Brahmsekin irekiko du denboraldia Euskadiko Orkestrak, baikor
Azkenaldiko denboraldirik zailena atzean utzita (131 kontzertu eskaini ditu Euskadiko Orkestrak, aforo murritzen ondorioz), "baikortasunaz eta programazio onaz" hitz egiteko gogoz aurkeztu du Euskadiko Orkestrak 2021/2022 denboraldia gaur goizean, Donostian.
Abonu Denboraldia irailaren 27an hasiko da, Iruñean, eta 2022ko ekainaren 8an amaituko da, Bilbon. Lehenengo bi programetan (Brahms Fest eta Tchaikovsky), saio bikoitzak egiten jarraituko dute, amaitu berri den denboraldian bezala. Hirugarren programatik aurrera, edukierari dagokionez normaltasun handiagoa lortzea aurreikusten dute.
Obra baikorrak joko ditu Orkestrak, hala nola Brahmsenak berarenak (Konpositore alemaniarraren sinfonia guztiak, Biolin eta biolontxelorako kontzertua eta Pianorako 1. eta 2. Kontzertuak, Robert Treviño zuzendaria buru), Beethoven 7. sinfonia eta Berliozen Sinfonia Fantastikoa, eta publiko orokorrarentzat hain ezagunak ez diren obrak ere aurkeztuko ditu, Zhou amerikarraren eta Dutilleux frantziarrarenak berbarako.
Gainera, euskal sortzaileei helduz, Elkano: Mundubira musika bidelagun proiektuari lotutako lanak ere estreinatuko dituzte (Joël Mérah eta Teresa Catalan), baita pandemiari lotutakoak ere (Pascal Gaigne).
Abonu denboraldiko kontzertuez haraindi, hainbat proiektu diskografikotan parte hartu orkestrak: oso ezagunak ez diren amerikar konpositoreen bilduma Ondine finlandiar diskoetxearentzat, Kalakan taldearekiko kolaborazioa, Garikoitz Mendizabal txistulariarekiko beste bat, Maixabel filmaren soinu banda Alberto Iglesiasen aginduetara.
Edukieraren aurrean dauden zalantzen ondorioz, Euskadiko Orkestrak ez du oraindik abonamendu berririk jarriko salgai, baina erreserbak onartu eta itxaron zerrenda sortuko dute. Kontzertuetarako sarrera solteak kontzertu bakoitza hurbiltzen den heinean jarriko dituzte salgai. Abonamenduen eta sarreren iazko prezioei eutsiko diete.
Zure interesekoa izan daiteke
Bad Bunnyk historia egin du Grammy sarietan eta ICEren aurkako aldarria egin du: "Ez gara basatiak, gizakiak gara eta estatubatuarrak"
Bad Bunny abeslari puertorricarrak ICEren ekintzak gaitzetsi ditu, Grammy saria jasotzerakoan: "Jainkoari eskerrak eman aurretik, ICE kanpora esango dut". Billie Eilishen hitzaldia ere argia eta zuzena izan zen: “Inor ez da ilegala lapurtutako lurraldean”: Beste mezu batzuek ere salatu zuten Trump etorkinekin eta protestatzen ari direnekin egiten ari dena.
Grammy sarien 68. edizioko palmaresa
Kendrick Lamar bereganatu ditu sari gehien Grabazio Arte eta Zientzien Ameriketako Estatu Batuetako Akademia Nazionalaren sarien gauean.
Grammy sariak irabazi dituzten artistek ICEren aurka egin dute oholtza gainetik
Grammy sarien 68. edizioa egin dute bart, Los Angelesen, eta Bad Bunnyk, Billie Eilishek eta beste hainbat artistak ICE kritikatu dute oholtza gainetik. Kendrick Lamarrek batu ditu sari gehien, eta Olivia Dean izendatu dute artista berri onena.
Bruce Springsteenek ICE Minneapolisen zabaltzen ari den indarkeriaren kontrako abestia argitaratu du
Streets of Minneapolis bi egunean idatzi eta grabatu du New Jerseyko musikariak, “hiria suntsitzen ari den Estatu-izuaren” aurrean, eta “bizilagun migratzaile errugabeei eta Alex Pretti eta Renee Goodi”, AEBko Immigrazio Kontrolerako eta Aduanetarako Zerbitzuaren esku hildako herritarrei, eskaini die.
Neil Youngek bere musika doan jarri du groenlandiarren eskura
Kanadar musikariak bere katalogoa Amazon Music plataformatik aterako duela ere iragarri du, eta kantu horiek eta hainbat film Groenlandiako herritarrei urririk lagatzea erabaki du, AEBren anexio mehatxuaren aurrean.
Elkar argitaletxea zigortu dute, Hertzainak taldearen kantuak baimenik gabe ustiatzeagatik
Donostiako merkataritza epaitegi batek 21.473,05 euroko kalte-ordaina aitortu die taldeko hiru kideri, “kalte ekonomiko eta moralagatik”. Epaia ez da irmoa, eta helegitea aurkez daiteke Gipuzkoako Auzitegian.
Zea Mays disko berria grabatzen hasi da, Ingalaterran
Errekaldeko taldeak hainbat kantu landu ditu Dave Izumi ekoizlearekin batera, eta grabazioa datozen hilabeteetan osatuko du, hainbat estudiotan, urte amaieran disko berri bat argitaratzeko helburuarekin. Laukoteak Dave Izumi ekoizlearekin (Billy Bragg, Natalie Imbruglia, James Bay...) lan egin du grabazioaren lehen fase honetan. Taldeak aurreratu duenez, lan berriak "etapa berri bat markatuko du taldearen ibilbidean, 30 urteko ibilbidera hurbiltzen ari baita".
Abian da Euskal Herriko Orkestra Barrokoa
Euskal Herriko eta kanpoko musikariez zein musika barrokoaren interpretazioan formatzen ari diren gazteez osatuta dago taldea. Otsailaren 26an Arriaga antzokian (Bilbo) eta otsailaren 28an Kursaalen (Donostia), "Masquarade" ikuskizuna aurkeztuko dute. Enrike Solinis zuzendari artistikoak gidatuta, entsegu irekia egin dute Galdakaoko Torrezabal kultur etxean.
Gontzal Mendibil: “Ekitea gustatzen zait, eustea baino gehiago”
Zeanuriko musikariak mende erdiko ibilbide musikala ospatuko du asteazkenean, urtarrilak 21, Arriaga Bilboko antzokian. Kantu zerrendan, ez dute huts egingo “Bagare”, “Herria maitatzeko” “Kapitalismoak” eta “Merezi ote”ren mailako kantu historikoek, eta abesti berriagoak ere entzungo dira. Aurrerago jarraipena izango duen formatu honetan (kontzertu gehiago egongo dira), zortzi musikari, bi korista, Beti Jai Alai dantza taldea eta Easo abesbatza izango ditu lagun Mendibilek. Emanaldiaren atarian, entsegu betean harrapatu eta berarekin hitz egin dugu, honetaz eta hartaz.
Soziedad Alkoholika eta The Toy Dolls, Bonus Track Durangoko jaialdian
Landako Guneak jaialdiaren bigarren edizioa hartuko du apirilaren 18an, eta oholtza gainean izango dira Segismundo Toxicómano, Kaos Urbano, Kaotiko, Josetxu Piperrak, Juantxo Skalari, El Último Ke Zierre, Manifa, Alfredo Piedrafita, Dinamita eta Disolventex.