'Handia' izan da nagusi Goya sarietan
Handia filma izan da jaun eta jabe Goya sarien banaketa ekitaldian. Aitor Arregik eta Jon Garañok zuzendutako proiektuak 10 garaikur eraman ditu etxera. 13 ataletan zegoen izendatuta; eta sari kopuru horrekin, Goyen historian sari gehien jaso dituen hirugarren filma bihurtu da, Mar adentro eta Ay Carmelaren atzetik. Honako atal hauetan irabazi du:
-Jatorrizko gidoi onena: Aitor Arregi
-Gizonezko aktore berri onena: Eneko Sagardoy
-Argazki zuzendaritza onena: Javier Agirre
-Produkzio zuzendaritza onena: Ander Sistiaga
-Musika onena: Pascal Gaigne
-Editatze onena: Laurent Dufreche eta Raul Lopez
-Zuzendaritza artistiko onena: Mikel Serrano
-Jantzi diseinu onena: Saioa Lara
-Efektu berezi onenak: Jon Serrano, David Heras
-Makillaje eta ile-apainketa onenak: Ainhoa Eskisabel, Olga Cruz eta Gorka Agirre
Bestalde, Isabel Coixeten La libreria filmarentzat izan dira sari garrantzitsuenak: pelikula onena, zuzendari onena eta egokitutako gidoi onena.
Aktore onenei dagokienez, Javier Gutierrezek (Autor) eta Nathalie Pozak (No se decir adios) irabazi dute.
Bestalde, Verano 1993ek hiru sari irabazi ditu: zuzendari berri onenaren saria, emakumezko aktore berri onena (Bruna Cusi) eta antzezlaneko gizonezko aktore onenaren saria (David Verdaguer).
Antzezlaneko emakumezko aktore onenaren saria, berriz, Adelfa Calvorentzat izan da (Autor).
Soinu onenaren saria Verónica filmak irabazi du.
Tadeo Jones 2. El secreto del Rey Midas-ek jaso du, bere aldetik, animazioko film onenaren saria eta dokumental onenaren saria Muchos hijos, un mono y un castillo filmak poltsikoratu du.
Gainera, Ruben Östlunden The Square (Suedia) filmak irabazi du film europar onenaren saria eta Sebatian Lelioren Una mujer fantasticak (Txile) Iberoamerikako film onenarena.
Animaziozko laburmetraia onenaren saria Woody & Woodyk eraman du.
Eta amaitzeko, Marisa Paredes aktoreak jaso du 2018ko Ohorezko Goya.
Albiste gehiago zinema
Biba Zinema eta Lege Berriak!
Begoña del Tesok gaur egun zinema kontsumitzeko moduaren analisia egin du.
Marisa Paredes omenduko du Zinemaldiak 73. edizioko kartel ofizialean
Bestalde, gaur jakitera eman da Esther Garcia ekoizleak jasoko duela aurtengo Donostia sarietako bat, "Espainiako eta Latinoamerikako zinemagintza nazioartekotzeko egin duen lanagatik".
‘Zeru Ahoak’, Almandozen azken lanaren lehen irudiak aurkeztu dituzte
Lau ataleko serie noir laburra da eta Nagore Aranburu aktore azpeitiarra da protagonista. Orain ikusi ez den Bilbo erakustea da asmoa. Donostia Zinemaldiaren 73. Edizioko Sail Ofizialeko Emanaldi Berezietan hartuko du parte.
Alauda Ruiz de Azua zuzendari bizkaitarra lehen aldiz lehiatuko da Donostiako Zinemaldiko Urrezko Maskorra lortzeko, ‘Los Domingos’ filmarekin
Film honek klausura-komentuko kontenplazio-bizitzak erakarri egingo duen gazte aparteko eta idealista baten istorioa jorratzen du. Ruiz de Azuaren lehen film luzea 'Cinco lobitos' izan zen.
"Gaua" eta "Decorado" euskal ekoizpenak Sitgeseko zinema jaialdian lehiatuko dira
Paul Urkijoren film berria eta Alberto Vázquez galiziarraren animaziozko lana urriaren 9tik 19ra Kataluniako kostaldeko herrian egiten den zinemaldiko Sail Ofizialean izango dira.
Urriaren 10ean estreinatuko dute “Karmele” filma
Lehenago, Asier Altunaren filma Donostiako Zinemaldiko Sail Ofizialean proiektatuko dute. Jone Laspiur eta Eneko Sagardoy dira protagonistak, eta “Elkarrekin esnatzeko ordua” Kirmen Uriberen eleberrian oinarrituta dago.
Karmele, Maspalomas eta Zeru ahoak Zinemaldiko Sail Ofizialean egongo dira
Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen. Euskarazko hiru jasoko ditu aurtengo edizioaren Sail Ofizialak: Koldo Almandozen Zeru Ahoak, Asier Altunaren Karmele eta Moriartiren Maspalomas. Azken hori, gainera, Maskorra eskuratzeko lehian izango da.
Euskarazko hiru ekoizpen jasoko ditu Donostiako Zinemaldiaren Sail Ofizialak
“Maspalomas” Moriarti hirukotearen filma Maskorretarako lehian izango da, eta “Karmele” Asier Altunaren filma eta “Zeru ahoak” Koldo Almandozen seriea, lehiatik kanpo. Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen.
Ion de Sosak Locarnoko zinema jaialdian estreinatuko du “Balearic”
Donostiar zinemagilearen film luzea Concorso Cineasti del Presente sailean lehiatuko da Suitzako hiriko jaialdian.
"Jone, batzuetan" Sara Fantovaren filma irailaren 12an estreinatuko dute
Malagako zinema jaialdian eta D’A Film Festivalen sariak jaso eta gero, Josean Bengoetxea eta Olaia Aguayo protagonista dituen pelikula zinema aretoetara iritsiko da.