Albiste da
EEE-a Tubos Reunidosen |
Eguraldi ezegonkorra |
Iraungitako txertoak |
IRUÑEA
Gorde
Kendu nire zerrendatik

2022ko martxora atzeratu dute Iruña Rock jaialdia

Urrian ziren egitekoak, baina covid-aren krisiak atzeratu egin du, beste behin, hitzordua. 2020rako eta 2021erako erositako sarrerak 2022ko ediziorako balioko dute eta ez dago inolako izapiderik egin beharrik; eguneko sarrerekin, berriz, bestelakoa gertatzen da.
Publikoa kontzertu bat ikusten.
Publikoa kontzertu bat ikusten. Irudia: Pixabay

Covid-aren krisiak eragindako arazoak medio, Iruña Rock jaialdia ezin izango da urrian ospatu, beraz, antolatzaileek 2022ko martxoaren 18 eta 19ra atzeratzea erabaki dute. Iaz ere jaialdia bertan behera geratu zen koronabirusagatik.

"Zoritxarrez, oraindik osasun egoera ez da ona, eta ez dago Iruña Rocken tamainako jaialdi bat antolatu ahal izateko araudi zehatzik", adierazi dute ohar batean.

Iruñean urtero egiten den musika jaialdi honen antolatzaileek uste dute datorren edizioa arrakastaz egin ahal izango dela, eta gogorarazi dute, nahiz eta garai zailak bizi, bereziki kultura eta zuzeneko musikaren sektorean, Iruña Rock 2022 "ahaztezina" izango dela. Hala, bertan izango diren musikarien kartela ere laster iragarriko dutela aurreratu dute.

2020rako eta 2021erako erositako sarrerak 2022ko ediziorako balioko dute eta ez dago inolako izapiderik egin beharrik; eguneko sarrerekin, berriz, bestelakoa gertatzen da.

Oharrean azaldu dutenez sarrerak/abonuak duela urtebete baino gehiago erosi zirenez, sistemak ez die erosketa egin zen plataformaren bidez itzulketa egiten uzten, eta, beraz, transferentzia bidez itzuliko dela dagokion zenbatekoa (kudeaketa-gastuak kenduta) jakinarazi dute.

Diruaren itzulketa eskatzeko epea irailaren 1ean hasiko da eta 14 egun izango dituzte horretarako.

Zure interesekoa izan daiteke

Zea Mays, estudioan
18:00 - 20:00
ZUZENEAN
Duela  min.

Zea Mays disko berria grabatzen hasi da, Ingalaterran

Errekaldeko taldeak hainbat kantu landu ditu Dave Izumi ekoizlearekin batera, eta grabazioa datozen hilabeteetan osatuko du, hainbat estudiotan, urte amaieran disko berri bat argitaratzeko helburuarekin. Laukoteak Dave Izumi ekoizlearekin (Billy Bragg, Natalie Imbruglia, James Bay...) lan egin du grabazioaren lehen fase honetan. Taldeak aurreratu duenez, lan berriak "etapa berri bat markatuko du taldearen ibilbidean, 30 urteko ibilbidera hurbiltzen ari baita". 

gontzal mendibil
18:00 - 20:00
ZUZENEAN
Duela  min.

Gontzal Mendibil: “Ekitea gustatzen zait, eustea baino gehiago”

Zeanuriko musikariak mende erdiko ibilbide musikala ospatuko du asteazkenean, urtarrilak 21, Arriaga Bilboko antzokian. Kantu zerrendan, ez dute huts egingo “Bagare”, “Herria maitatzeko” “Kapitalismoak” eta “Merezi ote”ren mailako kantu historikoek, eta abesti berriagoak ere entzungo dira. Aurrerago jarraipena izango duen formatu honetan (kontzertu gehiago egongo dira), zortzi musikari, bi korista, Beti Jai Alai dantza taldea eta Easo abesbatza izango ditu lagun Mendibilek.  Emanaldiaren atarian, entsegu betean harrapatu eta berarekin hitz egin dugu, honetaz eta hartaz.

Gehiago ikusi
Publizitatea
X