'Carmen y Lola' Arantxa Echevarriaren filmak zortzi izendapen lortu ditu Goyetarako
Arantxa Echevarria bilbotarraren lehendabiziko filmak, Carmen y Lola-k, zortzi izendapen eskuratu ditu Goya sarietarako. Horrez gain, Paul Urkijo gasteiztarraren Errementari eta Another day of life animaziozko dokumentalak ere Espainiako Zinema Akademiaren sariak lortzeko hautagaiak izango dira, efektu berezi eta animaziozko film onenen ataletan. Alberto Iglesias donostiarra ere Goyetarako euskal izendatuen artean dago, Yuli filmarentzat egindako musikagatik.
Espainiako Zinema Akademiak Goya sarietarako izendatuen zerrenda iragarri du gaur, Rossy de Palma aktorearen eta Paco Leon zuzendariaren ahotsean. Otsailaren 2an banatuko dituzte sariok, Sevillan. Gala Andreu Buenafuentek eta Silvia Abrilek aurkeztuko dute, eta Narciso Chico Ibañez Serrador zinemagileak Ohorezko Goya jasoko du.
Rodrigo Sorogoyenen El reino pelikulak eskuratu ditu izendapen gehien: 13. Alde txikira geratu da Javier Fesserren Campeones (11 izendapen). Bestalde, Asghar Farhadiren Todos lo saben filmak Echevarriaren debutak beste eskuratu ditu (8).
Echevarriaren pelikulak izendapenak lortu ditu atal nagusietan
Carmen y Lola pelikulak, Cannesen estreinatutakoa eta Europako Zinemaren Sarietarako aurrez hautatua, atal garrantzitsuenetan lortu du izendapena: film onena, zuzendari berri onena eta jatorriko gidoi onena. Horrez gain, pelikulako protagonistak, Rosy Rodriguez eta Zaira Romero (formazio eta eskarmenturik gabeko aktoreak), emakumezko aktore berri onenaren sarirako izendatu dituzte. Moreno Borja aktore hasiberria ere gizonezko aktore berri onenerako lau hautagaien artean dago. Calorina Yuste, berriz, antzezlanezko emakumezko aktore onenen artean izendatu dute. Paco de la Rosak filmerako egindako "Me vas a extrañar" kantak jatorrizko abesti onenaren izendapena jaso du.
Bestalde, Alberto Iglesias konpositore donostiarra Iciar Bollainen Yuli pelikularako egindako musika ere sarietarako izendatu dute.
Raul de la Fuente nafarrak eta Damia Nenow poloniarrak zuzendutako Another day of life filma animaziozko pelikula onenaren izendatuen artean dago. Zintak EiTBren parte-hartzea du, Errementari-k bezala. Hain justu, Paul Urkijoren pelikularen efektu bereziek (Jon Serrano eta David Herasen eskutik) izendapena jaso dute atal horretan.
Borja Cobeaga donostiarrak izendapen bat lortu du Superlopez-en gidoiarengatik (Diego San Joserekin batera nabarmendu dute gidoi egokitu onenaren atalean). Andrea Jaurrieta iruindarra ere izendatuen artean dago zuzendari berrien atalean (Ana de dia pelikulagatik).
Euskal izendatuen zerrenda ixteko, bi izen gehiago: Iñaki Ros (El reino filmagatik) eta Josu Inchaustegui (La sombra de la ley pelikularen argazkilaritzagatik).
Halaber, Soy una tumba Uniko bilbotar ekozitetxearen lana animaziozko film labur onenaren sailean lehiatuko da.
Zure interesekoa izan daiteke
"Los domingos" kanpoan utzita, "La bola negra" jarri du Oscarretarako bidean Espainiako Zinema Akademiak
2027ko martxoaren 14an banatuko dituzte Oscar sariak.
Catherine Zeta-Jones Bilbora itzuliko da irailaren 29an, 'Kill Jackie' telesaila aurkezteko
Telesaila Bilbon, Getxon eta Bardeetan grabatu zen iaz. Horrez gain, EITBren plato berria estreinatu zuten telesaila ekoizteko.
Norma Vilaren 'Salitre' euskal filmak emango dio hasiera Fantasiazko eta Beldurrezko Zinemaren 37. Asteari
Salitre, Nagore Aranburu eta Haizea Carneros protagonista dituen pelikula, Norma Vilak (Bilbo, 1983) —Jules D. (2016) eta El fin de todas las cosas (2019) film laburren arduradunak— zuzendutako lehen film luzea da.
Euskal zinemak irailaren 22an ospatuko du gala handia, Zinemaldian eta EITBren eskutik
Miren Gaztañaga eta Ane Gabarain aktoreek aurkeztuko dute Victoria Eugenia antzokian egingo den gala. Jose Ramon Soroiz aktoreak Zinemira Saria jasoko du, eta Alberto Gastesi gidoilari eta zuzendariak EITBren Egile Berriak saria. ETBk eta ETB ONek zuzenean eskainiko dute.
Zinemaldiak ordubete eskasean agortu ditu saio batzuetarako sarrerak
Dagoeneko agortu dira, besteak beste, Sacamantecas eta La bola negra filmak ikusteko sarrera guztiak.
Hasi da Zinemaldiko sarreren salmenta
09:00etan zabaldu da online zein leihatiletan sarrerak erosteko aukera. Sarrerak modu mailakatuan salduko dituzte; horrela, gaur lehen hiru egunetarako sarrerak soilik jarri dituzte eskuragarri.
Hau da “Azken agurra” filmaren kartela
Koldo Almandozen film berria Donostiako Zinemaldiko Sail Ofizialean estreinatuko dute, lehiatik kanpo. EITBren partea hartzea du Koldo Almandozen hirugarren film luzeak, “dramedia existentzialista” honek.
'Naza', Veneziako Mostra hunkituta utzi duen Gazako sarraskiari buruzko dokumentala
Gazako sarraskia salatzen duen dokumentalak ikus-entzuleak hunkituta utzi ditu ostegun honetan Veneziako Nazioarteko Zinemaldian. Yuval Abraham eta Rachel Szor israeldarrek zuzendutako filmak agente israeldarren testigantzak biltzen ditu, Palestina suntsitzeko eta palestinarrak erailtzeko jarraitutako estrategia militar eta teknologikoaren inguruan. Filma aurtengo Donostiako Zinemaldian izango da ikusgai, Perlak sailaren barruan.
Patricia López Arnaizek Gure Zinema saria jasoko du Zinemaldian
Arabar aktoreak euskal zinema eragileen plataformaren saria jasoko du irailaren 19an Donostian, "azken urteotan aktore nabarmenen artean kokatu duen ibilbideari esker".
"Salitre" pelikularen trailerra
Norma Vila bilbotarraren lehen film luzea, "amatasunaren alde ilunerako bidaia intimo eta sentsoriala", Sitgeseko zinema jaialdian estreinatuko da, urrian. EITBren parte hartzea duen thriller psikologikoaren protagonistak Haizea Carneros eta Nagore Aranburu dira.