'Minerita' euskal dokumentala ere, Oscarren atarian
Hollywoodeko Zinema Akademiak gaur jakitera eman duenez, “Minerita” Kanaki Films ekoiztetxearekin Raul de la Fuente nafarrak eginiko film labur dokumentala Oscarren atal horretan aukeratutako hamar lan finalistetako bat da.
“Minerita”k film labur dokumentalaren Goya saria irabazi zuen, eta Potosiko (Bolivia) Cerro Rico meategi inguruan bizibidea ateratzen duen emakume talde baten historia kontatzen du.
Sari honen ardura duten akademiakideek 74 hautagaietatik 10 aukeratu dituzte, eta, orain, estatuatxoa beretzeko lehiatuko diren bostak aukeratu beharko dituzte.
“Minerita” lanak hauek izango ditu aurkari lehia horretan: “Body Team 12” (RYOT Films eta Vulcan Productions); "Chau, beyond the Lines" (Cynasty Films); "Claude Lanzmann: Spectres of the Shoah" (Jet Black Iris Americ); "50 Feet from Syria" (Spin Film); "A Girl in the River: The Price of Forgiveness" (SOC Films); "Last Day of Freedom" (Living Condition); "My Enemy, My Brother" (Fathom Film Group); "Starting Point" (Munk Studio - Polish Filmmakers Association); eta "The Testimony" (Atria Film eta Escape Artists).
Oscarren 88. edizioko behin betiko hautagaiak zein diren urtarrilaren 14an emango dute jakitera, Samuel Goldwyn antzokian, Beverly Hillsen (Kalifornia).
Zinemaren jai handia otsailaren 28an egingo dute, Chris Rockek aurkeztuta, Dolby antzokian, Hollywooden.
"Itxaropentsu"
Amaia Remírez filmaren ekoizleak Euskadi Irratiari esan dionez, oso pozik dago lantalde osoa. eta AEBra egingo dute, promozioa egitera, nahiz eta film laburren kasuan zailagoa den Akademiako kideen arreta bereganatzea.
Gainera, filmatze lana oso gogorra izan zela eta aintzatespena sari galanta dela erantsi du Remirezek: "Gogorra izan zen, meatzariek ez zutelako atsegin gu inguruan ibiltzea eta tokiko baldintzak oso gogorrak zirelako".
Azkenik Remirezek esan du itxaropen handiz begiratzen diotela bidearen amaierari, filma ikusi duten guztiek gustuko izan baitute.
Zure interesekoa izan daiteke
Estibaliz Urresola Solaguren: “Zinema pantaila ispilu bat bezalakoa da”
Laudioar zinemagileak erreferenteen gorazarrea egin du “M8 - Ikusi eta Izan” EITBk sustatutako ekimenean. Hiru minutuko fikzioan, 26 euskal emakume zuzendariren filmen txatalak josi ditu, erreferente feministei eta zinemaren munduari buruzko hausnarketa egiteko. Estibaliz Urresola Solagurenen (20.000 especies de abejas, Cuerdas…) ikus-entzunezko pieza Primeran plataforman ikus daiteke.
Zinemaldiaren zuzendari berria aukeratzeko lehiaketa publikoa hasi da
Jose Luis Rebordinosek 2026ko abenduaren 31n utziko du zinema jaialdiaren gidaritza, eta haren ordezkoa “goi mailako unibertsitate titulua, ingeles maila handia eta euskaraz nahiz gaztelaniaz komunikatzeko gaitasuna dituen pertsona bat” izango da.
AEBko aktoreen sindikatuak bultzada eman dio "Sinners"i
Oscar sarietarako bi aste falta direla, banpiroen dramak film onenaren saria irabazi du bart SAG-AFTRA Hollywoodeko aktoreen sindikatu nagusiaren sarien 32. edizioan. Michael B. Jordanek aktore onenaren saria jaso du 'Sinners' filmean egindako lanagatik, Leonardo DiCaprio (One Battle After Another), Ethan Hawke (Blue Moon), Jesse Plemons (Bugonia) eta Timothée Chalameten (Marty Supreme) aurrean. Emakumezkoen atalean, Jessie Buckley irabazi du saria, Hamnet filmean egin duen paperari esker.
Alauda Ruiz de Azua: "Ametsetako gaua da"
Barakaldar zinemagilea pozik agertu da "Los domingos" filmak bost Goya sari irabazi eta gero.
Jose Ramon Soroiz: "Puztuta, bete-bete eginda nago"
Legorretar aktoreak gizonezko aktore protagonista onenaren Goya saria irabazi du Bartzelonan, "Maspalomas" filmean egindako lanagatik.
Nagore Aranburu: "Poz-pozik nago"
"Los domingos" filmean egindako lanari esker antzeztaldeko emakumezko aktore onenaren Goya saria jaso berritan, azpeitiar aktorearekin hitz egin dugu. "Oso gauza politak pasatu zaizkit, eta oso eskertuta nago", esan du.
Ibone Bengoetxea harro agertu da Goya sarietan euskal zinemari egindako aintzatespenagatik
Eusko Jaurlaritzako lehen lehendakariorde eta Kultura sailburuak sektorearen talentua eskertu du, eta hori bultzatzen duen ekosistema nabarmendu du, erakundeen babesaz harago.
Euskal zinemak urte handia ospatuko nahi du gaur Bartzelonan
Euskal zinemako ekoizpen eta profesionalek Goya sariak irabazteko aukera izango dute gaur gauean, Espainiako Zinema Akademiaren galan. Guztira, 47 izendapen jaso dituzte, 28 kategorietko 23tan.
Euskal zinemak urte oparoa biribildu nahi du Goyetan
Espainiako Zinema Akademiak bere sariak emango ditu larunbat iluntzean, Bartzelonan. Euskal ekoizpen eta profesionalek 47 izendapen jaso dituzte, eta “Los domingos” eta “Maspalomas” filmek, esate baterako, Donostiako Zinemaldian abiatu zuten bide arrakastatsua osatu nahi dute.
Teddy hartza eta Sebastiane patroia, festan eta borrokan Berlinen
Iván & Hadoumek irabazi zuen Berlinen Teddy sari 40.a. Merezi duelako. Zergatik? Polita bezain mikatza delako. Eta pantailaratzen dituen galdera guztietarako erantzunik ez duelako.