Kontxu Odriozola aktorea hil da
Kontxu Odriozola euskal aktorea (Azpeitia, 1945) hil da gaur, 70 urte zituela, eitb.eus-ek jakin ahal izan duenez.
Antzerkian eta zineman (Hamaseigarrenean aidanez; Urte berri on, amona...) aritu bazen ere, ETBko hainbat telesailetan parte hartzeagatik egin zen ezagun azpeitiarra. ETB1eko "Goenkale"n Maria Luisaren papera egin zuen Odriozolak urte luzez, eta telesail mitikoaren pertsonaia maitatuenetakoa bihurtu zuen.
Halaber, "Goenkale"n arrakasta izan aurretik, "Bai horixe!" eta "Flamingo berria" ETBko saioetan lan egin zuen.
Lehenago, 80ko hamarkadan, Antzerti Eskolako aktore belaunaldi oparoko kideetako bat izan da Odriozola, eta Ama begira zazu antzezlan arrakastatsuarekin Euskal Herria alderik alde zeharkatuta, publikoaren barre algarak sortarazteko zeukan berezko gaitasuna erakutsi zuen.
2008an, Euskal Aktoren Batasunaren saria jaso zuen.
Albistearen berri izan eta gutxira Eneko Olasagasti zuzendari eta gidoilariak Euskadi Irratiari esan dionez, "denbora zeraman minbiziaren kontra borrokan", eta gaur "joan egin zaigu". "Aktore eta pertsona handia hil da", nabarmendu du.
EiTBren oharra
EiTBren zuzendaritzak oharra kaleratu du heriotzaren berri jasotakoan: "EiTBtik atsekabea agertu nahi dugu Kontxu Odriozolaren heriotza dela eta. Era berean, senideei eta hurbilekoei doluminak adierazi nahi dizkiegu.
Antzerkigintzan eta telebistan ibilbide oparoko aktore ezaguna, Mari Luisa izan zen 'Goenkale' telesailean, eta batez ere pertsonaia horrek egin zuen ezagun. Maria Luisa ETBko pertsonaia ezagun eta maitatuenetakoa izan zen. Lanerako zuen zorroztasun eta dedikazioa, eta aktore gisa zuen sinesgarritasuna gailendu nahi ditu EiTBk, euskal kulturari eta ETBri egindako ekarpena gogoratzearekin batera. Kontxu artista eta laguna joan zaigu, baina Maria Luisa on bat utzi digu".
Halaber, Eusko Jaurlaritzak ere "samina" adierazi du, prentsa ohar batean.
t="utf-8">t="utf-8">Zure interesekoa izan daiteke
Petrus me fecit, Helena lapidem meum reflexa est
Zorteak zera eman dio Petrus zinema piezari: testura ezberdin bat, bene-benetakoa, plantak egiten ez dituena.
"Ander eta Yul" filma zaharberritu dute EITBk eta Euskadiko Filmategiak
Ana Diez zuzendari nafarraren Ander eta Yul (1988) filma zaharberritu dute Euskadiko Filmategiak eta EITBk. Boloniako Zinematekaren menpeko L’Immagine Ritrovata laborategietan aztertu eta eskuz konpondu dute, aurretik, besteak beste, Tasio filmarekin egin zen moduan
Oliver Laxek instalazio bat erakutsiko du Tabakaleran
"HU/هُو.Bailad como si nadie os viera" instalazioak Sirāt filmaren sorkuntza prozesua, ikerketa lana eta grabazioak ditu oinarri. Uztailaren 16an aurkeztuko du Laxek bera, Donostian.
Nouvelles Vagues jaialdiak izarren dirdira piztuko du Biarritzen
Biarrizko zinema jaialdiaren 4. edizioa ekainaren 23tik 28ra egingo dute kostaldeko hirian. Kristen Stewart zuzendari eta aktorea izango da epaimahaiko burua, eta Los Javisek, Xavier Dolanek, Monica Belluccik, Marion Cotillardek eta Isabelle Huppertek parte hartuko dute.
Zinegoak LGTBQ+ jaialdiak 40 film baino gehiago izango ditu Sail Ofizialean
Ekainaren 22tik 29ra bitartean egingo den Zinegoak Bilboko LGTBIQ+ zinema eta arte eszenikoen jaialdiak 40 film baino gehiago izango ditu Sail Ofizialean. Gainera, kulturarekin eta sexu-, identitate- eta genero-aniztasunarekin lotutako 50 jarduera baino gehiagorekin beteko du Bilbao.
Zinemaren Jaia, Hegoaldeko zinema aretoetan bueltan
Ekainaren 8tik 11ra, 3,5 eurokoa izango da zinemarako sarreren prezioa. Ipar Euskal Herrian, Fête du Cinéma ekainaren 28tik uztailaren 1era izango da.
Aurtengo Kimuak katalogoko film laburrak aukeratu dituzte
Zazpi film labur hauek hautatu dituzte euskal film laburrak sustatu eta zabaltzeko: ‘Aho beltza' (Alba Lozano), 'Al otro lado' (Pablo Esteo, June San Sebastián, Leyre Fernández, Antton Gorroño, Leire Martínez, Irune Aguirreazaldegui eta Javier Martínez), 'Bitartean, gero' (Raúl Barreras), 'Hemen gaude' (Sébastien Boulard), 'High River' (Daniel Alegrete), 'Joare Tte' (Ekaitz Bertiz) eta 'Los Divulgators' (Pablo Hernando Esquisabel).
“Tamara ta Mara” euskarazko fikziozko telesail berria estreinatu dute Primeran plataforman
“Tamara ta Mara” umorez beteriko euskarazko fikziozko telesaila da, komedia zoro eta feminista bat. EITBren ‘Formatu txikiak, Talentu berriak’ deialdiaren barruan garatu den bigarren telesaila da. Bilboko Azkuna Zentroan estreinatu ostean, Primeran plataforman dago jada ikusgai.
Cannes, ispilu beltz murgiltzailean
Eta zeren bitartez sorgintzen gaituzte Carltonen Méliès aztiaren ondorengo sortzaile-teknologoek? Errealitate birtualarekin, errealitate areagotuarekin, erreala ez den errealitatearekin, errealitate mistoarekin, existitzen ez diren arren gure begi betaurrekodunen aurrean forma hartzen duten ikuskizun paregabeekin.
Zinemaldiko kartel berriek zinemako zenbait ogibide dituzte protagonista gisa
Ricardo Darin aktore, ekoizle eta zuzendaria izango da Donostiako Zinemaldiaren 74. edizioko kartel ofizialaren protagonista. Jaialdia 2026ko irailaren 18tik 26ra bitarte egingo da. Kartelak Donostiako Wallijai estudioak diseinatu ditu. Darin protagonista den kartelaren kasuan, collagea sortu dute 2024an hartutako erretratu batetik abiatuta. Poster ofizialarekin batera, gainerako sekzioetako kartelak ere eman dira ezagutzera, zinemagintzako ogibideei omenaldi egin nahian. Hala, Darinen irudia duen posterrak interpretaziora garamatza, eta gainerakoek, berriz, honako hauekin dute zerikusia: gidoia (New Directors), soinua (Horizontes Latinos), zuzendaritza (Zabaltegi-Tabakalera), muntaia (Perlak), arte-zuzendaritza (Nest), makillajea (Culinary Zinema), efektu bereziak (Zinemira) eta ekoizpena (Made in Spain). Kartel horiei Klasikoak ekimeneko hiru kartelak gehituko zaizkie laster. Aurten, Jose Giovanni zinegile, eleberrigile eta gidoilari frantsesa omeduko dute hiru kartel horien bidez.