Albiste dira

Stingek kontzertua eskainiko du abenduaren 16an Nafarroa Arenan

Sarrerak ostegunetik aurrera egongo dira eskuragarri. "My Songs" bira ekainaren 1ean abiatuko da Europan, Bilboko hitzorduarekin, eta The Policeren eta Stingen bakarkako ibilbidearen abesti mitikoak joko dituzte.

Sting, bere kontzertuetako batean. Artxiboko irudia: EFE

EITB MEDIA

2023/05/09 - 13:18

Azken eguneratzea

2023/05/09 - 13:18

Sting artista britainiarrak Iruñea gehituko du "My Songs" nazioarteko birara, eta Nafarroa Arena pabiloian joko du abenduaren 16an, 22:00etan. Sarrerak ostegun honetan, maiatzaren 11n, jarriko dira salgai, 10:00etan, lasttour.org eta seetickets.com webguneen bidez.

Europako bira ekainaren 1ean hasiko du, Bilbon, eta dagoeneko ia sarrera guztiak agortuta daude. Kontzertuan, The Police taldearen eta Stingen bakarkako ibilbidearen abesti mitikoak entzun ahal izango dira, besteak beste, "Fields of God", "Shape of my Heart", "Roxanne", "Demolition Man" eta "Englishman In New York" abesti arrakastatsuak.

Bira honetan, rock elektrikoko banda bat eta Joe Summer artista, abeslariaren semea, izango ditu lagun Stingek.