Ester Martin eta Pilar Monsell, sari nagusiak Zinegoak jaialdian
Aurten lehenengo aldiz, bi emakumek Zinegoak jaialdiko sari nagusiak jaso dituzte: Ester Martinek Fikzioko Film-luzerik Onenaren saria jaso du Nånting måste gå sönder pelikulagatik eta Pilar Monsellek Dokumental Film-luzerik Onenaren saria, Africa 815 filmarekin, antolatzaileek zabaldu dutenez.
Bilboko gaylesbotrans zinema eta arte eszenikoen Nazioarteko Jaialdiko itxiera ekitaldian, arratsaldean, Ohorezko Sari Berezia banatuko dute; aurten, Fernando Diezek jasoko du.
Antolatzaileen jakinarazi duenez, honako hau da aurtengo palmaresa: Film-luzerik Onenaren Saria Ester Martin Bergsmarentzat, Nånting måste gå sönder (Zerbait apurtu beharra dago) pelikulagatik, “kontraste handiko muturreko proposamena” delako.
Halaber, Pilar Monsellek Dokumental Film-luzerik Onenaren saria jasoko du, Africa 815 filmagatik, eta aipamen berezia egingo diote DETI 404 (Children 404) filmari, Pavel Loparevek eta Askold Kurovek egina.
Antony Hicklingek Pelikula Esperimental Onenaren saria jasoko du, One Deep Breath pelikulagatik. Il segreto del serpentek -Mathieu Volpek egina- Dokumental Labur Onenaren saria jaso du. Gainera, Metube: August sings Carmen Habanerak eta Kuhanik lanek, Daniel Moshelek eta Ntare Guma Mbaho Mwinek zuzenduta, hurrenez hurren, aipamen berezia jasoko dute.
Era berean, Fikziozko Laburmetrairik Onenaren Saria Christian Dekerrentzat eta Oda Lamberchtentzat da, Die Schwulenheiler (Gay Healers) lanagatik.
Lesbianismo eta Genero Saria Sigrid Andrea Bernardok zuzendutako Ang Huling Cha-Cha Ni Anita (Anita's Last Cha Cha) pelikulak jasoko du, “poztasunetik, naturaltasunetik eta aurreiritzirik gabeko jarrera hartuta” egindako pelikula delako. Gainera, antolatzaileen arabera, lesbianen haurtzaroan gutxitan jorratutako gaia azaleratu du: neskato baten nahi lesbikoak sexu-arloan, debekurik gabe”.
Gainera, Elisa Amorousok egindako Fouristrada lanak ere aipamen berezia jaso du.
Zure interesekoa izan daiteke
?fmt=webp-alpha&qlt=80)
Samantha Hudson espainiar musikaria da Beldurrezko Astearen kartelaren protagonista
Donostiako zinema jaialdiaren kartelak Cinemasub Itsaspeko Zinemaren Nazioarteko Zikloa omendu du, horren 50. urteurrenean. Argazkiaren koordinazioaz Pedro Mambrú arduratu da, eta Javier Bermejo eta Chus Feijóo dira bere egileak.
Ez zinen zu, Lapulapuk hil zintuen zu, Ni inguratzen lehena
Magalhaes filmak Lope de Agirre, Fritzcarraldo, Hernan Cortés, Diego de Ibarra zein Pascual de Andoyagaren antzeko konkistatzaile, menderatzaile, esploratzaile, esplotatzaile, nabigatzaile iluminatuekin zerikusi franko izan zuen Porton jaiotako Fernão de Magalhãesen delirioa azaltzen du.
Brydie O’Connor zuzendariaren "Barbara Forever" dokumentala, 2026ko Zinegoak jaialdiko sari nagusiaren irabazlea
Lanak Barbara Hammer zinegile ezagunaren bizitza, obra eta ondarea aztertzen ditu bere artxiboko materialaren bidez. Aurtengo edizioko filmik nabarmenena izan da, hiru sari irabazi baititu.
"Dekoratua" filmak Paul Grimault saria irabazi du Annecyko zinema jaialdian
Uniko euskal ekoiztetxearen filmak animaziozko zinema jaialdiaren sari garrantzitsuenetan hirugarrena bereganatu du.
ZUZENEAN: Zinegoak jaialdiaren amaiera gala
Mikel Rueda “Boga” seriea zuzentzen ari da EITBrentzat
Sei ataleko seriea Mikel Santiagok eta Txemi Parrak sortu dute, eta Mikel Losada eta Iraia Elias ditu protagonista. Primeran EITBren plataforman egongo da ikusgai.
Haurtzaroari begira jarri da Marina Palacio "Y así seguirán las cosas" filmean
Euskal zuzendariak haurtzaroari eta despopulazioari buruzko istorio bat kontatuko du bere lehen film luzean. Aitarekin batera idatzi du, eta sei urtean filmatuko dute, Palentzian.
Alex de la Iglesia animazioan murgilduko da, Lovecraft idazlearen obran inspiratuta
'Ages of Madness: The Howling of the Jinn' goiburua hartuko du pelikulak, eta 'Necronomicon' idazle estatubatuarraren fikzioko liburuan oinarrituko da. Garai eta toki ezberdinetan kokatutako hainbat istorio harilkatuko ditu.
Aitor Gabilondok torturari buruzko film bat zuzenduko du
Patria seriearen sortzaileak “kontakizuna osatzeko beharra” sentitzen du, “serieak zorretan nagoela sentiarazi eta gero”. EITB proiektuan parte hartzen ari da.
Petrus me fecit, Helena lapidem meum reflexa est
Zorteak zera eman dio Petrus zinema piezari: testura ezberdin bat, bene-benetakoa, plantak egiten ez dituena.