Leonard Nimoy hil da, 'Star Trek'eko Spock
Leonard Nimoy aktorea, Star Trek-en Spock pertsonaia antzezten zuena, hil da gaur 83 urte zituela, Bel Airren, Los Angelesen (AEB), biriketako gaitz batek jota, familiak jakitera eman duenez.
Aktoreak iaz iragarri zuen biriketako gaitza zuela, argazki batzuetan gurpildun aulkian eserita eta arnasa hartzeko makina bati lotuta agertu ostean.
Azaldu zuenez, "ongi" zegoen, baina ezin zituen "distantzia handiak oinez egin", eta erretzaileei "lezioa" ikasteko eskatu zien. Izan ere, tabakoarekiko zuen adikzioari egotzi zion gaixotasunaren errua.
1931ko martxoaren 26an Bostonen jaioa, immigrante ukrainar judu ortodoxoen semea zen, eta pop kulturaren ikur bilakatu zen zientzia fikziozaleen artean Spocken pertsonaia egin zuenean. Vulcano planetan jaiotako estralurtarra zen Spock, inteligentzia handikoa, baina sozializatzeko arazoak zituena.
Leonard Nimoy aktorea. Argazkia: EFE
Spock izan zen Star Trek telesailean 1966tik 1969ra, eta pertsonai hori izan zen pelikuletan ere, 1979tik 1991ra, sei filmetan.
Aktoreak berriro egin zuen pertsonaia horren papera JJ Abramsek beste bi pelikula egin zituenean, 2009an eta 2013an.
Vulcaniarraren paperak markatu zuen Nimoyren bizitza profesionala, nahiz eta ahalegin handiak egin zituen bere izena pertsonaiarengandik bereizteko.
Leonard Nimoy aktorearen izarra Hollywoodeko Famaren pasealekuan. Argazkia: EFE
Horren harira, gogoratu behar da 1975ean I am not Spock (Ni ez naiz Spock) izeneko autobiografia kaleratu zuela, baina 20 urte geroago, pertsonaiarekin adiskidetuta, beste autobiografia bat atera zuen: I am Spock (Ni Spock naiz).
Leonard Nimoyk izarra du Hollywoodeko Famaren Pasealekuan, eta Euskal Herrian bereziki ezaguna izan zen, Spock pertsonaiak Juan Jose Ibarretxe lehendakariarekin ustez zuen antzagatik.
Zure interesekoa izan daiteke
“Sucia” eta “Black water” sarituko ditu Giza Eskubideen Zinemaldiak
Bàrbara Mestanza eta Marc Pujolarren dokumentalak film luze onenaren Ikusleen saria jasoko du, eta Black water Natxo Leuzaren lanak Amnesty International saria. Gaur bukatuko da jaialdia, eta Imanol Uribek ohorezko saria jasoko du.
Imanol Uribe: "Intolerantziaren aurkako borrokak gidatu nau"
Euskal zinemagileak, La fuga de Segovia, La muerte de Mikel, Días contados eta El rey pasmado filmen egileak, Donostiako Giza Eskubideen Zinemaldiaren sari berezia jasoko du ostegun honetan, "errealitateari atxikia" duen zinemari esker.
Lara Izagirre “Yerma”ren bertsio garaikide eta urbanoa filmatzen ari da euskaraz
Zinemagilearen hirugarren film luzearen protagonistak Ane Pikaza eta Aitor Borobia dira, eta Maria Goiricelayarekin batera dago idatzita, Lorcaren lan hori antzerkirako arrakastaz moldatu zuen antzerkigilearekin.
Euskal zinemak ongietorria egin dio Maialen Belokiri
Jose Luis Rebordinosek, lekukoa emango dion zuzendariak, eta Koldo Almandoz eta Lara Izagirre zinemagileek Beloki Zinemaldiko buru izendatu izanaz hitz egin digute.
Maialen Beloki izango da Donostiako Zinemaldiaren zuzendaria 2027tik aurrera
Zinemaldiaren Administrazio Kontseiluak aho batez aukeratu du Beloki, Jose Luis Rebordinosen ondorengo gisa.
Lander Garro: "Memoria pertsonaia bat gehiago da 'Lutxi eta zuhaitza'n"
1987an Pasaian, Guardia Zibilaren esku, egoera nahasian hilik gertatu zen Lucía Urigoitia ETAko kidearen istorioa kontatzen du dokumentalak. Fikziozko zatiak eta lekukoen adierazpenak uztartzen ditu Lander Garroren pelikulak.
"I lit the Fire!" Valeria Lemesevskayaren filma izan da Punto de Vista jaialdiko lanik onena
Epaimahaiak bielorrusiar zuzendariaren dokumentala aukeratu du Nafarroako Zinema Dokumentalaren Jaialdiko Sail Ofizialeko film luze onentzat. Film labur onenaren saria, EITBk babestutako golardoa, 3cm of Complexity Anna Vasofen filmari eman diote.
Urrats historikoa eman du euskal ikus-entzunezkoen sektoreak: Zinemaren Akademia eratuko du
Etorkizuneko akademia espazio "inklusiboa eta anitza" izatea nahi dute, sektorearen garapena bultzatzeko balioko duena. Euskal Herriko 150 profesionalen baino gehiagoren babesa du ekimenak.
Amets Hautsien zumardia Zornotzan dago
Boulevard pelikula ikusten ari zarela, oso sentsazio arraroa sumatzen duzu zure baitan. Pertsonaiek izen arrotzak dituzte: Hasley Weigel, Luke Howland, Ligé Neizan, Zev… Ez dute, baina, anglo-saxoi itxurarik, ibilerarik, aurpegierarik, gorpuzkerarik.
Elena Irureta aktoreari aitortza eginez hasi dute Silver Film Festival jaialdia Bilbon
Maitasuna eta Sexua (adingabea) lelopean, 60 urtetik gorako pertsonak oinarri dituen Silver Film Festival jaialdiari hasiera eman diote astelehen honetan, Bilbon. Apirilaren 24ra bitartean, hainbat jarduera hartuko ditu ekimenak eta, gaur, Elena Irureta aktoreari EITB Silver saria eman diote.