"Uhinak": Ra Asensiren erakusketa Bilboko Euskal Museoan
2026ko uztailaren 8tik abenduaren 28ra bitartean bisitatu ahal izango da, Miserikordia eraikineko Kukula espazioan. Kantauriko algekin eta oxidoekin egindako beiraztatutako gresezko formak eskaintzen ditu, erakusketa-aldian eboluzionatzen duten materialak.
“Bakoren Burua” ikusgai jarri dute Arabako Bibat Arkeologia Museoan
1976an aurkitu zuten I. mendeko marmolezko eskultura ezaguna, Arkaiako parrokia elizaren inguruan. 13 cm-ko altuera, 9,5 cm-ko zabalera eta 6,5 cm-ko sakonera duen pieza 46 urtez egon da desagertuta, Jon Buesa EAJk Arabako Batzar Nagusietan zuen bozeramaileak epailearen eskariz itzuli zuen arte. Irailaren 30era arte ikusi ahalko da Gasteizko Bibat Arkeologia Museoan.