Donostiako Ilunben amaituko du Zetakek 'Mitoaroa' ikuskizuna irailaren 6an
Ikuskizun eszeniko izugarria eman du Pello Reparazek azken bi egunetan Iruñean. "Mitoaroa" ez zela kontzertu soila izango iragarri zuen, eta hala izan da. 30.000 lagunek gozatu dute urtarrilaren 3an eta 4an Iruñeko Nafarroa Arenan tradizioa eta modernitatea uztartu dituen musika eskaintza berritzaileaz, 15.000 lehen hitzorduan eta beste 15.000 bigarrenean. Amaieran, ezustekoa eman eta azken kontzertu bat iragarri zuen, irailaren 6rako, Donostian.
ETB2n (Reparazek berak hala eskatuta) eta EITB Nahieran atarian ere gozatu ahal izan zen bigarren kontzertua, zuzenean, eta oso emaitza onak lortu zituen ikuskizunak: izan ere, emanaldiak 275.000 ikusle izan zituen. Euskaldunen artean % 56koa izan zen jarraipena, eta bereziki arrakastatsua izan zen Nafarroan.
Zetaken AAZTIYEN diskoa aurkezteaz gain, azken bost urteotako abestirik ezagunenak errepasatu zituen Arbizuko artistak, baita aurretik Vendetta taldearekin ezagun egin zituen pare bat ere.
Klara Mendizabal sopranoa eszenatokian zela hasi zen ikuskizuna. Reparaz harengana hurbildu eta gortina atzera igaro ondoren, ikusleak zur eta lur utzi zituen urez betetako kristalezko ontzi baten barrutik kantatzen agertu zenean. Handik atera eta ia airean, bigarren maila batean zegoen beste agertoki batera igo zen, "Mitoaroa" abiatzeko. Euskal mitologia zein Nafarroako inauterietako pertsonaien presentzia eta erakustaldia musikarekin uztartuz, energia berezia sortu zen Nafarroa Arenan, eta energia hori areagotzen joan zen, gainera, kontzertuak aurrera egin ahala.
Reparazek, Leire Colmok, Iban Larreburuk eta Gorka Pastorrek osatutako taldeak ikus-entzunezko ikuskizun borobila ondu zuen oholtza gainean: ezusteko desagertze eta agertzeak, elementu eszeniko deigarriak, mitoen bueltako kontakizuna, artista gonbidatuak... eta une gogoangarri bezain hunkigarria: 'Itzulera', 2022ko Herri Urratserako Erramun Martikorenarekin elkarlanean sortutako abestia, biek elkarrekin abestu zutenekoa eta, ondoren, Martikorenak Xalbadorren Heriotza abestean Nafarroa Arena zutik jarri zuenekoa.
Euskararen aldeko aldarria ozen entzun zen Iruñeko pabiloian. Reparazen hitzartzeetan zein ezustean, aurpegia estalita oholtzara igo eta maskara kendu ostean, Jagoba Arrasate Osasunako entrenatzaile ohiak, txalo zaparrada artean, bertsoa abestu zuenean, "Nafarroak euskara eta euskarak Nafarroa" behar duela aldarrikatu zuenean.
CONTENIDO NO ENCONTRADO
Musika elektronikoa eta dantzagarria joaldunen zintzarriekin magikoki uztartu zituen Reparazek, eta azken iragarpen bat ere egin zuen: Nafarroakoak soilik ez, Euskal Herri osoko inauterietako pertsonaiak dantzan jarriko dituztela azken ikuskizun batean, 2025eko irailaren 6an, Donostiako Ilunben.
"Mitoaroa" birako azken kontzerturako sarrerak urtarrilaren 7an, asteartean, jarriko dira salgai, 10:00etan, mitosarrerak.eus webgunean. Kontzertuan izan zirenek QR kode bat jaso zuten eta 08:00etatik izango dute aukera.
