Estreinaldi erauntsia, 'Noe' buru dela
Darren Aronofsy suspentse psikologikoa dantzaren munduan txertatu zuen "Zisne Beltza" filmean, eta orain, Russell Crowerekin batera, mundua Uholde Handitik salbatzera dator, "Noe" filmean.
Anthony Hopkins, Jennifer Connelly eta Emma Watson aktoreak aldean dituela, sortutako izaki guztiak ontzi batean gorde beharko ditu behinolako gladiadoreak, Uholde Handiak dena suntsitu aurretik.
"Rio 2"n, Blu eta Perla Rio de Janeirotik Amazonaseko oihanera joango dira, hiru txorikumeak hartuta. "Rio" arrakastatsuaren ostean, Carlos Saldanha zuzendariak hegazti alai hauek biziberritu ditu.
"Crónicas diplomáticas. Quai d'Orsay" frantziar komedia Donostiako Zinemaldian ikusi ahal izan genuen, eta, Hegoaldeko zinemetara heldu aurretik, antzeztaldeko aktore onenaren Zesar saria (Niels Arestrup) lortu zuen, baita Donostiako Zinemaldiko Gidoi Onenaren saria ere, epaimahaiaren eskutik azken hori.
Arthur Vlaminck gaztea Frantziako Atzerri Ministerioan lanean hasi da, hitzaldiak idazten, eta bertako girora egokitzen saiatu beharko da: estresa, handinahia, makurkeria...
Aaron Paulek, "Breaking Bad"eko protagonistetako batek, metanfetaminak baztertu eta potentzia handiko autoak hartuko ditu, "Need for Speed" Scott Waughen pelikulan.
Filmean, Tobey Marshall (Aaron Paul) mekanikariak Dino Brewster NASCAReko pilotu ohiaren laguntza bilatuko du, familiaren tailerra ixteko mehatxuaren aurrean. Lortzear dagoenean, kartzelatu egingo dute, berak egin ez zuen delitu baten ondorioz.
Hainbat kubatarren "amerikar ametsa" kontatzen du "Una noche" filmak. Raulek Miamira ihes egin nahi du, Habanan eraso bat leporatzen diotenean.
Lucy Malloy britainiarrak hartu zuen zuzendaritzaren eta gidoiaren ardura, eta Tribecako 2012ko jaialdian, fikziozko lanen zuzendari onenaren, zinematografia onenaren eta aktore onenaren sariak irabazi zituen haren lanak.
Zure interesekoa izan daiteke
Ricardo Darin, Zinemaldiaren 74. edizioko karteleko protagonista, Donostiara itzuliko da
Darin protagonista duen Lo dejamos acá filma zine-jaialdiaren programan sartzea aktoreari omenaldia egiteko modua da; 2017an Donostia Saria jaso zuen.
Brad Pittek Donostia bisitatuko du berriro ere Zinemaldiaren 74. edizioan
Aktore estatubatuarra Gipuzkoako hiriburuan izango da Heart of the Beast filmarekin; Sail Ofizialean proiektatuko da, lehiaketatik kanpo.
100 urte, Rodolfo Valentino Hollywoodeko lehen izar handia hil zela
100 urte bete dira gair Rodolfo Valentino hil zela, Hollywoodeko lehen izar handitzat hartzen dena. Arrakasta handia lortu zuen italiarrak eta oso gazte, 31 urterekin hil zen. Bere heriotzak inoiz ikusi gabeko fenomenoa eragin zuen: 100.000 pertsona baino gehiago bildu ziren hiletan, eta miresleen artean suizidioak ere izan zirela zabaldu zen.
21 film ariko dira 74. Zinemaldiko Zabaltegi-Tabakalera Saria irabazteko lehian
Maria Alche eta Benjamin Naishtaten 'Pedro en el país' filmak emango dio hasiera sekzioari, eta Isaki Lacuestaren 'Jaleos' filmak itxiko du. 13 film luze, 7 labur eta film ertain bat borrokatuko dira saria eskuratzeko, eta ikus-entzunezko performance bat izango da lehiaketatik kanpo, Albertina Carri zinemagile eta idazlearen eskutik.
Michaël R. Roskamen 'Le Faux Soir' filmarekin emango diote amaiera Zinemaldiari
II. Mundu Gerran Belgikako Erresistentziaren operazio batean gertatutakoa azaltzen duen filma lehiaketatik kanpo proiektatuko da irailaren 26an, Kursaalen, palmaresa iragarri ondoren.
Fatih Akinen "Ghost Song" filmak inauguratuko du Zinemaldiko Sail Ofiziala
Zuzendari alemaniarraren film berriaren mundu mailako estreinaldiak irekiko du irailaren 18an Donostiako Zinemaldiaren 74. edizioko Sail Ofiziala. Inaugurazio ekitaldiaren ondoren, Kursaal Auditorioan proiektatuko da filma, eta Akinek Urrezko Maskorra lortzeko lehian parte hartuko duen lehen aldia izango da.
Los Javis, Araujo, Dhont edo Hamaguchiren film berriak eskainiko dituzte Zinemaldiko Perlak sailean
Guztira 16 film luze proiektatuko dira Perlak sailean eta guztiak, Olivier Nakache eta Eric Toledanoren 'Juste une illusion' izan ezik, Donostia Hiria Publikoaren Saria eskuratzeko lehiatuko dira.
Zinemaldiko Belodromoko saioetarako sarrerak salgai daude dagoeneko
Donostiako belodromoak 'Karateka' eta 'Muguruza FM 40 Tour' filmen mundu mailako estreinaldiak hartuko ditu, baita 'Go! azen' telesailaren denboraldi berriaren lehen atala ere.
Hayden Panettiere aktorea hil da, 'Scream' eta 'Heroes'-eko protagonista, 36 urte zituela
Aktorearen ordezkariak baieztatu du albistea, baina oraingoz ez dute jakinarazi zergatik hil den.
Zinemaldiak Urrezko Maskorra lortzeko lehian arituko diren sei film gehiago iragarri ditu
Jesse Eisenbergen eta Fred Cavayeren lanak, besteak beste, aurretik iragarritako hamar izenburuei batuko zaizkie Zinemaldiko Sail Ofizialean.