‘The Revenant’, Oscar sarien lasterketarako buruan
“The Revenant” Alejandro Gonzalez Iñarrituren filmak bost sari irabazi ditu bart, Britainiar Zinema Akademiaren sarien gauean, zortzi ataletan izendatuta zegoela. “Carol” eta “Bridge of Spies” filmeko lantaldeek, izendapen gehien zituztenek, ostera, ez dute uzta handirik bereganatu.
“The Revenant”ek film, zuzendari, aktore nagusi (Leonardo DiCaprio), argazkilaritza (Emmanuel Lubezki) eta soinu onenen atalean bentzutu ditu lehiakideak, eta, haren atzean, “Mad Max: Fury Road” filma gelditu da lan sarituenen zerrendan, lau irabazita. Zazpi sailetan izendatuta zegoen, eta azkenean ekoizpen diseinu, jantzi, makillaje eta ile-apainketa, eta edizio onenen sariak irabazi ditu.
Michael Punke idazleak Hugh Glass arte-jartzailearen mehatxua kontatzeko idatzi zuen eleberria du oinarri “The Revenant”ek, eta Gonzalez Iñarritu Bafta sariekin berradiskidetzeko balio izan du, iaz esku-hutsik joan baitzen sari horietatik “Birdman” lanarekin.
“Carol” filmak, zeinak Patricia Highsmithen eleberri batean oinarrituta Therese Belvietek (Rooney Mara) eta Carlo Airdek (Cate Blanchett) AEBn 50eko hamarkadan izan zuten maitasun istorioa kontatzen baitu, ez du alerik ere jaso Londresen ospatutako galan, nahiz eta film, zuzendari, aktore nagusi, bigarren mailako aktore eta gidoi egokitu onenen atalean izendatuta zegoen.
“Bridge of Spies” Steven Spielbergen lanak sari bakarra irabazi du, Gerra Hotzean AEBko eta Sobietar Batasuneko gobernuek egindako preso-truke baten inguruko istorioan Mark Rylancek antzeztaldeko aktore gisa egin duen lanagatik. Spielbergek berak jaso du urrezko golardoa oholtza gainean.
Leonardo DiCapriok aurten lortuko du Oscarra lehenengoz, bosgarren izendapena lortu duen urtean, kritikari gehienen aburuz, eta, sariketa nagusi horren atarikoetan erakutsi duenez bederen, bide onetik ari da. Bart, Bryan Cranston (“Trumbo”), Matt Damon (“The Martian”), Michael Fassbender (“Steve Jobs”) eta Eddie Redmayne (“The Danish Girl”) lehiakideak garaitu ditu.
“Hau ez da pelikula soil bat, denok egin dugun bidaia epikoa da. Oso gauza berezia izan da nire bizitzan. Gure lana egin genuen, gorputz eta arima jardun ginen, bihotza jarrita, eta oso pozik nago film honetan parte hartu dudalako”, esan zuen DiCapriok, pozik, Bafta eskuan zuela.
Emakumezkoen arloan, aktore nagusi onenaren saria Brie Larson estatubatuarrarentzat izan da, “Room” lanean eginiko paperagatik. Urrezko Globoa ere ekarri zion film horrek, eta Oscarra irabazteko faborito nagusia da, DiCaprio bezala.
Bigarren mailako emakumezko aktore onenaren saria Kate Winslet aktoreak (“Steve Jobs”) irabazi du, Alicia Vikander (“Ex Machina”), Jennifer Jason Leigh (“The Hateful Eight”), Julie Walters (“Brooklyn”) eta Rooney Mara aktoreen aurretik.
Halaber, Ennio Morricone italiar maisu beteranoak ere saria eraman zuen bart, galan, “The Hateful Eight” Quentin Tarantinoren western-ean eginiko lan bikainarengatik, eta dokumental onenaren saria “Amy” Amy Winehouseri buruzko lanak irabazi behar zuela ebatzi zuten Akademiako kideek.
Atzerriko film onenaren saria “Relatos Salvajes” argentinarrak irabazi zuen, animaziozko film onenarena “Inside out” lanak, eta gaueko une gailenetako bat Sidney Poitier aktoreari ohorezko Bafta eman ziotenekoa izan zen.
nekoa izan zen.Zure interesekoa izan daiteke
“Lurdes Iriondo, ez gera alferrik pasako” dokumentala zinemetatik pasatuko da
Iruñean, Bilbon, Donostian eta Madrilen izango da ikusgai filma estreinaren egunean, azaroaren 14an, eta herriz herri erakutsiko dute gero: Tolosa, Lasarte, Basauri, Aramaio…
Paul Urkijo: "Euskal izaki mitologikoak modu eder eta epikoenean erakutsi nahi nituen"
Gaua filmean berritzen eta omentzen diren izaki eta kondaira mitologikoez mintzo zaigu Paul Urkijo, EITBrentzat primizian: Gaueko, Inguma, Mateo Txistu, Akerbeltz... Aita Barandiaranek jasotako objektu eta kondairak, sorginkeria uxatzeko erritualak, sorginkeriarekin lotutako esaldi eta elezaharrak... Urkijok euskal tradizioa arakatu du bere hirugarren film luzean. Haien errepasoa egin eta, konjurua oker esan zuen gizona hegaz nola jarri zuen ulertzeko trukoa argitu digu, esate baterako.
