Euskadiko Orkestrak Antonio Lauzirikaren "Chillida-Elogios" obra estreinatuko du
Euskadiko Orkestrak kontzertu denboraldiko bosgarren programa hasiko du Donostian ostegun honetan, otsailaren 15ean, 'Lauzurika / Rakhmaninov' izenburupean. Kontzertu sorta horretan, Chillida-Elogios Eduardo Chillidaren jaiotzaren mendeurrena dela-eta Antonio Lauzurikari (Gasteiz, 1964) enkargatutako lana estreinatuko du.
Robert Treviño zuzendari titularrak gidatuko ditu kontzertuak, Hego Euskal Herriko lau hiriburuetan: ostegun-ostiraletan, otsailak 15 eta 16, Donostiako Kursaal auditoriumean; otsailaren 19an, Gasteizko Principal antzokian; otsailaren 20an, Iruñeko Baluarte auditoriumean; eta otsailaren 21ean, Euskaldunan. Saio guztiak 19:30ean hasiko dira.
Chillidaren lanak iradokitzen diona pentagrametara pasatzean, Antonio Lauzurikaren helburua izan da lau mugimenduko obran "oso desberdinak diruditen baina horren desberdinak ez diren bi munduren arteko elkarrizketa bat sortzea". "Espazioa, muga, masa, eskala, grabitatea, gainazala, dentsitatea, ehundura. Ideia horiek partitura honetan presente daude", esan du egileak.
Chillidarako gerturatzean gehiago sakontzeko, perkusionistek joko dituzten tresnetako batzuk burdinazko piezak izango dira, Legazpiko Chillida Lantokitik ekarritakoak. Bere garaian pieza horiekin berekin lan egin zuen eskultoreak.
Lauzurikaren obraren estreinaldiarekin batera, Robert Treviñok "zeharo desberdinak" diren bi obra zuzenduko ditu: Joseph Haydnen Zortzigarren Sinfonia da, egileak berak 'Gaua' ezizena jarri ziona, eta Sergei Rakhmaninoven Hirugarren Sinfonia, bere lanik klasiko eta baikorrenetakotzat jotzen dena.
'Lauzurika / Rakhmaninov' programako kontzertuetarako sarrerak salgai daude orkestraren webgunean eta auditorium eta aretoen webgune eta leihatiletan, 10 eta 38 euro bitartean.
Albiste gehiago musika
Akelarre musika taldea, pantailara
Bideografik durangar ekoiztetxea plaza taldearen 33 urteko historia biltzen duen dokumental bat grabatzen ari da. 2025eko udazkenean estreinatu nahi dute,
Dee Dee Bridgewater, Marc Ribot eta Bill Bruford sarituko dituzte Donostiako 60. Jazzaldian
Musika jaialdiak 88 kontzertu eskainiko ditu bederatzi egunean, horietatik 51 doakoak.
?fmt=png-alpha&qlt=80)
Udan barrena, rock-and-rollaren doinupean
Azkena Rock Festivalen 23. edizioa ekainaren 19, 20 eta 21ean egingo dute Gasteizen, Mendizabalako eremuan. Ez dirudi ideia txarra udarako sarrera (larunbat goizaldean sartuko gara udan) John Fogertyren, Lucinda Williamsen edo Manic Street Preachersen eskutik egiteak.
Bilborekin zuen zorra ordaindu du Alan Parsons mito handiak
Musikari eta ekoizle britainiarrak kontzertua eman du larunbat honetan BBK Bilbao Music Legends Fest jaialdian, 2022ko edizioan parte hartzeari uko egin behar izan ostean.
Euriak ez du itzali Anoetako "akelarre antifaxista"
Fermin Muguruzak 30.000 lagun bildu ditu Donostian, 40 urteko ibilibide musikala ospatzeko, Palestinaren aldeko aldarri solidarioen artean. Gainera, abeslariak beste kontzertu bat iragarri du abuztuaren 14an, Irunen.
Anoeta Palestinaren aldeko aldarri bihurtu dute Fermin Muguruzaren zaleek
Euriak ez ditu Anoetan bildutako milaka zaleak kikildu, eta Palestinari elkartasuna erakutsi diote, Irungo musikariaren kontzertuaren atarian.
Fermin Muguruza: "Emango ditudan azken kontzertuak bezala bizitzen ari naiz"
30.000 lagun espero dira larunbat gau honetan Anoetan, Fermin Muguruzaren kontzerturako. Talde desberdinek parte hartuko dute 7 orduko ikuskizunean eta 21:00etan irtengo da oholtzara Fermin Muguruza. Kontzertuaren atarian berarekin egoteko aukera izan dugu.
Bilbok ongietorria egin dio Alan Parsonsi
Britainiar artista BBK Bilbao Music Legends jaialdiko larunbateko egitarauaren buru izango da. Ostiralean, Blue Oyster Cultek joko du, esaterako.
Ezpalak taldeak Resurrection Fest jaialdian jotzeari uko egin dio
Taldeak azaldu duenez, zaila egiten zaie "ideiekin koherenteak eta konsekuenteak izatea eta jaialdi honetan edo inplikatutako beste batzuetan parte hartzea", Galiziako jaialdiaren atzean dagoen inbertsio funtsak Palestinan dituen interesak direla eta.
Euskadiko Orkestrak sustraietara joko du 2025/2026 denboraldian
Maurice Ravel, Juan Cristostomo de Arriaga, Pablo Sorozabal, Carmelo Bernaola eta Felix Ibarrondo euskal konpositoreen lanak joko ditu Euskadiko Orkestrak, besteak beste, 2025/2026 denboraldian, eta "Akelarre" Pascual Aldaveren lana grabatuko du.