Ezpalak taldeak Resurrection Fest jaialdian jotzeari uko egin dio
Ezpalak taldeak ez du Resurrection Fest Galiziako jaialdian joko, hasieran bertako kartelean ageri baziren ere. Gipuzkoar taldeak aukerari uko egitea erabaki du El Salto hedabideak KKR jaialdi horren atzean dagoen inbertsio funtsak Israelek Palestinan okupatutako lurraldeetan dituen interesen berri eman ondoren.
Taldeak sare sozialetan azaldu duenez, oso zaila egiten zaie euren "ideiekin koherenteak eta konsekuenteak izatea eta jaialdi honetan edo inplikatutako beste batzuetan parte hartzea".
Bestalde, Resurrection Festeko langileei eskerrak eman dizkiete, "gure moduko talde bat kontuan hartu izanagatik eta gurekin izan duten tratu bikainagatik". "Palestina askatu" loeloarekin itxi dute oharra.
Bestalde, Pi L.T.k ere ez du joko Resurrection Festen, mungiarrak ere iragarrita bazeuden arren. Jaialdiaren webguneak eman du horren berri, taldeak ez baitu adierazpen publikorik egin.
Kohlberg Kravis Roberts (KKR) inbertsio enpresak espainiar Estatuan erosi dituen jaialdien artean dago Resurrection Fest, baita Sónar, Viña Rock, Resurrection Fest, O Son do Camiño, Arenal Sound, FIB eta Monegros Desert Festival ere.
Horiez gain, enpresaren datu publikoen arabera, Europa, AEB eta Israelgo software, zibersegurtasun eta datu enpresetan inbertsioak egin ditu KKRk azkenaldian.
Gizarte eragileek antolatutako protesten ondorio gisa, hainbat musikarik jaialdi horietan jotzeari uko egin diote. Euskal Herrian, Fermin Muguruza eta Kaotikok dagoeneko jakinarazi dute ez dutela Israelen interes ekonomikoak bultzatzen dituzten jaialdietan joko.
Albiste gehiago musika
Gipuzkoako Aldundiak Lourdes Iriondo abeslariari emango dio 2025eko Urrezko Domina
Sariaren helburua "Lourdes Iriondok euskararen eta euskal kulturaren biziberritzean garatu zuen lan zabal eta berritzailea gaur egunera ekartzea eta justizia egitea da, bere ondareak lurraldeko historian merezi duen lekua izan dezan".
Estrella Morente, bart Getxon
Granadar kantariak kontzertua eskaini du bart Muxikebarri Getxoko aretoan, Getxo Folk jaialdiaren bigarren gauean. Igandean, Benito Lertxundi omenduko dute espazio berean.
Zetak taldeak Bilbon eskainiko duen bigarren ikuskizunerako sarrerak, agortzear
70.000 sarrera inguru saldu dituzte nafarrek bi egunean. Ekainaren 20ko emanaldikoak berehala agortu ziren, eta 19koak, agortzeko bidean dira.
Xabier Zeberio & Andrés Isasi Musika Eskolako Orkestra, Getxo Folk irekitzen
Xabier Zeberioren zuzendaritzapean, orkestrak jazza, euskal herri musika eta inprobisazioa uztartu ditu Bizkaiko jaialdiaren lehen egunean, "Pause" proiektuko kantuetan.
Zetak taldeak San Mameseko kontzerturako sarrera guztiak saldu ditu, eta bezperan ere joko du
Pello Reparaz buru duen taldeak Mitoaroa III ikuskizun distopikoa taularatuko du ekainaren 19an eta 20an Bilboko estadioan. Bihar, ostegunarekin, jarriko dira ekainaren 19rako sarrerak.
Pello Reparaz: "Jendea epel ez gelditzea zen asmoa, eta lortu dugu"
"Egun On" ETBko saioak elkarrizketa egin dio Pello Reparazi, Zetak-ek "Mitoaroa II" kontzertu errenkada amaitu eta biharamunean. Ekainaren 20an San Mamesen egingo duten ikuskizunari buruz ere hitz egin digu.
-1:eitb-banner?$eitb-banner$&fmt=png-alpha&qlt=80)
Rick Davies Supertrampeko abeslari eta konpositorea zendu da
Britainiar musikariak mieloma zuen duela hamar urtetik, eta 81 urte zituela hil da.
Lady Gaga, Mariah Carey, Sabrina Carpenter eta Ariana Grande, MTV Video Music Awardseko izar distiratsuenak
Ariana Grande pop abeslariak irabazi du MTV Video Music Awards sarietako sari nagusia, eta Lady Gagak eta Sabrina Carpenterrek jaso dituzte ohore handienak New Yorken, jarraitzaileen gogokoenen izarrez beteriko ospakizunean. Grandek urteko bideo onenaren saria irabazi du Brighter Days Ahead lanagatik, eta, ondorioz, jarraitzaileek bozkatutako sarietan gaueko saririk handiena jaso du. Mariah Careyk ibilbidearen saria jaso du, eta bideoklipak egitea zein dibertigarria den azaldu du.
Pello Reparaz: “2084an kokatuko da ‘Mitoaroa III’ ikuskizuna”
Zetak taldeak 2026ko ekainaren 20an eskainiko du San Mames futbol zelaian George Orwellen 1984 obran oinarritutako Mitoaroa III ikuskizuna, 2084an kokatuko den etorkizun distopikoa. “Apustuak, arriskua eta gauza ezberdinak bizitzeko aukera bat da Zetak”, nabarmendu du Reparazek, eta historia egiteko gogoz agertu da.
'Mitoaroa III' ikuskizuna San Mames futbol-zelaira iritsiko da 2026ko ekainaren 20an
Zetak taldeak Bilbo aukeratu du bere ikuskizun arrakastatsuaren hirugarren zatirako, Bizkaia euskal kulturaren erdigunean kokatuz.