Paul Urkijo: “Txikitan jaso nituen gaueko istorio guztien multzo bat da ‘Gaua’”
Gaua pelikula epikoaren zuzendariak azaldu duenez, “Inkisizioak sortu zituen gezurrak hartu, geureganatu, elikatu eta haien kontra jaurtitzeko” egin dute filma. “Bide argitsutik joateko esaten digute, baina batzuetan bide horretatik aldendu behar zara, beldurrak eta iluntasuna zeharkatu, zoriontasunera eta askatasunera iristeko, nahi dugun modukoak izateko”. Arabar zuzendariak eta Iñake Irastorza, Ane Gabarain eta Elena Irureta aktoreek EITBren parte-hartzea duen ekoizpenaren zertzelada batzuk aletu dizkigute bideo esklusibo honetan. Filmatze “gogor eta luzearen” sekretu batzuk eman dizkigu Yune Nogueiras protagonistak ere: “Paulekin lan egiteko ametsa bete dut”.
“Gaua”n ez galtzeko koordenadak: pelikularen materiala primizian
Paul Urkijoren hirugarren film luzea ostiralean, hilak 14, iritsiko da zinema-aretoetara. Lehenago, Urkijok berak pelikularen gako batzuk eman dizkigu primizian, gauean murgiltzeko mapa modura erabil ditzagun.
?fmt=webp-alpha&qlt=80)
"Singular" Alberto Gastesiren filma azaroaren 28an iritsiko da zinema aretoetara
Patricia Lopez Arnaiz eta Javier Rey dira Alberto Gastesi donostiar zinemagilearen (Gelditasuna ekaitzean, Argi gorriak) bigarren film luzearen protagonistak "Adimen artifizialaren mugak eta giza dolua aztertzen dituen zientzia-fikziozko thriller honek EITBren parte-hartzea du, eta azaroaren 28an iritsiko da Hegoaldeko zinema aretoetara, fantasiazko zinemaren Sitgeseko jaialdian estreinatu ondoren. Diana (Lopez Arnaiz) Adimen Artifizialean aditua da, eta udako etxe zaharrera joango da Martin senar ohiarekin elkartzeko, hamabi urtez elkar ikusi gabe egon eta gero. Hasierako giro ona hankaz gora jarriko du, baina, gertakari batek: Andrea batuko zaio bikoteari, bikotearen semea zenarekin antz misteriotsua duen mutikoa.
Omenaldia egin diote Jose Ramon Soroizi Legorretan
Maspalomas pelikula estreinatu dute larunbat honetan Legorretan (Gipuzkoa), eta Jose Ramon Soroiz omendu dute bertan, horren jaioterria baita. Filma ikusteaz gain, herritarrek aktorea aurrez aurre ikusteko eta entzuteko aukera izan dute.
“Deathstalker”ek irabazi du Fantasiazko eta Beldurrezko Zinemaren Asteko film luze onenaren saria
Donostiako zinema jaialdiaren 36. edizioaren palmaresa iragarri dute. "Olentzerori eskatu nion" Amaia San Sebastianen pelikulak irabazi du Euskal Film Labur Onenaren EITB Saria.
?fmt=webp-alpha&qlt=80)
“Popel”, nazien biktimen errautsen bila
Oier Plazak František Suchýren eta haren semearen historia bildu du gaurtik aurrera zinemetan ikusi ahalko den dokumentalean: nazien 2.000 biktimaren errautsak ezkutatu zituzten, hildakoon gizatasuna gordetze aldera.
"Subsuelo" zinema aretoetara iritsi da, Seminciko sariaren bermearekin
Fernando Francok zuzendu duen euskal koprodukzioak gidoi onenaren saria jaso zuen Valladolideko zinemaldian, Francok berak eta Begoña Arosteguik idatziz egindako lanari esker.
Zinemaz gozatzen 600 urte eta gero
Betidanik izan dira presente ijitoak zineman. Ez ahaztu, azken ikerketen arabera, ondorengoek baieztatuta, Charles Chaplinek berak bazuela odol ijitoa zainetan.