Jazzak eta Donostiak urrezko ezteiak ospatuko dituzte gaurdanik
80 kontzertua aurretik eta hiriaren babes osoa atzetik: horrek guztiak inguratzen du Donostiako Jazzaldiaren 50. edizioa. Jazza gero eta txoko gehiagotara zabaldu da hirian, eta Zurriolako hondartza eta Kursaaleko terrazak hartu ditu dagoeneko; azken horretan, bederatzi kontzertu ospatuko dituzte, inaugurazioko Jazz Band Ballen.
Lehen egun honetan hondartzako agertoki berdera bertaratzen denak, bestalde, Jamie Cullumen alde ezkutu bat aurkituko du: DJ lanetan arituko da edizio honetako protagonista nagusia. Ostegunean, pianoaren aurrean bakarka jardungo da Kursaalen eta, ostiralean, bandak lagunduta Trinitate plazan.
Agertoki berdetik, Earth, Wind and Fire Experience eta Jimmy Cliff jamaikarra ere pasatuko dira.
The Cookers musikari beteranoek osatutako zazpikotearen proposamena ere gozatu ahalko da lehen egun honetan; genero honetako musikari handienekin jo dute ibilbide luzean. Halaber, Carla Cook eta Claire Martin ere pasatuko dira Donostiako agertokietatik.
Kursaalen eta Trinitate plazan, ez dago sarrerarik hilaren 23ko kontzertuetarako, Cullum bakarka ikusteko, eta Silvia Perez eta Zaz frantziarrak emango dutenerako.
Jamie Cullum, Melody Gardot, Benny Golson...
Halaber, Cullum hilaren 24an ikusteko eta azken egunean Melody Gardoten kontzertura joateko ere ez dago sarrerarik. Gardoten aurretik, Andrea Motis kantari eta tronpetista gazteak joko du Trinitate plazan. Artista “erabat izugarria” da, Miguel Martin Jazzaldiaren zuzendariaren esanetan.
Martinek Silvia Perez Cruzentzat ere izan ditu lausenguak: “Fenomeno handia da, berton oraindik horren errotuta ez badago ere”. Halaber, Julia Biel hilaren 24an San Telmo Museoan arituko den artistari buruz “urtebeteko epean ahots jazzeko izan handienetakoa” izango dela esan du.
Ahots ederra Dee Dee Bridgewaterrena ere bada, 49. edizioaren itxieran erakutsi zuenez. Trinitate plazan egongo da berriz, azkenaurreko jardunaldian, Irvin Mayfield eta The New Orleans 7rekin batera.
The Bad Plusek, Joshua Redman saxofonistak lagunduta, ere sarrerak agortu ditu, larunbaterako, Kursaalen. Ostiralean, Benny Golson arituko da agertoki horretan bertan; Jazzaldiaren saria jasoko du saxofonista eta konposatzaileak.
John Zorn ere pasatuko da Kursaaletik edizio berezi honetan, Donostiara bueltan. Gregory Porter ere itzuliko da Gipuzkoako hiriburura, eta honen emanaldia doakoa izango da, gainera, hilaren 23an hondartzan.
Zure interesekoa izan daiteke
ETSk iragarri du hirugarren kontzertu bat egingo duela Buesan, aurreko bietarako sarrera guztiak saldu ondoren
Talde arabarrak iragarri du martxoaren 13an ere eskainiko duela "Etxean" ikuskizuna Gasteizen, martxoaren 19ko eta 20ko kontzertuetarako 30.000 sarrerak 24 orduan saldu ondoren.
Saldu dira ETSren Gasteizko kontzerturako sarrera guztiak, eta beste emanaldi bat iragarri dute
Arabako taldeak beste kontzertu bat emango du Buesa Arena pabiloian, martxoaren 19an, Gasteizen martxoaren 20rako iragarri zuten "Etxean" kontzerturako sarrerak berehala, ordubete luzean, agortu baitituzte.
ETSk kontzertua emango du 2027ko martxoaren 20an Buesa Arenan
Horixe iragarri du taldeak Madrilen emandako kontzertu jendetsuan. ETB On eta Primeranen ikusgai dago jada Madrilgo kontzertua.
?fmt=png-alpha&qlt=80)
Iñigo Etxezarreta: “ETSren formatu ezberdinak egongo dira etorkizunean”
ETS taldeak “Bihotzen konkista” kontzertua emango du larunbatean Madrilen, Movistar Arena beteko duten 16.000 lagunen aurrean eta ETB1en eta ETB ONen pantailez bestaldeko ikusleentzat. Iñigo Etxezarreta kantari eta gitarristarekin hitz egin dugu, horren aitzakian, honetaz eta hartaz, luze eta zabal.
?fmt=webp-alpha&qlt=80)
Pantxoa eta Peiok jasoko dute Adarra saria
Lapurtar bikote aitzindariak ekainaren 21ean jasoko du Donostiako Udalaren eta Donostia Kulturaren saria, Victoria Eugenia antzokian, eta kontzertua egingo du jarraian.
Pello Reparazek hiru kantu abestu ditu kalean, Bilbon,"Mitoaroa III" ikuskizunaren aurkezpenean
Zetak taldeko abeslariak Begi beltz, Hileta kantu nafarra eta Itzulera kantuak abestu ditu Bilbon, kalean.
“Mitoaroa III” ikuskizun “futurista eta aldarrikatzailea” izango da
Zetak taldeak agerraldia egin du gaur Bilbon, ekainaren 19an eta 20an San Mamesen zabalduko duen ikuskizunaren zertzelada batzuk aletzeko.
Zetakek Bilbo erdialdera eraman du "Mitoaroa III"
Mitoaroa III unibertsoko figurak Bilboko Kale Nagusira agertu dira, Zetak taldeak San Mamesen ekainaren 19an eta 20an egingo duen ikuskizunaren lagintxo bat erakusteko.
Live Nationek eta Ticketmasterrek kontzertuen merkatuan monopolioa ezarri dutela ebatzi du AEBko epaimahai batek
Bost astez epaiketa gidatu duen epaileak enpresek zer zigor jasoko duten zehaztu beharko du orain: isunak, kalte ordainak edo negozio eredua aldatzeko eginbideak. Live Nationek adierazi du “handia eta arrakastatsua izatea” ez dela legez kanpokoa.
Xabier Anduagak “Werther” Masseneten opera egingo du Bartzelonan
Maiatzaren 2tik 17ra taularatuko du donostiar tenorrak Goetheren eleberrian oinarritutako opera. Lehenago, apirilaren 19an, gala liriko bat egingo du Liceun bertan, Pretty Yende hegoafrikar sopranoarekin batera. Gainera, Talia Arte Eszenikoen Espainiako Akademiaren sarietarako izendatuta dago Anduaga, lirikako gizonezko interprete onenaren atalean, La sonnambula operan egindako lanagatik.