Pier Paolo Pasoliniri begira, Erroma aitzakia hartuta, San Telmon
Sei geldialdi proposatzen ditu ‘Pasolini Roma’ Pier Paolo Pasolini italiar idazle eta zinemagilearen inguruko erakusketak San Telmo Museoan. Abiada 1950eko urtarrilaren 28ak, Erromara heldu zen egunak, ezartzen du, eta helmuga 1975eko azaroaren 2ak, Ostiatik gertu haren gorpua aurkitu zuten egunak.
Pasolinirentzat, Erroma ez zen dekoratu edo bizileku soila, eta hiriarekiko maitasun istorioa eraiki zuen, erakusketaren antolatzaileek azaldu dutenez: “Desengainuak, maitasun eta gorroto sentipenak, erakarpena, arbuioa eta joan-etorriak egon ziren”.
“Pasolini aurreko eta ondorengo Erroma bat dago: bere idatziek eta filmek hiriaren iruditieria berri bat sortu zuten. Erroma birsortu egin zuen literatura eta zinemaren bitartez”, urriaren 4ra arte ikusgai egongo den erakusketaren antolatzaileen hitzetan.
Zinemagile huts izatetik oso urrun egon bazen ere, zinemagile ere bazen Pasolini, noski, eta, dagokion bezala, haren filmen proiekzioak egongo dira museoan, baita bisita gidatuak, Pasolini Gaua (abuztuak 22) eta “Cine y disidencia” mahai ingurua ere, irailaren 16an; José Luis Rebordinosek, Joxean Fernandezek, Jabier Rebollok eta David Truebak parte hartuko dute horretan.
Zure interesekoa izan daiteke
"Carne y arena" instalazioa ostegunean ez da irekiko
Alejandro Gonzalez Iñarritu zinemagileak sortutako murgiltze zeharkaldi birtualaren irekiera “aldi baterako atzeratu” da, arazo teknikoak direla eta.
Estibaliz Urresola Solaguren: “Zinema pantaila ispilu bat bezalakoa da”
Laudioar zinemagileak erreferenteen gorazarrea egin du “M8 - Ikusi eta Izan” EITBk sustatutako ekimenean. Hiru minutuko fikzioan, 26 euskal emakume zuzendariren filmen txatalak josi ditu, erreferente feministei eta zinemaren munduari buruzko hausnarketa egiteko. Estibaliz Urresola Solagurenen (20.000 especies de abejas, Cuerdas…) ikus-entzunezko pieza Primeran plataforman ikus daiteke.
Zinemaldiaren zuzendari berria aukeratzeko lehiaketa publikoa hasi da
Jose Luis Rebordinosek 2026ko abenduaren 31n utziko du zinema jaialdiaren gidaritza, eta haren ordezkoa “goi mailako unibertsitate titulua, ingeles maila handia eta euskaraz nahiz gaztelaniaz komunikatzeko gaitasuna dituen pertsona bat” izango da.
AEBko aktoreen sindikatuak bultzada eman dio "Sinners"i
Oscar sarietarako bi aste falta direla, banpiroen dramak film onenaren saria irabazi du bart SAG-AFTRA Hollywoodeko aktoreen sindikatu nagusiaren sarien 32. edizioan. Michael B. Jordanek aktore onenaren saria jaso du 'Sinners' filmean egindako lanagatik, Leonardo DiCaprio (One Battle After Another), Ethan Hawke (Blue Moon), Jesse Plemons (Bugonia) eta Timothée Chalameten (Marty Supreme) aurrean. Emakumezkoen atalean, Jessie Buckley irabazi du saria, Hamnet filmean egin duen paperari esker.
Alauda Ruiz de Azua: "Ametsetako gaua da"
Barakaldar zinemagilea pozik agertu da "Los domingos" filmak bost Goya sari irabazi eta gero.
Jose Ramon Soroiz: "Puztuta, bete-bete eginda nago"
Legorretar aktoreak gizonezko aktore protagonista onenaren Goya saria irabazi du Bartzelonan, "Maspalomas" filmean egindako lanagatik.
Nagore Aranburu: "Poz-pozik nago"
"Los domingos" filmean egindako lanari esker antzeztaldeko emakumezko aktore onenaren Goya saria jaso berritan, azpeitiar aktorearekin hitz egin dugu. "Oso gauza politak pasatu zaizkit, eta oso eskertuta nago", esan du.
Ibone Bengoetxea harro agertu da Goya sarietan euskal zinemari egindako aintzatespenagatik
Eusko Jaurlaritzako lehen lehendakariorde eta Kultura sailburuak sektorearen talentua eskertu du, eta hori bultzatzen duen ekosistema nabarmendu du, erakundeen babesaz harago.
Euskal zinemak urte handia ospatuko nahi du gaur Bartzelonan
Euskal zinemako ekoizpen eta profesionalek Goya sariak irabazteko aukera izango dute gaur gauean, Espainiako Zinema Akademiaren galan. Guztira, 47 izendapen jaso dituzte, 28 kategorietko 23tan.
Euskal zinemak urte oparoa biribildu nahi du Goyetan
Espainiako Zinema Akademiak bere sariak emango ditu larunbat iluntzean, Bartzelonan. Euskal ekoizpen eta profesionalek 47 izendapen jaso dituzte, eta “Los domingos” eta “Maspalomas” filmek, esate baterako, Donostiako Zinemaldian abiatu zuten bide arrakastatsua osatu nahi dute.