Hemen ikusgai, osorik, "Mitoaroa":
Zure interesekoa izan daiteke
Olaia Inziartek "Zerrautsa" diskoa aurkeztu du Bilbao Basque Festen
Olaia Inziarte abeslariak Zerrautsa izeneko bere bigarren diskoa aurkeztu du Bilbao Basque Fest jaialdian. “Zerrautsa” bere barrura egindako bidaia bat da, ahultasunari eta emozioei tartea eginez.
Lan Eskaintza Publikoa egingo da, Donostiako Jazzaldiaren zuzendari berria hautatzeko
Lanpostua aldi baterako betetzeko hautaketa prozesuak ez du emaitzarik eman, bi hautagaik uko egin baitiote lanpostua aldi baterako betetzeari. LEP bidez, behin betiko beteko da postua orain.
Ura Bere Bidean jaialdiak hirugarren emanaldi bat izango du urriaren 22an
Aurresalmentan urriaren 23ko eta 24ko emanaldietarako sarrerak agortu ondoren, antolatzaileek hirugarren bat gehitzea erabaki dute, urriaren 22an, osteguna. Besteak beste, Olaia Inziartek, Eñaut Elorrietak, Zea Maysek edota Pantxoa eta Peiok hartuko dute parte aurtengo edizioan.
Korrontzik BECen amaituko du nazioartean egingo duen 50 kontzertuko birari
BECeko kontzertua "Mundua Dantzan" biraren amaiera izango da. Hain zuzen ere, 50 kontzertuko bira izango da, eta, besteak beste, Malaysia, Kanada eta Txekia Errepublikara iritsiko da.
"Agur esan barik" dokumentala aurrestreinatuko du Gatibuk
Gatiburen ibilbideko azken urtean filmatutako lanak taldearen bideari begiratzen dio, Jabi Elortegi zuzendariaren ikuspegitik. Gaur aurrestreina egingo dute Bilbon, eta irailetik aurrera egongo da ikusgai, zinema jaialdietan eta Primeran plataforman.
Juan Diego Flórez, Sokolov eta Juanjo Mena, Donostiako Musika Hamabostaldian
Perutar tenorrak irekiko du jaialdia, abuztuaren 2an, Italiako eta Frantziako opera, zarzuela eta musika hegoamerikarreko piezekin eraikitako programa batean, pianistak Beethoven eta Schuberten obrak interpretatuko ditu eta gasteiztar maisuak "Arriaga harrigarria" kontzertua zuzenduko du.
Sun Ra Arkestra eta Snarky Puppy, Gasteizko jazz jaialdiko kontzertu nagusiak ixteko
Ruben Blades, Gretchen Parlato, Take 6, The Bad Plus, Irene Reigen laukotea eta Magali Sare eta Manel Fortiá bikotea arituko dira Mendizorrotzan. Sarrerak bihar, hilak 27, jarriko dituzte salgai.
Pablo Martín Caminero, Merina Gris eta “Xorieri” Izaroren kantua saritu dituzte MIN sarietan
Carlos Aresek eta Valeria Castrok hiruna sari eraman dituzte musika independentearen Espainiako sarietan; Al cantek jazz álbum onenaren saria eraman du, Zuloak euskarazko disko onenarena eta Izaroren eta Baiucaren arteko lankidetzaren emaitzak ekoizpen onenaren saria, Alejandro Guillanen lanari esker.
Gernikako “lekuek”, musikaz gainezka martxoaren 25etik 29ra
Lekuek festibalak hamaika kontzertu, aurkezpenak, dokumentalak, ikastaroak, DJ saioak eta kale ekimena proposatuko ditu bost egunez: Mourn, Olaia Inziarte, Xiberoots, Guadalupe Plata, Janus Lester…
Sigur Rós talde islandiarrak Bilbon joko du irailaren 15ean
Emanaldia Euskalduna Jauregian izango da, Bilbao Orkestra Sinfonikoarekin batera. Kontzertua Robert Ames zuzendariarekin eta tokian tokiko orkestrekin egiten ari diren biraren parte da.