Fermin Muguruzak nazioarteko bira egingo du 2025ean
Musikagintzan 40 urte bete dituela eta, Fermin Muguruzak nazioarteko bira egingo du 2025ean, aurtengo abenduaren 20 eta 21ean Bilbon emango dituen kontzertuetarako 16.000 sarrerak minutu gutxitan saldu eta gero. Hala iragarri du gaur, ekainak 20, Kortatuk bere lehen maketa kaleratu zuen egunetik 40 urte bete direnean.
Bira Tenerifen hasiko da, urtarrilaren 18an; urtarrilaren 24an Bartzelonako Palau Sant Jordin joko du Muguruzak, bederatzi musikariko taldeak lagunduta; eta otsailaren 15erako Madrilen jarri du hitzordua, Wizink Center pabiloian, 2003an Manu Chaorekin bertan jo zuenetik hiri horretan lehenengoz, agintariek bertan jotzeko jarri izan dizkioten traben gainetik.
Hurrengo kontzertuak Galiziako Santiagon (martxoak 15), Parisen (martxoak 21), Bordelen (martxoak 22), Frantziako Tolosan (martxoak 28), Marseillan (martxoak 29), Zurichen (apirilak 12) eta Londresen (apirilak 24) izango dira.
Maiatzean, lehenik eta behin Berlinera (maiatzak 16) eta Ameriketara iritsiko da kontzertu errenkada: Txileko Santiago (maiatzak 20), Montevideo (maiatzak 22), Buenos Aires (maiatzak 24), Bogota (maiatzak 28) eta Mexiko (maiatzak 31).
Erromako kontzertua etorriko da gero, ekainaren 7an, eta ekainaren 14an Fermin Muguruzak kontzertu erraldoia eskainiko du Reale Arena estadioan, Donostian.
Sarrerak
Anoetako kontzerturako sarrerak igandean, ekainak 23, jarriko dituzte salgai, 09:00etan, www.muguruzafm.eus webgunearen bidez. Gainerako hirietarako sarrerak, berriz, ekainaren 25ean jarriko dituzte salgai, asteartearekin.
Anoetako hitzordu handiaren ondoren, Tokion joko du Muguruzak, eta urriaren 4an bira honetako azken kontzertua iritsiko da; aurrerago jakingo ditugu azken zita horren inguruko zehaztasunak.
"Ospakizuna"
Muguruzak kontzertu hauek zentsuraren eta eskuin muturraren erasoen aurkako ospakizun bihurtzea nahi duela adierazi du: "Kontzertu hauek guztiontzat bereziak izatea espero dut, musika, dantza eta errebindikazioaren bidez, oroimen kolektiboko ariketa bat, bizitzaren ospakizun bat eta faxismoaren arbuioa, besarkaden zeremonia bat".
Kortatun, Negu Gorriaken eta bakarka egindako lanen kantuak entzungo dira gaualdiotan, "kaleratu dudan disko bakoitzeko bat gutxienez". Erronka horretarako, alboan izango ditu Lide Hernando (gitarra eta ahotsak), Miryam "Matah" (ahotsak), Victor Navarreta (baxua), Gerard "Chalart 58" (perkusioa eta dub), Xabi Solano (trikitia), Jon Elizalde (tronboia), Aritz Lonbide (tronpeta), Igor Ruiz "Fino" (saxoa) eta Gloria Maurel (bateria) musikariak eta Angel Katarain eta Ania Rodriguez teknikariak.
Zure interesekoa izan daiteke
Bruce Springsteenek ICE Minneapolisen zabaltzen ari den indarkeriaren kontrako abestia argitaratu du
Streets of Minneapolis bi egunean idatzi eta grabatu du New Jerseyko musikariak, “hiria suntsitzen ari den Estatu-izuaren” aurrean, eta “bizilagun migratzaile errugabeei eta Alex Pretti eta Renee Goodi”, AEBko Immigrazio Kontrolerako eta Aduanetarako Zerbitzuaren esku hildako herritarrei, eskaini die.
