Gasteiz, Hegoaldeko hiribururik garestiena zinemara joateko
Gasteiz da Hego Euskal Herriko hiribururik garestiena zinemara joateko, Facua-Consumidores en Acción espainiar elkarteak 2017ko urtarril eta otsailean Espainiako Estatuko probintzia hiriburuetako eta bi hiri autonomoetako 143 zinema aretotan eginiko ikerketa baten arabera.
Hegoaldeko lau hiriburuetako zinema aretoetan, batez beste 8,1 eurokoa da sarreren prezioa asteburuetan edo jaiegunetan, horrelako establezimenduetara jende gehien joaten den egunetan. Arabako hiriburua da garestiena (8,40 euro), Bilbo dator ondoren (8,30) eta Iruñea (7,90) eta Donostia (7,80) daude horien ostean.
Astegunetan, 7,8 eurokoa da salneurria, batez beste, Donostian egun horietan egiten duten beherakadaren ondorioz; izan ere, aste barruan, sarrera normal baten prezioa 6,73 eurokoa izaten da Gipuzkoako hiriburuan, batez beste.
Ikuslearen Egunean, batez besteko prezioa 5,35 eurokoa izaten da Estatuko probintzia hiriburuetan, baina Iruñean lau eurora jaisten da batez beste txartelaren prezioa, egun horretan. Bilbon, 5,20koa izaten da, Donostian 6,20koa eta Gasteizen 6,40koa.
Nolanahi den, Javier Echagibel Florida zinema aretoetarako gerentea harrituta agertu da Radio Vitoriako mikrofonoetan, datu horien aurrean, eta Gasteizen batez besteko prezioa 6 euro baino gutxiagokoa dela adierazi du.
“Laguntza murritzak”
Facuaren txosteneko datuak sarrera arruntei dagozkie, beherapenik gabekoei. Elkarteak azaldu duenez, zinema gehienetan sustapena, bonuak edo prezio bereziak dituzte, fidelizazio txartelak dituztenentzat.
Dena dela, laguntza horiek “murritzak” dira haien ustez, “gehienak astegunetan jende gehiago erakartzeko erabiltzen baitira, eta, asteburu edo jaiegunetan erabili ahal direnen kasuan, taldean edo familian joatea izaten da beherapenak erabili ahal izateko baldintza, edo zinemara epe labur bat pasatu aurretik itzultzea zein saio berezietara joatea”.
Azkenik, Facuak gogora ekarri du hamarkada bat baino gehiago daramala “zinema areto askoren legez kanpoko jarduera salatzen, bere instalazioetatik kanpo erositako edari edo jatekoak sartzea debekatzen jarraitzen baitute”. Azken urtean, hamar kexa jarri dituzte kasuan kasuko kontsumo arloko arduradunen aurrean, eta erabiltzaileei ohartarazi die horrelakoak pairatuz gero kexakizun orriak eskatzeko.
riak eskatzeko.Zure interesekoa izan daiteke
Galiziatik Euskal Herrira egindako zeharkaldia ikusarazten du Mikel Urdangarin abeslariak zuzendutako "Itsasora" filmak
Musikariak bere belaontzi zaharberritua ekartzeko laguntza eskatu zion Unai Basurko nabigatzaileari, eta negu betean egindako bidaia hori jorratzen du lanak. Urdangarinen filmak hasiera eman dio Mendifilm jaialdiaren 18. edizioari.
Hind neskatoak Herman “reichsmarschalla” gainditu
Ez dut uste erraturik nagoenik: Palestinak Israel gainditu du kontakizunean.
EITBren parte-hartzea duen Alberto Gastesiren "Singular" thrillerra zinema-aretoetan ikusgai dago
Filma Sitgesen estreinatu zen, eta Patricia Lopez Arnaiz eta Javier Rey ditu protagonista. Dianaren eta Martinen istorioa kontatzen du. Semea hil eta hamabi urtera, bikoteak lakuko bere etxe zaharrean berriz elkartzea erabakitzen du. Hildako semearen antza duen gazte enigmatiko bat etxean agertzen denean, antzinako sekretuak eta susmo berriak argitara ateratzen dira.
“Correct me if I’m wrong” film laburrak irabazi du Zinebiko Sari Nagusia
Hao Zhou txinatar zinemagilearen lan dokumentalak jaso du Bilboko Dokumentalen eta Film Laburren Nazioarteko Jaialdiko epaimahaiaren aintzatespen nagusia. Euskal film labur onenaren saria “Habana industrial” Ainhoa Ordoñezen lanak irabazi du, eta Aitor Gametxoren "Geratzen den hori" filmak Espainiako Film Labur Onenaren Sari Nagusia.
"Los domingos" eta "Maspalomas", Feroz sarietarako film izendapen gehien dituzten filmak
Los domingos, bederatzi izendapenekin, eta Maspalomas, zazpirekin, dira 2026ko Feroz sarietarako izendapen gehien jaso dituzten filmak.
Billy Wilderren 32 film emango ditu Tabakalerak 2026ko zinema programaren barruan
Tabakalerako 2026ko zinema denboraldi berria Donostia Kulturak, Donostiako Zinemaldiak, Euskadiko Filmategiak, Elías Querejeta Zine Eskolak eta Tabakalerak berak diseinatu dute, eta urtarrilaren 8an hasiko da.
Mendi Film, Bilboko nazioarteko mendi zinemaldiaren XVIII. edizioa
Euskalduna Jauregia izango da jaialdiaren kanpaleku nagusia eta abenduaren 5etik 14ra 55 film proiektatuko dira, horietatik 12 euskal ekoizpenak. Jaialdiaren irekiera ekitaldian Entre Juan y Juanito izango da ikusgai, Juanito Oiarzabali buruz Javier Alvarok zuzendu duen filma. Bestalde, iazko Mendi Film bekari esker sortutako Luis Arrietaren filma aurkeztuko da: Sustraiak.
Norma Vila "Salitre" izeneko bere lehen film luzea filmatzen ari da, Nagore Aranburu protagonista duela
Egunotan Arrigorriagan Norma Vila zuzendariaren Salitre pelikula filmatzen ari dira, drama intimoa eta thriller psikologikoa uztartzen dituen film luzea. Nagore Aranburu eta Haizea Carneros dira protagonistak.
?fmt=png-alpha&qlt=80)
Zinebik "Llámame sinsorga" dokumentala aurkeztu du
EITBren parte-hartzea duen filma Zinebi film laburren eta dokumentalen Bilboko jaialdian proiektatuko dute, hilaren 28an zinemara iritsi aurretik. Al Borde Flims etxearen filmak La Sinsorga Bilboko espazio feminista eraikitzeko prozesua jasotzen du.
Umorez, musikaz eta Pablo Bergerrentzako Ohorezko Mikeldiaz abiatu da Zinebi
Zinebiren 67. edizioa Arriaga Antzokian hasi da, Bilboko errodajearen gorakadari, musika emanaldiei eta nobedadeen aurkezpenari keinu eginez. Hasierako saioan Euskal Film Laburren Sail Ofiziala proiektatu dute eta Pablo Berger zinemagile bilbotarrari Ohorezko Mikeldia eman diote.