Charenée Wadek Getxoko 42. Jazzaldia irekiko du gaur, asteazkenarekin
Charenée Wadek Getxoko Nazioarteko Jazzaldiaren 42. edizioa irekiko du gaur, uztailak 4, eta Kenny Garrett, Billy Hart, Joshua Redman, Chano Domínguez, Michel Camilo eta Tomatito ere izango dira saio nagusietan hilaren 8ra arte, Biotz Alai plazan, 22:15etik aurrera. Gainera, ohi bezala, Talde Lehiaketan (Biotz Alai plazan, 21:00etan) eta Hirugarren Milurtekoan (Algortako Geltokia plazan, 19:00etan) arituko diren taldeen kontzertuak ere izango dira entzungai.
Ordainpeko kontzertuak Charenée Waderekin hasiko dira, uztailaren 4an, “gaur egungo jazzaren ahots indartsuenetakoarekin”. Biharamunean, Kenny Garrett arituko da, “seguru aski bere belaunaldiko saxo alturik onena”, antolatzaileen hitzetan.
Uztailaren 6an, jazz munduko bateria-jotzaile garrantzitsuenetako bat arituko da, Billy Hart, Joshua Redman saxofoi-jotzailearen kolaborazio berezia izango duela.
Getxo Jazzek flamenko jazzaren izen handienetako bat hartuko du uztailaren 7an: Chano Domínguez piano-jotzailea. Saio nagusiak bukatzeko, uztailaren 8an, Michel Camilo pianistak eta Tomatito gitarrista flamenkoak "flamenkoaren eta latin jazzaren arteko oreka paregabea lortu duen bikotea" osatuko dute.
Zure interesekoa izan daiteke
Lau artistak Ed Sheeranen bira utzi dute Macklemoreri elkartasuna adierazteko
Aaron Rowe, Beoga, Lukas Graham eta Finneas dira. Ed Sheeranek gertatutakoari buruz hitz egin du lehen aldiz, eta adierazi du raperoa baztertzea ez zela bere erabakia izan eta Palestinako gatazkan "bi aldeetan eragindako sufrimendu eta mina" gaitzesten duela.
Macklemore rap abeslaria Ed Sheeranen biratik kanporatu dute Palestinaren aldeko aldarriak egiteagatik
Rap kantariak salatu duenez, Robert Kraft diruduna, New England Patriots taldearen jabea, da errudunetako bat; izan ere, kontzertuak izan behar ziren estadioetako jabeen artean babesa lortzea leporatu dio, estadio horietan Macklemorek ez jotzeko presioa egin zezaten.
Erramun Martikorenak "Atzar Gaiten" diskoa aurkeztu du Baigorrin
"Atzar gaiten" bere azken albumeko abestiak kantatzen entzun dugu igande honetan Erramun Martikorena Baigorrin Osasun arazoak dituen arren, 83 urterekin pozik agertzen da beti taula gainean. Ia mende erdiz, Euskal Herri osoan ibili da, baita Estatu Batuetan ere. Garai batean 35 kantaldi eskaini ohi zituen urtero, baina orain askoz gutxiago. Horregatik publikoak ez du huts egiten bere emanaldietan.
Silvio Rodriguezek Bilbo liluratu du bere abestiekin
Silvio Rodriguez kubatar musikariak kontzertua eman du larunbat honetan Euskalduna Jauregian, Bilbon. Bere ibilbide musikalaren zati bat errepasatu du bertan bildutakoen aurrean.
Silvio Rodriguezek geldialdia egin du Bartzelonan, Euskal Herrirako bidean
Kubatarrak kontzertua egin du bart Liceun, irailaren 12 eta 13an Bilboko Euskaldunan aritu aurretik.
Zuzenean: Basking Beat & Bite
Basking Beat & Bite jaialdiaren edizio berri bat egingo da abuztuaren 29an, Miami, Santiago de Chile, Helsinki eta Tbilisin aldi berean eskainiko diren kontzertuekin. Euskal musikaren egungo lau proposamen bilduko ditu programazioak: Merina Gris, Mirua, Sua eta Idoia.
ETS taldeak hankaz gora jarri du Europa parkea, "Badator Marijaia" abesten
37.000 lagun inguru Arabako taldearen kontzertuan izan dira, eta aho batez abestu dituzte kanta guztiak. ETSk harrituta utzi ditu Europa parkera joandakoak, Aste Nagusiko Badator Marijaia jo dutelako.
Dolly Parton hil da, country musikaren izar ospetsua
Abeslari eta konpositore estatubatuarra 80 urte zituela hil da. Azken hilabeteetan gaixorik ibili zen eta kontzertu batzuk bertan behera utzi zituen.
Zea Mays, Leire Martinez, Bebe, M-Clan... Aste Nagusiko kontzertu guztiak
Aste Nagusiak musikaz beteko du Bilbo aste osoan zehar, hiriko hainbat agertokitan banatutako kontzertu-programazio zabalarekin. Hauek dira jaietako musika-eskaintzaz gozatzeko emanaldi eta ordutegi nagusiak.
ETS taldeak dantzan jarriko du gaur Bilbo, Europa parkeko kontzertuen lehen gauean
Hitzordua 00:00etan da, Europa Parkean. Horrez gain, beste musika proposamen batzuk ere izango dira, besteak beste, Bilboko Udal Bandaren emanaldia, Serafin Zubirirekin batera, 23:30ean, Abandoibarran.