Neil Youngek bere musika doan jarri du groenlandiarren eskura
Kanadar musikariak bere katalogoa Amazon Music plataformatik aterako duela ere iragarri du, eta kantu horiek eta hainbat film Groenlandiako herritarrei urririk lagatzea erabaki du, AEBren anexio mehatxuaren aurrean.
Elkar argitaletxea zigortu dute, Hertzainak taldearen kantuak baimenik gabe ustiatzeagatik
Donostiako merkataritza epaitegi batek 21.473,05 euroko kalte-ordaina aitortu die taldeko hiru kideri, “kalte ekonomiko eta moralagatik”. Epaia ez da irmoa, eta helegitea aurkez daiteke Gipuzkoako Auzitegian.
Zea Mays disko berria grabatzen hasi da, Ingalaterran
Errekaldeko taldeak hainbat kantu landu ditu Dave Izumi ekoizlearekin batera, eta grabazioa datozen hilabeteetan osatuko du, hainbat estudiotan, urte amaieran disko berri bat argitaratzeko helburuarekin. Laukoteak Dave Izumi ekoizlearekin (Billy Bragg, Natalie Imbruglia, James Bay...) lan egin du grabazioaren lehen fase honetan. Taldeak aurreratu duenez, lan berriak "etapa berri bat markatuko du taldearen ibilbidean, 30 urteko ibilbidera hurbiltzen ari baita".
Abian da Euskal Herriko Orkestra Barrokoa
Euskal Herriko eta kanpoko musikariez zein musika barrokoaren interpretazioan formatzen ari diren gazteez osatuta dago taldea. Otsailaren 26an Arriaga antzokian (Bilbo) eta otsailaren 28an Kursaalen (Donostia), "Masquarade" ikuskizuna aurkeztuko dute. Enrike Solinis zuzendari artistikoak gidatuta, entsegu irekia egin dute Galdakaoko Torrezabal kultur etxean.
Gontzal Mendibil: “Ekitea gustatzen zait, eustea baino gehiago”
Zeanuriko musikariak mende erdiko ibilbide musikala ospatuko du asteazkenean, urtarrilak 21, Arriaga Bilboko antzokian. Kantu zerrendan, ez dute huts egingo “Bagare”, “Herria maitatzeko” “Kapitalismoak” eta “Merezi ote”ren mailako kantu historikoek, eta abesti berriagoak ere entzungo dira. Aurrerago jarraipena izango duen formatu honetan (kontzertu gehiago egongo dira), zortzi musikari, bi korista, Beti Jai Alai dantza taldea eta Easo abesbatza izango ditu lagun Mendibilek. Emanaldiaren atarian, entsegu betean harrapatu eta berarekin hitz egin dugu, honetaz eta hartaz.
Soziedad Alkoholika eta The Toy Dolls, Bonus Track Durangoko jaialdian
Landako Guneak jaialdiaren bigarren edizioa hartuko du apirilaren 18an, eta oholtza gainean izango dira Segismundo Toxicómano, Kaos Urbano, Kaotiko, Josetxu Piperrak, Juantxo Skalari, El Último Ke Zierre, Manifa, Alfredo Piedrafita, Dinamita eta Disolventex.
ABAOk “Werther” Jules Masseneten opera taularatuko du urtea hasteko
Celso Albelo, Annalisa Stroppa, Lucía Iglesias eta Angel Odena izango dira frantziar erromantizismoaren lan gailenaren lau emanaldiotako (urtarrilak 17, 20, 23 eta 26, Euskaldunan) protagonistak.
Euskadiko Orkestrak Strauss, Brahms eta Arriaga interpretatuko ditu denboraldiko bosgarren programan
Rachel Willis-Sorensen sopranoa eta Jaime Martin flauta-jotzaile eta zuzendaria izango ditu lagun euskal orkestrak urtarrilaren 12tik 16ra Donostian, Gasteizen, Iruñean eta Bilbon egingo dituen emanaldietan.
Hamar urte David Bowie gabe
“Kameleoia” duela hamar urte zendu zen, ondare gaitz eta pizgarria utzita.