Juanba Berasategi zinemagilea hil da
Juanba Berasategi zinemagilea (Pasai Donibane, 1951) gaur goizean hil da, Pasaiako bere etxean, haren ingurukoek baieztatu dutenez.
Euskal animazioaren aitzindaria izan zen Berasategi. 1977an, Ekialdeko izarra film laburrarekin debuta egin zuen, eta zortzi urte geroago Kalabaza tripontzia marrazki bizidunetako lehen euskal film luzea zuzendu zuen.
Berasategik ibilbide luzea egin du zinemagintzan, eta hauek dira egin dituen lanetako batzuk: Ipar Haizearen erronka (1991), Sorkunde (1992), Sport Man (1992), Fernando Amezketarra (1995), Ahmed Alhambrako printzea (1997), Lazkao Txiki (1999), Txirrita (2000), Alhambrako giltza (2002), Pailazokeriak (2005), Barriola San Adriango Azeria (2008) eta Simplemente (2009).
2013an, Zinemira saria eman zioten Donostiako Nazioarteko Zinemaldian, bere ibilbide profesional osoarengatik esker ona adierazteko.
CONTENIDO NO ENCONTRADO
Eusko Jaurlaritzak eta Gipuzkoako Foru Aldundiak Juanba Berasategiren heriotza deitoratu dute
Bingen Zupiria Eusko Jaurlaritzako Kultura eta Hizkuntza Politikako sailburuak Juanba Berasategiren heriotza deitoratu du. Halaber, bere ibilbide profesionala eta bereziki animazio alorrean egindako lana azpimarratu du.
Kultura eta Hizkuntza Politikako sailburuak ohar batean azpimarratu duenez, Berasategiren heriotza "galera handia da euskal kulturarentzat". Gainera, doluminak eman dizkie hildakoaren senide eta lagunei.
Sailburuaren esanetan, Berasategi euskal kulturaren "erreferente" bat izateaz gain, ikus entzunezkoen sektorean aitzindaria izan zen.
Bestalde, Gipuzkoako Foru Aldundiak bere doluminak eman dizkie hildakoaren senide eta lagunei. Markel Olano Gipuzkoako ahaldun nagusiak ohar bidez adierazi duenez, Berasategi "sortzaile aitzindaria izan zen, animaziozko euskal zinemaren esparruan aukera berriak zabaldu zituena".
EiTBk Juanba Berasategiren ibilbidea nabarmendu du
EiTBk Juanba Berasategiren heriotza deitoratu eta haren ibilbide profesionala nabarmendu du. Ohar batean, EiTBk doluminak eman dizkie Berasategiren senideei. Gainera, zinegile gisa eta, batez ere, animaziozko euskal zinemaren esparruan izandako ibilbidea azpimarratu du.
Bestalde, urte luzez Ibaia Ikus-entzunezkoen Euskal Ekoizle Burujabeen Elkarteko presidente izan zenak ikus entzunezkoen alorrean egindako lana azpimarratu du, bereziki, euskaraz egindako ekoizpenak sustatzeko. Azkenik, bere arrastoa ezabatzen zaila izango dela adierazi du.
Zure interesekoa izan daiteke
‘Itzalak argitzen’: euskal zinemaren lau klasikoren zaharberritze prozesua erakusten duen dokumentala
Koldo Almandozek eta Gorka Bilbaok 'Itzalak argitzen' dokumentala gauzatu dute 80ko hamarkadaren erdialdean ekoitzitako lau film ertain zaharberritzeko prozesua dokumentatu ostean: ‘Hamaseigarrenean, aidanez’ (Anjel Lertxundi, 1985), ‘Zergatik panpox’ (Xabier Elorriaga, 1985), ‘Ehun metro’ (Alfonso Ungria, 1985) eta ‘Oraingoz izen gabe’ (Jose Julian Bakedano, 1986). Euskadiko Filmategiaren barruko Euskal Zinema zikloan estreinatuko da.
Euskadiko Filmategiak ondareari eta emakumeen zinemagintzari eskainiko die Euskal Zinema zikloa
Datozen hiru hilabeteetan Gasteizen, Donostian eta Bilbon egingo den zikloan, Itzalak argitzen estreinatuko dute, besteak beste, 1980ko hamarkadaren erdialdean ekoitzitako lau film ertainen zaharberritze lanei buruz Koldo Almandozek eta Gorka Bilbaok egin duten filma.
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
“Palestine 36” filmak irekiko du Giza Eskubideen Donostiako Zinemaldia
Apirilaren 23tik 30era 23. edizioa egingo duen jaialdiko pelikuletan hizpide hartuko dituzte, besteak beste, emakumeek erlijioetan duten zeregina, larrialdi klimatikoa, prekarietatearen feminizazioa eta pertsona transek landa giroan duten egoera.
Piztu ziren argi gorriak Hernaniko eskalextrikean
"Argi Gorriak" telesailaren zortzi ataletan, krudela oso da komedia, bizitza nola. Zortzi atal horietan, algarak izozten dizkizute gidoilariek eztarrian.
Stephen Colbertek "Eraztunen jauna" sagako film berria idatziko du, lehen liburuan oinarrituta
Film berria, Eraztunen jauna: eraztunaren komunitatea liburuko lehen kapituluetan oinarrituko da, Peter Jacksonen zinema-egokitzapenean sartu ez ziren kapituluetan, hain zuzen ere.
Martxoak 3 Elkarteak Paul Laverty sarituko du Langilearen Inguruko Zinema Astean
Arkabia Gasteizko aretoa izango da jaialdiaren egoitza, eta eskoziar gidoilaria, Ken Loachen ohiko lankidea, itxiera galan izango da. Zikloan, Estibaliz Urresolak eta Irati Gorostidik ere hartuko dute parte, eta, besteak beste, The Old Oak, Cuerdas eta Contadores ikusi ahalko dira.
?fmt=webp-alpha&qlt=80)
Fant zinema jaialdiak Eugenio Mira zuzendaria sarituko du
Bilboko Zinemaldi Fantastikoaren Film Laburren Sail Ofizialak 19 lan proiektatuko ditu, horietako hamar euskal ekoizpenak. Fantasiazko zinemaren jaialdiaren 32. edizioa maiatzaren 8tik 16ra egingo dute.
Crossover jaialdiak Donostia telesailen hiriburu bihurtuko du aste honetan
Bederatzigarren edizioak estreinaldiak, topaketak eta larunbatera arteko jarduerak bilduko ditu, euskarazko programazio zabalarekin.
Chuck Norris hil da
Aktorearen ibilbidea arte martzialei lotuta dago. 90eko hamarkadan, Walker Texas Ranger telesailak arrakasta eman zion.