Schubert, Mahler, Scriabin, Pascual Aldave eta Beatriz Arzamendi, Euskadiko Orkestraren hurrengo denboraldian
2023/2024 denboraldia bukatzeko abonuko kontzertu bat gelditzen bada ere ("Dutilleux / Strauss", ekainaren 3tik 7ra), Euskadiko Orkestrak 2024/2025 denboraldia aurkeztu du gaur, Miramongo egoitzan.
Irailaren 27an hasi eta ekainaren 5era arte, hamarna kontzertu egingo ditu Orkestrak Bilbon, Donostian (bina saioa, programa bakoitzeko), Gasteizen eta Iruñean.
Gasteizko kontzertuak Jesus Guridi musika kontserbatorioan izango dira denboraldi honetatik aurrera, Principal antzokia itxita egongo baita, zaharberritze lanak tarteko. Lekualdaketaren inguruko guztiak zehazteko lanetan ari da Orkestra egun.
Emanaldiotan, "Kontrastea eta araoa" lelopean, denetariko konpositoreen lanak izango dira entzungai: Schubert, Mahler eta Brahms klasikoak; Scriabin, Szymanowski eta Schoenbert orain arte Euskadiko Orkestrak landu gabekoak; eta Pascual Aldave lesakarra eta Beatriz Arzamendi arrasatearra.
Hain zuzen ere, Aldaveren Akelarren"obra erraldoia" joko du orkestrak lehen abonu programan, nafar konpositorearen jaiotzaren urteurrenean, Mahlerren 9. Sinfoniarekin batera. Irailaren 27an (Bilbo), 30ean (Gasteiz) eta urriaren 1ean (Donostia), 2an (Donostia) eta 4an (Iruñea) izango da.
Orkestrako musikariek zazpi zuzendari, zortzi solista eta bi abesbatza izango dituzte lagun, besteak beste Robert Treviño lau programatan, Juanjo Mena eta Kirstiina Poska zuzendariak; Kari Kriiku klarinetean, Cristoph Sietzen perkusioan eta Pinchas Zukerman biolinean; eta Iruñeko Orfeoia eta Suhar Korua.
Ekainaren 7an, Euskadiko Orkestrak Gabriel Erkoreka konpositore bilbotarrari eskainitako grabazio bat kaleratuko du, eta irailean Richard Straussen Macbeth, poema sinfonikoa eta Sinfonia domestikoa grabatuko ditu, Ondine etxearekin kaleratzeko.
10 kontzerturako abonuen prezioa 80 eta 235 euro artekoa izango da, eta uztailaren 1etik aurrera egin ahalko dira erreserbak.
Sarrera guztiak salgai egongo dira irailaren 1etik aurrera Orkestraren webgunean eta auditorio eta leihatilen webguneetan, 10 eta 40 euro arteko prezioan. Gasteizko sarreren ingurukoak aurrerago zehaztuko dira, aipatutako lekualdatzea dela eta.
Zure interesekoa izan daiteke
Natxo de Felipe berriro oholtzara igo da da Oskorrirekin argitaratu gabe geratu ziren abestiak berreskuratzeko
Natxo de Felipe musikari beteranoak abesti horiei hautsa kendu eta bizitza berri bat eman die "Abandonatuak" ikuskizunean, Arantzazuko Santutegian. Hitzordua Donostiako Musika Hamabostaldiaren programazioaren barruan txertatu da, eta EITBren parte-hartze eta babesarekin eraman da aurrera. Emanaldian, taldearen diskoetan sekula lekurik aurkitu ez zuten kantu horiek entzun ahal izan dira berriro, formatu berritu eta elektriko batean.
Zea Mays, Leire Martinez, Bebe, M-Clan... Aste Nagusiko kontzertu guztiak
Aste Nagusiak musikaz beteko du Bilbo aste osoan zehar, hiriko hainbat agertokitan banatutako kontzertu-programazio zabalarekin. Hauek dira jaietako musika-eskaintzaz gozatzeko emanaldi eta ordutegi nagusiak.
Juan Diego Florez tenor perutarraren emanaldia eta 9 ikuskizun Donostiako Musika Hamabostaldia abiatzeko
Gaur hasi eta abuztuaren 30era arte, 60 kontzertu baino gehiago izango dira Kursaalen, Victoria Eugenian eta Tabakaleran. Ikuskizun aipagarrien artean, "Arriaga harrigarria", Arriagaren heriotzaren bigarren mendeurrena gogoratuko duen kontzertua, eta Natxo de Felipek agertokietara egingo duen itzulera, Arantzazun izango den emanaldiarekin.
Zita bikoitza etxean
“Tantas cosas que contar” Amaia Montero abeslaria La Oreja de Van Gogh taldera itzuli izana ospatzen duen bira Donostiara iritsiko da asteburuan. Iluben, Donostia Arenan, dago jarrita hitzordua, ostiral-larunbatetarako.
Natxo de Felipe agertokietara itzuliko da "Abandonatuak" proiektu berriarekin
Oskorrik agur esan eta 11 urtera, Natxo de Felipe berriro igoko da agertokietara disko berri batekin: Abandonatuak. Argitaratu gabe geratu ziren talde mitikoaren kantuak berreskuratu ditu proiektu honetan, eta abuztuaren 20an zuzenean aurkeztuko du Arantzazuko Santutegian, Donostiako Musika Hamabostaldiaren programazioaren barruan. Philiperena taldearekin batera aritu da disko honetan, Xabier de Felipe, Przemysaw Pujanek, Esther Alba eta Karmele Castillorekin batera.
Ia 50 urtez Jazzaldiko buru izan den Miguel Martin omendu dute Donostian
Donostiako Jazzaldia saria eman zioten bart Miguel Martini, ia 50 urtez Jazzaldiko buru izan denari. Orain arte berak ematen zien Trinitate Plazan sari hori musikariei, eta aurten berak jaso du errekonozimendu gorena. Jon Insausti Donostiako alkateak eman zion saria.
ETSk hasiera bikaina eman dio Donostiako Jazzaldiari
En Tol Sarmiento talde arabarrak Donostiako Jazzaldiaren 61. edizioa inauguratu du bart. Kontzertuaren irudiak zuzenean proiektatu zituzten Kursaaleko fatxadan.
Adele, Raye, Sienna Spiro…: 15 urte Amy Winehouseren oinordekoaren zain
Duela 15 urte Camden Towneko bere etxean hilda aurkitu zuten Amy Winehouse; ordutik, Erresuma Batuko musikagintzak ez du haren parekorik aurkitu.
Jazzaldia abiatzeko ETSk gaur hondartzan emango duen kontzertu jendetsua Kursaaleko fatxadan ikusi ahal izango da
Asteazken honetan ekingo diote doako kontzertu jendetsuei, Keler Gunean. Arabako talde ezagunak joko du 23:30ean, eta, aurretik, LP artista estatubatuarraren musika izango da protagonista. Datorren egunetan Danielle Nicole, Kokoshca, Emma-Jean Thackray, Nøgen eta HOFE igoko dira Zurriolako oholtzara, besteak beste.
Bilbao Blues jaialdiak doako kontzertuekin beteko du Areatza
Uztailaren 24tik 26ra egingo den jaialdiaren bosgarren edizioak Travellin' Brothers Bizkaiko taldeari emango dio urteko saria.