EOSek 50 kontzertu egingo ditu 2018/2019 abonu denboraldian
Euskadiko Orkestra Sinfonikoak abonuko hamaika programa eskainiko ditu 2018/19 denboraldian, horietako sei Robert Treviño zuzendari titularrak gidatuta, 50 kontzertutan. “Bariazioak” kontzeptuaren inguruan lerratuko diren emanaldiok irailaren 27an hasiko dira, Iruñean, Oriol Roch orkestraren zuzendari nagusiak azaldu duenez.
Abonu denboraldia 2019ko ekainaren 13an amaituko da, Gasteizen, eta ordura arte orkestrak hamarna kontzertu eskainiko ditu Bilboko, Donostiako (bi saio), Gasteizko eta Iruñeko egoitzetan; 50 guztira, abonu denboraldian.
Robert Treviño zuzendari titularrak azaldu duenez, Mahlerren, berarengan ohikoa den musikariaren, “9 zenbakiko Sinfonia” entzun ahalko da kontzertu horietako batzuetan, baita Elgar, Dvorak eta Rachmaninoff sortzaileen lanak ere.
Alexei Volodin errusiar pianistak eta Pablo Ferrandez espainiar biolontxelistak denboraldian parte hartuko dute, eta zuzendari gonbidatuak Pinchas Zukerman, Christian Lindberg, Hans Graf eta Mélanie Levy-Thiébaut (azken hori, birritan) izango dira.
Abonu kontzertuez gain, EOSek bestelako jarduerak gauzatuko ditu 2018/19 denboraldian (ekimen didaktikoak, zikloak…); ehun baino gehiago, orotara.
Maiatzaren 24an jarriko dituzte salgai bonu berriak, 65 eta 218 euro arteko prezioan.
Zure interesekoa izan daiteke
Erramun Martikorenak "Atzar Gaiten" diskoa aurkeztu du Baigorrin
"Atzar gaiten" bere azken albumeko abestiak kantatzen entzun dugu igande honetan Erramun Martikorena Baigorrin Osasun arazoak dituen arren, 83 urterekin pozik agertzen da beti taula gainean. Ia mende erdiz, Euskal Herri osoan ibili da, baita Estatu Batuetan ere. Garai batean 35 kantaldi eskaini ohi zituen urtero, baina orain askoz gutxiago. Horregatik publikoak ez du huts egiten bere emanaldietan.
Silvio Rodriguezek Bilbo liluratu du bere abestiekin
Silvio Rodriguez kubatar musikariak kontzertua eman du larunbat honetan Euskalduna Jauregian, Bilbon. Bere ibilbide musikalaren zati bat errepasatu du bertan bildutakoen aurrean.
Silvio Rodriguezek geldialdia egin du Bartzelonan, Euskal Herrirako bidean
Kubatarrak kontzertua egin du bart Liceun, irailaren 12 eta 13an Bilboko Euskaldunan aritu aurretik.
Zuzenean: Basking Beat & Bite
Basking Beat & Bite jaialdiaren edizio berri bat egingo da abuztuaren 29an, Miami, Santiago de Chile, Helsinki eta Tbilisin aldi berean eskainiko diren kontzertuekin. Euskal musikaren egungo lau proposamen bilduko ditu programazioak: Merina Gris, Mirua, Sua eta Idoia.
ETS taldeak hankaz gora jarri du Europa parkea, "Badator Marijaia" abesten
37.000 lagun inguru Arabako taldearen kontzertuan izan dira, eta aho batez abestu dituzte kanta guztiak. ETSk harrituta utzi ditu Europa parkera joandakoak, Aste Nagusiko Badator Marijaia jo dutelako.
Dolly Parton hil da, country musikaren izar ospetsua
Abeslari eta konpositore estatubatuarra 80 urte zituela hil da. Azken hilabeteetan gaixorik ibili zen eta kontzertu batzuk bertan behera utzi zituen.
Zea Mays, Leire Martinez, Bebe, M-Clan... Aste Nagusiko kontzertu guztiak
Aste Nagusiak musikaz beteko du Bilbo aste osoan zehar, hiriko hainbat agertokitan banatutako kontzertu-programazio zabalarekin. Hauek dira jaietako musika-eskaintzaz gozatzeko emanaldi eta ordutegi nagusiak.
ETS taldeak dantzan jarriko du gaur Bilbo, Europa parkeko kontzertuen lehen gauean
Hitzordua 00:00etan da, Europa Parkean. Horrez gain, beste musika proposamen batzuk ere izango dira, besteak beste, Bilboko Udal Bandaren emanaldia, Serafin Zubirirekin batera, 23:30ean, Abandoibarran.
Leire Martinezek 13.000 lagun bildu ditu Abandoibarran, gau ahaztezin batean
Abeslari donostiarrak bere bakarkako ibilbidearen lehen lana aurkeztu du Aste Nagusian: “Historias de aquella niña”. Emozioz eta nostalgiarako tartez betetako kontzertua izan da, aro berri bati ekiteko.
Zea Maysek jendetza bildu du Abandoibarran rock doinuekin
Elektrizitatea abestiak jendea saltoka eta kantuan jarri du, gaueko unerik txalotuenetako batean. Kontzertuak Francis Diez Doctor Deseo taldeko abeslariaren parte-hartzea izan du, eta elkarrekin abestu dute Corazón de tango abestia.