'AntiBasque' Alastrueyren filma, lan esperimental onena LA Film Awardsen
"Antibasque", Karlos Alastruey euskal zinemagilearen film ertaina, Abel Azcona artista protagonista dela Oteiza Museoarekin lankidetzan egindako lana, saritu dute Los Angeles Film Awards zinemaldian, pelikula esperimentalik onenaren atalean.
Alastrueyk berak ohar batean azaldu duenez, “Antibasque” film ertainak fikziozko eta dokumentaleko elementuak uztartzen ditu, eta gazteek memoria historikoa berreskuratu beharra aldarrikatzen du.
Francoren oniritziarekin hegazkin naziek Gernika bonbardatu zutenekotik abiatuta, filmak bidaia bat proposatzen du Nafarroan, Gipuzkoan, Bizkaian eta Europako beste lurralde batzuetan totalitarismoaren hazkundearekin eta Bigarren Mundu Gerraren osteko banaketarekin lotuta dauden agertokietan zehar.
Bidaia horretako gidariak amnesiak jota dauden eta Gernikako bonbardaketaren biktimak ordezkatzen dituzten bi gazte dira: “Beren espirituak eta buruak antolatu beharko dituzte, ulertzeko arbasoei zer gertatu zitzaien eta gertakari historiko horiek egungo belaunaldiko gizon-emakumeengan zer eragin izan dituen”.
Karlos eta Javier Alastrueyk idatzi dute “Antibasque”ren gidoia, musika German Ormaecheak egin du, argazkigintzaz Dario Missaghian eta Iker Zaratiegui arduratu dira, soinua Jon Uriolek zaindu du eta Marlene Aznar dago makillaje lanaren atzean.
Aktore zerrendan, Abel Azcona artista agertzen da, baita Lide Martínez-Abaigar, Lucía Nieto, Aintzane Alastruey, Javier Baigorri, Lorea Otazu eta Gorka Zubeldia ere.
Zure interesekoa izan daiteke
Ione Hernandezen "Hermanas" filma Torontoko zinema jaialdian estreinatuko da
Pelikulak EITBren babesa du, eta Bizkaiko eta Madrilgo hainbat tokitan filmatu dute. Elena Anaya eta Emma Suarez aktoreak dira protagonistak.
Mikel Gurrea, Koldo Almandoz eta David Perez Sañudoren film berrienak Zinemaldiko Sail Ofizialean izango dira
“Sants” Mikel Gurrearen filma Urrezko Maskorrerako lehian arituko da Donostiako zinema jaialdian, eta “Azken agurra” Almandozena eta “Sacamantecas” Perez Sañudorena, biak ere euskarakoak, lehiatik kanpo ikusiko dira. Zinemaldiak 74. edizioan pantailaratuko dituen hainbat euskal film aurkeztu ditu, Madrilen.
Oliver Laxe, Tabakaleran, "HU, egin dantza inor begira ez balego bezala" proposamenarekin
Sirāt eta O que arde filmen zuzendariak aurkeztu du, Donostiako zentroan, urriaren 12ra arte ikusgai egongo den erakusketa. Jatorriz Reina Sofía Museorako sortua, instalazioak artistaren azken hamar urteetako filmazioak ditu abiapuntu, Sirāt film sarituaren unibertso bisualarekin lotura dutenak.
Ontziratu al ziren Fuchs anaiak "Winnipeg" barkuan?
Jakina fuchstarrak ez zirela itsasontziratu 2.500 iheslari Espainiako Gerraren osteko krudelkeriatik urrundu zituen Winnipeg barkuan.
Sam Neill zeelandaberritar aktorea zendu da
Jurassic Park sagan Alan Grant paleontologoarena egin zuen aktorea Pianoa eta Urri Gorriaren ehiza filmetan ere agertu zen.
?fmt=webp-alpha&qlt=80)
Samantha Hudson espainiar musikaria da Beldurrezko Astearen kartelaren protagonista
Donostiako zinema jaialdiaren kartelak Cinemasub Itsaspeko Zinemaren Nazioarteko Zikloa omendu du, horren 50. urteurrenean. Argazkiaren koordinazioaz Pedro Mambrú arduratu da, eta Javier Bermejo eta Chus Feijóo dira bere egileak.
Ez zinen zu, Lapulapuk hil zintuen zu, Ni inguratzen lehena
Magalhaes filmak Lope de Agirre, Fritzcarraldo, Hernan Cortés, Diego de Ibarra zein Pascual de Andoyagaren antzeko konkistatzaile, menderatzaile, esploratzaile, esplotatzaile, nabigatzaile iluminatuekin zerikusi franko izan zuen Porton jaiotako Fernão de Magalhãesen delirioa azaltzen du.
Brydie O’Connor zuzendariaren "Barbara Forever" dokumentala, 2026ko Zinegoak jaialdiko sari nagusiaren irabazlea
Lanak Barbara Hammer zinegile ezagunaren bizitza, obra eta ondarea aztertzen ditu bere artxiboko materialaren bidez. Aurtengo edizioko filmik nabarmenena izan da, hiru sari irabazi baititu.
"Dekoratua" filmak Paul Grimault saria irabazi du Annecyko zinema jaialdian
Uniko euskal ekoiztetxearen filmak animaziozko zinema jaialdiaren sari garrantzitsuenetan hirugarrena bereganatu du.