Fito & Fitipaldis taldeak San Mamesen joko du ekainaren 11n
Fito & Fitpaldis taldeak kontzertua eskainiko du ekainaren 11n San Mames estadioan, Bizkaiko Aldundiak antolatuko duen emanaldi batean, Unai Rementeria lurraldeko ahaldun nagusiak Bilbon iragarri duenez.
Talde gonbidatua Morgan izango da, Ekain Elorza bizkaitar bateria-jotzailearen talde madrildarra, eta sarrerak azaroaren 12an jarriko dituzte salgai, Cultura Rock enpresak emandako informazioaren arabera. Oraindik ez dute zehaztu sarreren salneurria zenbatekoa izango den, baina 30 eta 45 euro artekoa izango dela aurreratu dute.
45.000 lagunentzako aforoa eskainiko duen kontzertua aurkezteko ekitaldian, Fito "hunkituta" agertu da San Mamesen jotzearren, eta inoiz burutik pasatu ez zitzaion zerbait gauzatuko duela azaldu du: "Bira honetan BECen bi kontzertu ematea zen asmoa, baina, Aldundiari esker, San Mamesen egin ahalko dugu".
"Maila tekniko zein artistikoan egin dezakegun kontzerturik onena egingo dugu", erantsi du Fitok, emanaldian oraindik itxi ez dituzten beste artista batzuen kolaborazioak egongo direla esan baino lehen.
Unai Rementeria Bizkaiko ahaldun nagusiak azaldu du "formatu handiko kontzertu honetarako" Fito aukeratu dutela "belaunaldiak, kulturak eta pentsamolde ezberdinak" batzen dituelako. "Fito denok mugitzen dakien crack bat da", goraipatu du.
Rementeriaren hitzetan, musika da gizarteak pandemia pasatu eta gero "poza, ilusioa eta emozioa" berreskuratzeko behar duen "antidotoa".
Bai Rementeriak bai Fitok Aiora Renteria Zea Mayseko kantaria izan dute gogoan ekitaldia abiatu aurretik, minbiziaren ondorioz denbora batez agertokiak utziko dituela iragarri baitu.
Zure interesekoa izan daiteke
132 kantari amateurrek osaturiko abesbatza, Euskadiko Orkestrarekin entseatzen
Abestu Euskadiko Orkestrarekin proiektuaren bigarren edizioa bide erdira iritsi da, eta dagoeneko egin dute herritarren abesbatza prestatzeko hamar entseguetako seigarrena. Bi hilabetez, asteazkenero, 600 hautagairen artetik zozketa bidez aukeratutako 132 abeslari ez-profesional ari dira lanean, Euskadiko Orkestrarekin batera oholtzara igotzeko.
Bilbao Blues Festival jaialdiak Travellin’ Brothers sarituko du bosgarren edizioan
Jaialdiak doako hamar kontzertu eskainiko ditu uztailaren 24 eta 26an, Areatza inguruan. Leioaztar taldeak jaialdiaren ohorezko txapela jasoko du.
Señeak egonaldiak musika gerturatuko die gazteei
Señeak Bizkaia Rock Kanpusak "lehen mailako euskal artistekin" ikasteko aukera eskaintzen die 14 eta 17 urte bitarteko gazteei.
Kneecap taldea Bilbora itzuliko da, ekainean
Bilbao BBK Live jaialdiaren iazko edizioan jo eta gero, Belfasteko hirukoteak “Fenian” disko berria aurkeztuko du oraingoan, Santana 27 aretoan, ekainaren 8an.
Pepo Márquez: “Jada ez dago kontsumo kultural kaltegaberik”
“Antineutral” saiakeran, musikari eta musika industriako profesionalak musika lurralde neutrala izan ote daitekeen galdetzen dio bere buruari (spoilerra, ez), eta inbertsio funtsek, joko eremu horretan sartuta, hankaz gora jarri duten industriaren zentzu kulturalean sakontzen du.
Izaro abenduan itzuliko da, disko berriarekin
Mallabiar kantariak “Arkitektura” disko berria kaleratuko duela iragarri du. 2027ko urtarrilean aurkeztuko du lan hori zuzenean, Irunen.
Arriagak ireki eta Fallak itxiko du Musika-Música jaialdia
Bilboko jaialdiaren 25. edizioa Arriagan hasi, eta Euskalduna jauregian egingo da martxoaren 6, 7 eta 8an.
Baga Bigak 20 urte bete ditu, euskal musikagintzaren ikur bilakatuta
Euskal taldeak eta artistak kudeatzeaz arduratzen dira Baga Bigan, eta horien estrategia lantzen dute: kontzertuak, grabazioak... Urteurrena ospatzeko, Baga Bigak kontzertu berezia antolatu du gaur, larunbata, Euskaldunan, beraiekin aritu diren talde eta artista askorekin elkarlanean.
“Rosas” La Oreja de Van Goghen kantuak mila milioi entzunaldiko marka gainditu du Spotifyn
Donostiako taldearen kantua “Let It Be”, “Imagine”, “Knockin’ On Heavens Door” edo “Like a Prayer” baino gehiago entzun da plataforma horretan.
Judith Jaureguik Victoria Eugeniara eraman du "Homeland"
Donostiar piano-jotzaileak bere hiriko antzokian ("oso leku berezia niretzat") aurkeztu du bart disko berria, Griegen pianorako kontzertua eta Manuel de Fallaren "Noches en los Jardines de España" biltzen dituen lana. Errezitaldian, Chopin, Grieg, De Falla, Komitas Vardapet, Villa-Lobos eta Ginasteraren piezak errepasatu zituen Jaureguik. Datorren hilean, Bilbon (martxoak 7 eta 8), Errenterian (martxoak 26) eta Donibane Lohizunen (martxoak 28) joko du.