Estrella Morente, Getxo Folken lehen eguneko protagonista nagusia
Getxoko XXXI. Nazioarteko Folk Jaialdia hasi da, Estrella Morente flamenko kantariaren kontzertuarekin. Areetako Geltokia plazan izango da emankizuna, 21:00etatik aurrera, eta abeslari andaluziarrak Autorretrato diskoan oinarritutako kontzertua eskainiko du bertan. Lan horretan, besteak beste, habanera eta Karibeko doinuekin uztartzen ditu flamenkoa.
Jaialdiaren lehen eguneko musika egitaraua Vrienden Asturiasko taldearen saioarekin (Geltokia plazako aparkalekuan, 19:00etan) eta kaleko banden desfileekin osatuko da, Getxoko Kultur Etxeak jakinarazi duenez.
Vrienden taldeak ere, folk doinuak erdigunean jarrita, musika estilo ezberdinak uztartuko ditu kontzertu berean, musika-tresna akustiko tradizionalak erabiliz, batez ere.
Bestalde, Oskorri taldeak Getxo Folk jaialdian eskainiko du bere agur kontzertuetan lehendabizikoa, irailaren 6an, 20:00etan.
Beste ekitaldi batzuk
Kontzertuak ez ezik, Getxo Folk BBK jaialdian beste hamaika jarduera ere izango dira, ikus-entzuleen gozamenerako. Hala, Gune Solidarioan, Areetako Geltokia plazan, gobernuz kanpoko hainbat erakundek eta beste elkarte batzuek euren lanak eta proiektuak emango dituzte ezagutzera, eta Bidezko Merkataritzako produktuak egongo dira salgai.
Ohi bezala, hainbat herrialdetako eskulanak gerturatzen dituen Munduko Eskulangintza Azoka (Areetako Geltokia plaza) ez da faltako Getxon. Azkenik, Munduko Terrazan, plazaren ondoko aparkalekuan, hainbat kulturatako jakiak dastatzeko aukera izango da; besteak beste, Filipinetakoak, Boliviakoak, Marokokoak, Argentinakoak, Mexikokoak eta Senegalgoak.
Zure interesekoa izan daiteke
Zea Mays, Leire Martinez, Bebe, M-Clan... Aste Nagusiko kontzertu guztiak
Aste Nagusiak musikaz beteko du Bilbo aste osoan zehar, hiriko hainbat agertokitan banatutako kontzertu-programazio zabalarekin. Hauek dira jaietako musika-eskaintzaz gozatzeko emanaldi eta ordutegi nagusiak.
Juan Diego Florez tenor perutarraren emanaldia eta 9 ikuskizun Donostiako Musika Hamabostaldia abiatzeko
Gaur hasi eta abuztuaren 30era arte, 60 kontzertu baino gehiago izango dira Kursaalen, Victoria Eugenian eta Tabakaleran. Ikuskizun aipagarrien artean, "Arriaga harrigarria", Arriagaren heriotzaren bigarren mendeurrena gogoratuko duen kontzertua, eta Natxo de Felipek agertokietara egingo duen itzulera, Arantzazun izango den emanaldiarekin.
Zita bikoitza etxean
“Tantas cosas que contar” Amaia Montero abeslaria La Oreja de Van Gogh taldera itzuli izana ospatzen duen bira Donostiara iritsiko da asteburuan. Iluben, Donostia Arenan, dago jarrita hitzordua, ostiral-larunbatetarako.
Natxo de Felipe agertokietara itzuliko da "Abandonatuak" proiektu berriarekin
Oskorrik agur esan eta 11 urtera, Natxo de Felipe berriro igoko da agertokietara disko berri batekin: Abandonatuak. Argitaratu gabe geratu ziren talde mitikoaren kantuak berreskuratu ditu proiektu honetan, eta abuztuaren 20an zuzenean aurkeztuko du Arantzazuko Santutegian, Donostiako Musika Hamabostaldiaren programazioaren barruan. Philiperena taldearekin batera aritu da disko honetan, Xabier de Felipe, Przemysaw Pujanek, Esther Alba eta Karmele Castillorekin batera.
Ia 50 urtez Jazzaldiko buru izan den Miguel Martin omendu dute Donostian
Donostiako Jazzaldia saria eman zioten bart Miguel Martini, ia 50 urtez Jazzaldiko buru izan denari. Orain arte berak ematen zien Trinitate Plazan sari hori musikariei, eta aurten berak jaso du errekonozimendu gorena. Jon Insausti Donostiako alkateak eman zion saria.
ETSk hasiera bikaina eman dio Donostiako Jazzaldiari
En Tol Sarmiento talde arabarrak Donostiako Jazzaldiaren 61. edizioa inauguratu du bart. Kontzertuaren irudiak zuzenean proiektatu zituzten Kursaaleko fatxadan.
Adele, Raye, Sienna Spiro…: 15 urte Amy Winehouseren oinordekoaren zain
Duela 15 urte Camden Towneko bere etxean hilda aurkitu zuten Amy Winehouse; ordutik, Erresuma Batuko musikagintzak ez du haren parekorik aurkitu.
Jazzaldia abiatzeko ETSk gaur hondartzan emango duen kontzertu jendetsua Kursaaleko fatxadan ikusi ahal izango da
Asteazken honetan ekingo diote doako kontzertu jendetsuei, Keler Gunean. Arabako talde ezagunak joko du 23:30ean, eta, aurretik, LP artista estatubatuarraren musika izango da protagonista. Datorren egunetan Danielle Nicole, Kokoshca, Emma-Jean Thackray, Nøgen eta HOFE igoko dira Zurriolako oholtzara, besteak beste.
Bilbao Blues jaialdiak doako kontzertuekin beteko du Areatza
Uztailaren 24tik 26ra egingo den jaialdiaren bosgarren edizioak Travellin' Brothers Bizkaiko taldeari emango dio urteko saria.
Jazza ozen Donostian, Pat Metheny, Diana Krall eta Marcus Millerren eskutik
Donostiako 61. Jazzaldiak 77 kontzertu eskainiko ditu uztailaren 22tik 26ra, horietako 47, doakoak. David Murrayk, Joe Lovanok eta, jaialdia gidatuko duen azken urtean, Miguel Martín zuzendariak jasoko dituzte Donostiako Jazzaldia sariak.