Karra Elejalde, bigarren gizonezko aktore onenaren Goyarako lehian
Karra Elejalde gasteiztarra (“100 metros”) eta Terele Pavez Bibon jaiotako aktorea (“La puerta abierta”) Goya espainiar zinemaren sarien 31. ediziorako izendatu dituzte, bigarren aktoreen atalean. Datorren urteko otsailaren 4an banatuko dituzte sariok, Madrilen.
Gainera, ETBren parte-hartzea duten animaziozko bi film, “Psiconautas” eta “Teresa eta galtzagorri”, animaziozko film luze onena izateko lehiatuko dira.
Jatorrizko musikaren atalean, euskal hautagaiak nagusi izango dira, hiru euskal musikari izendatu baitituzte sari horretarako: Fernando Velázquez ("Un monstruo viene a verme"), Alberto Iglesias ("Julieta") eta Pascal Gaigne ("El olivo").
Halaber, “Decorado” Alberto Vazquezen zuzendaritzapean Uniko bilbotar ekoiztetxeak eginiko animaziozko film laburra ere Madrilen egingo duten galan egongo da, berari dagokion ataleko golardoa sortzeko itxaropenez.
Azkenik, Jorge Guerricaechevarria gidoigilea ere izendatu dute Goyetarako, “Cien años de perdón” Daniel Calparsoro donostiarraren lanean egindako lanagatik.
"Gernika" Koldo Serraren filmak, bestalde, izendapen bakarra jaso du, efektu berezien atalean.
"Un monstruo viene a verme", faborito nagusia
Natalia de Molina eta Javier Camara aktoreek irakurri dute finalisten zerrenda, gaur goizean Espainiako Zinema Akademiaren egoitzan eginiko ekitaldi batean.
“Un monstruo viene a verme” Juan Antonio Bayonaren filmak bereganatu ditu izendapen gehien, hamabi, eta bat gutxiago jaso dituzte “El hombre de las mil caras”ek (Alberto Rodriguez) eta “Tarde para la ira”k (Raul Arevalo).
(Raul Arevalo).Zure interesekoa izan daiteke
Catherine Zeta-Jones Bilbora itzuliko da irailaren 29an, 'Kill Jackie' telesaila aurkezteko
Telesaila Bilbon, Getxon eta Bardeetan grabatu zen iaz. Horrez gain, EITBren plato berria estreinatu zuten telesaila ekoizteko.
Norma Vilaren 'Salitre' euskal filmak emango dio hasiera Fantasiazko eta Beldurrezko Zinemaren 37. Asteari
Salitre, Nagore Aranburu eta Haizea Carneros protagonista dituen pelikula, Norma Vilak (Bilbo, 1983) —Jules D. (2016) eta El fin de todas las cosas (2019) film laburren arduradunak— zuzendutako lehen film luzea da.
Euskal zinemak irailaren 22an ospatuko du gala handia, Zinemaldian eta EITBren eskutik
Miren Gaztañaga eta Ane Gabarain aktoreek aurkeztuko dute Victoria Eugenia antzokian egingo den gala. Jose Ramon Soroiz aktoreak Zinemira Saria jasoko du, eta Alberto Gastesi gidoilari eta zuzendariak EITBren Egile Berriak saria. ETBk eta ETB ONek zuzenean eskainiko dute.
Zinemaldiak ordubete eskasean agortu ditu saio batzuetarako sarrerak
Dagoeneko agortu dira, besteak beste, Sacamantecas eta La bola negra filmak ikusteko sarrera guztiak.
Hasi da Zinemaldiko sarreren salmenta
09:00etan zabaldu da online zein leihatiletan sarrerak erosteko aukera. Sarrerak modu mailakatuan salduko dituzte; horrela, gaur lehen hiru egunetarako sarrerak soilik jarri dituzte eskuragarri.
Hau da “Azken agurra” filmaren kartela
Koldo Almandozen film berria Donostiako Zinemaldiko Sail Ofizialean estreinatuko dute, lehiatik kanpo. EITBren partea hartzea du Koldo Almandozen hirugarren film luzeak, “dramedia existentzialista” honek.
'Naza', Veneziako Mostra hunkituta utzi duen Gazako sarraskiari buruzko dokumentala
Gazako sarraskia salatzen duen dokumentalak ikus-entzuleak hunkituta utzi ditu ostegun honetan Veneziako Nazioarteko Zinemaldian. Yuval Abraham eta Rachel Szor israeldarrek zuzendutako filmak agente israeldarren testigantzak biltzen ditu, Palestina suntsitzeko eta palestinarrak erailtzeko jarraitutako estrategia militar eta teknologikoaren inguruan. Filma aurtengo Donostiako Zinemaldian izango da ikusgai, Perlak sailaren barruan.
Patricia López Arnaizek Gure Zinema saria jasoko du Zinemaldian
Arabar aktoreak euskal zinema eragileen plataformaren saria jasoko du irailaren 19an Donostian, "azken urteotan aktore nabarmenen artean kokatu duen ibilbideari esker".
"Salitre" pelikularen trailerra
Norma Vila bilbotarraren lehen film luzea, "amatasunaren alde ilunerako bidaia intimo eta sentsoriala", Sitgeseko zinema jaialdian estreinatuko da, urrian. EITBren parte hartzea duen thriller psikologikoaren protagonistak Haizea Carneros eta Nagore Aranburu dira.
Orlando Bloom, Marion Cotillard eta Jeremy Irons Zinemaldian izango dira
Werner Herzog eta Naomi Watts Donostia sariaren hartzekodunez gain, besteak beste, Brad Pitt, Noemie Merlant, Martin McDonagh, Cristian Mungiu, Pawel Pawlikowski eta Ira Sachs, epaimahai ofizialaren burua, iritsiko dira Donostiara.