'Un monstruo viene a verme' izan da nagusi Goya Sarietan
Juan Antonio Bayonaren Un munstruo viene a verme izan zen garaile nagusia Goya Sarien 31. edizioan, 12 hautagaitzetatik 9 sari irabazi ostean.
Bayonaren pelikula zen edizio honetako faboritoetako bat, eta honako Goya Sari hauek irabazi zituen: Argazki Onenarena, Makillaje eta Ile-apaintzaile Onenarena, Zuzendari Artistiko Onenarena, Ekoizpen Zuzendari Onenarena, Soinu Onenarena, Muntaia Onenarena, Efektu Berezi Onenena, Musika Onenarena eta Zuzendari Onenarena.
Bestalde, Raul Arevaloren Tarde para la ira filmak 4 garaikur irabazi ditu eta Alberto Rodriguezen El hombre de las mil caras pelikulak, 3 Goya Sari. Biek zituzten 11 hautagaitza.
Arevaloren lehen pelikulak Zuzendari Berri Onenaren eta Pelikula Onenaren Sariak irabazi zituen. Horrez gain, Antzeztaldeko Gizonezko Aktore Onenaren Saria Manolo Sotorentzat izan zen, eta Jatorrizko Gidoi Onenaren garaikurra ere Arevalok berak irabazi zuen, David Pulidorekin batera.
Ondoren, El hombre de las mil caras filmeko Carlos Santosek irabazi zuen Gizonezko Aktore Berri Onenaren Saria; Egokitutako Gidoi Onenaren Saria, berriz, Alberto Rodriguezek eta Rafael Cobosek lortu zuten.
Pedro Almodovarren Julieta lanak zazpi hautagaitza bazituen ere, Emakumezko Aktore Protagonista Onenaren Saria baino ez zuen irabazi, Emma Suarezek egindako lanagatik. Gainera, Antzeztaldeko Emakumezko Aktore Onenaren Saria ere aktore madrildarrarentzat izan zen, La otra piel ekoizpenagatik.
Azkenik, Rodrigo Sorogoyen Que Dios nos perdone pelikulak sari bakarra irabazi zuen, nahiz eta hautagaitza gehien zituen filmeetako bat izan. Roberto Alamok jaso zuen Gizonezko Aktore Protagonista Onenaren Saria.
Vezquez eta Rivero euskal sortzaileentzat, Goya bana
Fernando Velazquez getxoztarrak eskuratu zuen Jatorrizko Musika Onenaren 2017ko Goya saria Juan Antonio Bayonak zuzendutako Un monstruo viene a verme pelikulan egindako lanarengatik.
Velazquezekin batera atal berean beste bi euskal hautagai zeuden: Alberto Iglesias (Julieta) eta Pascal Gaigne (El olivo).
Ohorezko Goya Saria, Ana Belenentzat
Ana Belen aktoreak jaso zuen Ohorezko Goya Saria aurtengo edizioan. Espainiako zinema defendatu du, eta "osasuna eta lana" eskatu ditu "agintarien hainbesteko mespretxua merezi en duen lanbide onentzat".
Zineman egindako lana errepasatu zuen hitzaldian: "Oso zoriontsua naiz lanean eta hala jarraitzea espero dut".
;">
Zure interesekoa izan daiteke
'Los domingos' filma kanpoan utzita, 'La bola negra' jarri du Oscarretarako bidean Espainiako Zinema Akademiak
2027ko martxoaren 14an banatuko dituzte Oscar sariak.
Catherine Zeta-Jones Bilbora itzuliko da irailaren 29an, 'Kill Jackie' telesaila aurkezteko
Telesaila Bilbon, Getxon eta Bardeetan grabatu zen iaz. Horrez gain, EITBren plato berria estreinatu zuten telesaila ekoizteko.
Norma Vilaren 'Salitre' euskal filmak emango dio hasiera Fantasiazko eta Beldurrezko Zinemaren 37. Asteari
Salitre, Nagore Aranburu eta Haizea Carneros protagonista dituen pelikula, Norma Vilak (Bilbo, 1983) —Jules D. (2016) eta El fin de todas las cosas (2019) film laburren arduradunak— zuzendutako lehen film luzea da.
Euskal zinemak irailaren 22an ospatuko du gala handia, Zinemaldian eta EITBren eskutik
Miren Gaztañaga eta Ane Gabarain aktoreek aurkeztuko dute Victoria Eugenia antzokian egingo den gala. Jose Ramon Soroiz aktoreak Zinemira Saria jasoko du, eta Alberto Gastesi gidoilari eta zuzendariak EITBren Egile Berriak saria. ETBk eta ETB ONek zuzenean eskainiko dute.
Zinemaldiak ordubete eskasean agortu ditu saio batzuetarako sarrerak
Dagoeneko agortu dira, besteak beste, Sacamantecas eta La bola negra filmak ikusteko sarrera guztiak.
Hasi da Zinemaldiko sarreren salmenta
09:00etan zabaldu da online zein leihatiletan sarrerak erosteko aukera. Sarrerak modu mailakatuan salduko dituzte; horrela, gaur lehen hiru egunetarako sarrerak soilik jarri dituzte eskuragarri.
Hau da “Azken agurra” filmaren kartela
Koldo Almandozen film berria Donostiako Zinemaldiko Sail Ofizialean estreinatuko dute, lehiatik kanpo. EITBren partea hartzea du Koldo Almandozen hirugarren film luzeak, “dramedia existentzialista” honek.
'Naza', Veneziako Mostra hunkituta utzi duen Gazako sarraskiari buruzko dokumentala
Gazako sarraskia salatzen duen dokumentalak ikus-entzuleak hunkituta utzi ditu ostegun honetan Veneziako Nazioarteko Zinemaldian. Yuval Abraham eta Rachel Szor israeldarrek zuzendutako filmak agente israeldarren testigantzak biltzen ditu, Palestina suntsitzeko eta palestinarrak erailtzeko jarraitutako estrategia militar eta teknologikoaren inguruan. Filma aurtengo Donostiako Zinemaldian izango da ikusgai, Perlak sailaren barruan.
Patricia López Arnaizek Gure Zinema saria jasoko du Zinemaldian
Arabar aktoreak euskal zinema eragileen plataformaren saria jasoko du irailaren 19an Donostian, "azken urteotan aktore nabarmenen artean kokatu duen ibilbideari esker".
"Salitre" pelikularen trailerra
Norma Vila bilbotarraren lehen film luzea, "amatasunaren alde ilunerako bidaia intimo eta sentsoriala", Sitgeseko zinema jaialdian estreinatuko da, urrian. EITBren parte hartzea duen thriller psikologikoaren protagonistak Haizea Carneros eta Nagore Aranburu dira.