Mikel Rueda bilbotarra, Malagako zinemaldiko Sail Ofizialean
"A escondidas" Mikel Ruedaren bigarren film luzea Malagako hamazazpigarren zinemaldiaren Sail Ofizialean lehiatuko da, martxoaren 21etik 29ra. Harekin batera, beste hamabost film izango dira, besteak beste Emilio Aragon, Alex Pina eta Pau Teixidor zuzendarienak.
"Izarren argia" egin ondoren, Mikel Ruedak Rafa (Germán Alcarazu) eta Ibra (Adil Koukouh) gazteen istorioa kontatzen du. Ibrahim marokoar gaztea alderrai dabil, galduta, hiri handi baten aldirietako errepide batetik. Esan berri diotenez, bi egun falta dira herrialdetik egotz dezaten, eta, horren aurrean, motxila hartu eta ihes egin du. Bakarrik dago. Ez dauka nora joan.
Rafa, bestalde, dantzaleku bateko komun batera sartu berri da, korrika. Ezin du gehiago. Kirikoak dantzan dabil azkenaldian. Kanpoan, Marta aurkituko du, baina eman dezakeena baino gehiago espero du berarengandik neskak.
Bilboko auzoetan sei astez filmatutako istorio honetan, Joseba Ugalde, Eder Pastor, Moussa Echarif, Mansour Zakhnini, Ana Wagener eta Álex Angulo aktoreek parte hartu dute.
Mikel Rueda 1980an jaio zen, Bilbon, eta Ikus-entzunezko Komunikazioan lizentziatu eta gero, "Vaya Semanita" ETBko saioko produkzioan lan egin, eta New York Film Academyn ikasi zuen; "Present Perfect" film laburra bertan egin zuen, eta 30 jaialditan baino gehiagotan saritu zuten. Handik gutxira, "Izarren Argia" filma egin eta Donostiako Zinemaldian parte hartu zuen, Zuzendari Berrien atalean. Gainera, beste bi gidoi ditu esku artean: "El año que cayó el muro", Eusko Jaurlartizaren Gidoietarako Laguntza jaso duena, eta "Iceland" aurrekontu txikiko proiektua, aurten erakutsiko duena.
Zure interesekoa izan daiteke
Euskal zinemak irailaren 22an ospatuko du gala handia, Zinemaldian eta EITBren eskutik
Miren Gaztañaga eta Ane Gabarain aktoreek aurkeztuko dute Victoria Eugenia antzokian egingo den gala. Jose Ramon Soroiz aktoreak Zinemira Saria jasoko du, eta Alberto Gastesi gidoilari eta zuzendariak EITBren Egile Berriak saria. ETBk eta ETB ONek zuzenean eskainiko dute.
Zinemaldiak ordubete eskasean agortu ditu saio batzuetarako sarrerak
Dagoeneko agortu dira, besteak beste, Sacamantecas eta La bola negra filmak ikusteko sarrera guztiak.
Hasi da Zinemaldiko sarreren salmenta
09:00etan zabaldu da online zein leihatiletan sarrerak erosteko aukera. Sarrerak modu mailakatuan salduko dituzte; horrela, gaur lehen hiru egunetarako sarrerak soilik jarri dituzte eskuragarri.
Hau da “Azken agurra” filmaren kartela
Koldo Almandozen film berria Donostiako Zinemaldiko Sail Ofizialean estreinatuko dute, lehiatik kanpo. EITBren partea hartzea du Koldo Almandozen hirugarren film luzeak, “dramedia existentzialista” honek.
'Naza', Veneziako Mostra hunkituta utzi duen Gazako sarraskiari buruzko dokumentala
Gazako sarraskia salatzen duen dokumentalak ikus-entzuleak hunkituta utzi ditu ostegun honetan Veneziako Nazioarteko Zinemaldian. Yuval Abraham eta Rachel Szor israeldarrek zuzendutako filmak agente israeldarren testigantzak biltzen ditu, Palestina suntsitzeko eta palestinarrak erailtzeko jarraitutako estrategia militar eta teknologikoaren inguruan. Filma aurtengo Donostiako Zinemaldian izango da ikusgai, Perlak sailaren barruan.
Patricia López Arnaizek Gure Zinema saria jasoko du Zinemaldian
Arabar aktoreak euskal zinema eragileen plataformaren saria jasoko du irailaren 19an Donostian, "azken urteotan aktore nabarmenen artean kokatu duen ibilbideari esker".
"Salitre" pelikularen trailerra
Norma Vila bilbotarraren lehen film luzea, "amatasunaren alde ilunerako bidaia intimo eta sentsoriala", Sitgeseko zinema jaialdian estreinatuko da, urrian. EITBren parte hartzea duen thriller psikologikoaren protagonistak Haizea Carneros eta Nagore Aranburu dira.
Orlando Bloom, Marion Cotillard eta Jeremy Irons Zinemaldian izango dira
Werner Herzog eta Naomi Watts Donostia sariaren hartzekodunez gain, besteak beste, Brad Pitt, Noemie Merlant, Martin McDonagh, Cristian Mungiu, Pawel Pawlikowski eta Ira Sachs, epaimahai ofizialaren burua, iritsiko dira Donostiara.
“Salitre": habia hutsaren sindromea aztertzen duen thriller psikologikoaren lehen irudiak
Norma Vilak zuzendu eta Nagore Aranburu eta Haizea Carneros protagonista dituen Salitre euskal filma thriller psikologiko bat da, "begirada femenino, garaikide eta desmitifikatzaile batetik" habia hutsaren sindromea eta galeraren aurreko beldurra aztertzen dituena. Filmak EITBren parte hartzea du.
“Salitre” eta “Las hijas” euskal filmak Sitgesko zinema jaialdiko Sail Ofizialean lehiatuko dira
Norma Vila bilbotarraren lehen film luzea eta Daniel Romero zuzendariak eta Asier Guerricaechevarriak idatziriko thriller psikologikoa, Yune Nogueiras protagonista duena, fantasiazko zinemaren Kataluniako udalerriko jaialdian estreinatuko dira.