D'Museoak ez du zalantzarik "Oteiza Argentinan" erakusketako obren egiazkotasunaren eta egiletzaren inguruan
Donostiako D'Museoak ohar bat zabaldu du, Jorge Oteiza Fundazio Museoak egindako salaketei erantzuteko, erakunde horrek idatzi batean adierazi eta gero "Oteiza Argentinan, Dieciseís obras de Jorge Oteiza" Donostiako museoan ikusgai dagoen erakusketako 16 lanak ez direla Jorge Oteizarenak "piezok sakon aztertu ondoren eta bere jakintza eta adimen zintzoaren arabera".
D'Museoaren hitzetan, salaketa horiek "arbitrarioak, funsgabeak eta oso kaltegarriak dira erakunde honen eta erakundearen zuzendariaren ohore eta izen onarentzat, eta erakunde honi konpondu ezinezko kalteak eragiteko berariazko borondate ulertezin batetik bakarrik uler daitezke".
Elizbarrutiko museoaren idatziak dioenez, Oteiza Fundazioak eta Bilboko Arte Ederren Museoak "hemen erakusgai jarritako obretako zenbaiten existentziaren berri" izan zuten, eta, beraiek dakitenez, Oteiza Fundazioa ez da D´Museora bertaratu Oteizari egotzitako piezen azterketa zehatzik egiteko.
Halaber, argitaragabeak izatearekin arrazoitu dute obrok ez agertzea Jorge Oteizaren eskultura obraren Katalogo Arrazoituan.
Donostiako museoaren ustez, "ez dago zalantzarik erakusgai jarritako obren egiazkotasunaren eta egiletzaren inguruan", eta "bidezkoak ziren egiaztapen, azterlan eta eginbide guztiak" egin dituzte erakusketa programatu eta diseinatu baino lehen.
Amaitzeko, Donostiako museoak hau aurreratu du: "Gure eskubide legitimoak, gure ohorea eta gure izen ona defendatzeko, eta, hala badagokio, eragin litezkeen kalteak ordainarazteko, bidezko diren bitartekoak erabiliko ditugu".
Zure interesekoa izan daiteke
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
"Vivre Sa Vie. Georges Dambier eta Moda" erakusketa, Cristobal Balenciaga museoan
Georges Dambier argazkilariaren 77 irudik osatzen dute erakusketa. Ikuspegi aitzindaria izan zuen Dambierrek 50eko hamarkadan: modeloak kalera atera zituen, eta estudioko argazkien konbentzio zurrunak apurtu zituen. Erakusketa bihartik abenduaren 13ra arte egongo da ikusgai Cristobal Balenciaga museon, Getarian.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.
Goyaren lanak, Donostian eta Gasteizen
Francisco de Goyaren estanpak ikusgai daude bi erakusketatan, Donostiako San Telmo Museoan eta Arte Ederren Arabako Museoan.
"Carne y arena" instalazioa «azalean sentitzen» den obra gisa definitu du Gonzalez Iñarrituk
Zinegilea Bilbon izan da, ekainera arte EITBren egoitzan bisitagai izango den errealitate birtualeko bere instalazioa aurkezteko. Esperientzia horretan, Mexiko eta AEBren arteko muga zeharkatzen duten migratzaileek bizi dutenaren zati bat sentitzen dute ikusleek.
BBK Artearen Ibilbideak animaliak ditu protagonista aurten, eta Bizkaiko 30 udalerritara iritsiko da
Arte Ederren Bilboko Museoaren bildumako 38 artelanen erreprodukzioak bildu dira, hainbat paneletan. Erakusketan, artista, garai eta teknika desberdinetako aleak daude: margolanak, grabatuak, kartelak, arte aplikatuak... Maiatzaren 11n (Bilbo) hasi, eta abenduaren 9an (Durango) amaituko da, Bizkaiko 30 herritatik igaro ondoren.
Ibone Bengoetxea: "Venezian, zer izan nahi dugun ere erakutsi nahi dugu"
Euskal arteak Veneziako Biennalen presentzia egonkorragoa izateko lanean aritu da egun hauetan Eusko Jaurlaritza Italian, "I Baschi alla Biennale 1976/2026" proiektua garatzen. 2028tik aurrera Euskadik bienal horretan presentzia propioa izatea da helburua, Kultura sailburuak azaldu duenez.
Euskal artistek aldarrikapen politikoa eta mintzaira abangoardista uztartu zituzten Venezian 1976an
Beñat Sarasola eta Leire Vergara adituek 1976an euskal ahotsa Veneziako Bienalera eraman zuen artsita taldearen lanaz hitz egin dute, Veneziatik bertatik.
Euskal ordezkaritza Veneziako Bienalean da
Ibone Bengoetxea Eusko Jaurlaritzako Kultura sailburua buru dela, "I Baschi alla Biennale 1976/2026" ekimenak programa instituzional, akademiko eta artistikoa garatuko du Italiako hirian. Duela 50 urte, frankismoste betean euskal artea topagune horretara eraman zuten artistak izango dituzte gogoan.
Igshaan Adamsek tapizak eta "hauts hodeiak" zabaldu ditu Guggenheimen
"Igshaan Adams. Hautsa harrotzen: Gorputzaren artxiboa" erakusketa Museoaren in situ erakusketa-zikloko hirugarren emaitza da. Museoak areto jakin baterako pentsatutako eta eraikinaren arkitekturarekin elkarrizketa bat sortaraziko duten obrak sortzera gonbidatzen ditu artistak, programa horretan.