Zinema Eraikitzen sailak bost opera prima eta bigarren film bat aurkeztuko ditu
Donostiako Zinemaldiak antolatzen duen Zinema Eraikitzen sailaren 34. edizioak sei film aukeratu ditu, eta horietatik bost lehen lanak dira, Zinemaldiak ostegun honetan jakitera eman duenez. Ekimenak Latinoamerikako zinemagintzako profesionalen ekoizpena bultzatzea du helburu.
Ekoizleei diru-laguntzak emateaz gain, aukeratutako filmak nazioartean zabaltzen laguntzen du "erreferentziazko elkargune" bihurtu den plataformak. Izan ere, Donostia Zinemaldiak eta Cinelatino Rencontres de Toulouse zinemaldiak (Frantzia) elkarlanean antolatzen duten Zinema Eraikitzen sailak Latinoamerikako film luzeen ekoizpena babesten du.
Aurtengo Zinemaldian, Argentina, Bolivia, Txile eta Uruguaiko ekoizpenak proiektatuko ditu urtean bi deialdi izaten dituen ekimen horrek.
Donostiako Zinemaldiak jakinarazi duenez, ondorengoak dira hautapen batzordeak aukeratutako lanak: Joaquin Peñagaricano eta Pablo Abdalaren Mateina (Uruguai, Brasil eta Argentina); Lucia Garibaldiren Los tiburones (Uruguai eta Argentina); Sebastian Muñozen El Principe (Txile eta Argentina); Carlos Piñeiroren Sirena (Bolivia); Nicolas Savignoneren Ni heroe ni traidor (Argentina), eta Omar Zuñigaren Los fuertes (Txile).
Zinema Eraikitzen sailaren 34. edizioan, 181 lanek eman dute izena, baina horietatik sei aukeratu dituzte: bost opera prima eta bigarren film bat.
Azken edizioetan Donostian eta Akitaniako Tolosan aurkeztutako filmetatik bost Horizontes Latinos sailaren aukeran sartu dituzte aurten.
Zure interesekoa izan daiteke
Albiste izango dira: Oscar sariak, EAEko aireportuen kudeaketari buruzko bilera Madrilen eta udal hauteskundeak Ipar Euskal Herrian
Gaurkoan Orain-en albiste izango direnen laburpena, bi hitzetan.
Aldarrikapen politikoek ez dute Oscarren bataila irabazi
Munduko egoera geopolitiko eta humano aldrebesak ez du Conan O’Brienek aurkeztu duen galako erdigunea hartu, Javier Bardem espainiar aktoreak gerraren kontra eta Palestinaren askatasunaren alde eginiko aldarri argiaz haratago.
Oscar sarien 98. edizioko palmaresa
One Battle After Another filmak sei Oscar lortu ditu, gaueko sari nagusia barne, film onenarena; Sinnersek, 16 ataletan izendatuta egonik, lau estatuatxo erdietsi ditu.
Oscar sarietako unerik onenak
Oscar sariek une gogoangarriak eta look apurtzaileak utzi dituzte. Hemen adibide batzuk.
“One Battle After Another” Paul Thomas Andersonen filma nagusi, Oscar sarietan
Estatubatuar zuzendariaren filma izan da Hollywoodeko sarien 98. edizioaren gaueko izarra, sei sari bereganatuta; besteak beste, film, zuzendari eta gidoi egokitu onenen ataletan irabazi du.
Gemma Cuervo aktorea hil da, 91 urte zituela
Antzokietako oholtza gainean egindako lanagatik eta telebistako programa zein telesailetan agertzeagatik oso ezaguna zen Bartzelonan jaio eta Madrilen hil den aktorea.
Hollywood, Oscar sarien 98. ekitaldirako prest
"Sinners" filmak markak hautsi ditu 16 izendapen jasota, eta "Sirat" Nazioarteko Film Onenaren saria jasotzeko izendatu dute. Emma Stone, Jessie Buckley, Rose Byrne, Timothee Chalamet, Leonardo DiCaprio eta Benicio del Toro izango dira galan protagonista nagusiak.
“Argi gorriak” seriea martxoaren 20an estreinatuko da Primeran plataforman
Itziar Ituño protagonista duen komedia garratza ordu erdiko zortzi atalez osatuta dago. Martxoaren 18an hiru atal estreinatuko dituzte, Kursaalen. Alex Merino, Alejandra Arróspide eta Alberto Gastesi dira seriearen sortzaileak, eta Gastesik berak zuzendu du. Antzeztaldea Iñigo Gastesi, Yangxi Chen, Iñigo Rodríguez, Klara Badiola, Miren Gaztañaga, Sara Cozar, Ziyi Yang, Guiomar Puerta, Aitor Beltran eta Jon Lukas Puertas aktoreek osatzen dute. Elena Mugika izeneko bikoizketako aktorearen rola betetzen du Itziar Ituñok. Bere urterik sutsuenak atzean utzita, errutinan murgilduta bizi da. Baina iktusa izan duen eta heriotza-mehatxu arriskutsu batean nahastuta dagoen senar ohiaren itzulerak dena aldatuko du.
Aranzazu Calleja musikagileak FANT zinema jaialdiaren ohorezko saria jasoko du
Fantasiazko zinemaren Bilboko jaialdia La casa en el árbol Luis Calderonen filmak irekiko du.
Beren senetik irten diren pelikulen alde, topa
Adibiderik nahi, behar? Hona hemen txundigarri oso diren pare bat: Maggie Gyllenhaalen The Bride! eta Anders Thomas Jensenen The Last Viking.