Iruñeko kontzertu aretoek kalera aterako dute musika

Musika Aretoak Kalean programak bederatzi kontzertu antolatu ditu hiriko hainbat plazatan abuztuaren 3tik irailaren 28ra arteko tarterako. Lehen kontzertua Micky & The Buzzek emango du San Bartolome gotorlekuan.

La Topadora taldea, irailaren 14an Salestarren patioan. Argazkia: Guille Urkijo eta Olatz Aldasoro

N. V. | EITB Media

2022/08/03 - 15:17

Azken eguneratzea

2022/08/03 - 15:17

Iruñeko Udalak kaleko bederatzi kontzertu antolatu ditu hiriko zenbait plazatan, "SMC 2022: Musika Aretoak Kalean" izenpean, "hiriko musika aretoen zirkuituari balioa eman eta hura laguntzeko".

Emanaldiak asteazkenetan egingo dituzte, 20:00etan hasita, abuztuaren 3tik irailaren 28ra bitarte, San Bartolome gotorlekuan, Burgoen plazan, Konpainia plazan, Kale Nagusian, O-ko Andre Mariaren plazan eta Salestarren patioan, eta sarrera debalde izango da.

Rockcollection, Zentral, Toki Leza, Katakrak, Terminal, Txintxarri, Akelarre, Garazi, Krawill eta Infernu aretoek hartuko dute parte programan, eta honako hau izango da egitaraua:

Abuztuaren 3a

Micky & the Buzz

San Bartolome gotorlekua

Abuztuaren 10a

Mirua

Burgoen plaza

Abuztuaren 17a

Russafians

Konpainia plaza

Abuztuaren 24a

Broken Brothers Brass Band

Kale Nagusia

Abuztuaren 31a

Thursday´s Pussy Dogs

Konpainia plaza

Irailaren 7a

Miqui Puig Canta (Sound System)

O-ko Andre Maria plaza

Irailaren 14a

La Topadora

Salestarren patioa

Irailaren 21a

Mouth

Konpainia plaza

Irailaren 28a

Electrikeel eta Wojtyla

San Bartolome gotorlekua

Gainera, ostiralean, abuztuak 5, Zentraleko terrazako (Burgoen plaza) doako kontzertuen zikloa hasiko da. Abuztuko ostiraletan, joko dute Atxajaunakek, Maspakek, DJ Piekek eta No More Bluesek.